Vikan - 13.01.1983, Síða 16

Við rákumst á þessar myndir í
frönsku tískublaði. Ekki fylgdi það
sögunni hvort hægt væri að rekja
ættir yfirhafnarinnar til íslands. Hins
vegar minnir flíkin óneitanlega á það
sem í daglegu tali er nefnt Álafoss-
teppi! Er líkast því að franskurinn hafi
keypt nokkur slík og gert úr þeim
glæsilegustu yfirhafnir. Ef til vill
getum við hér á norðurhjara veraldar
farið að dæmi þeirra og notað værðar-
voðir á nýjan máta.
Hvað sem því líður er þetta ein stað-
festing á því hve íslenska ullin býður
upp á marga möguleika til fatagerðar
af fínasta toga. Oft þurfum við útlend-
inga til að sýna okkur fram á það!