Vikan - 21.02.1985, Blaðsíða 61
'6ðu'hans'
röddin '?Vk,r
johnsLennon. -------
JULIAN
LENNON
Julian Lennon kom fram á sjónar-
sviðið í lok síðasta árs. Þó hafði hann
alltaf verið öðru hvoru i fréttum og þá
vegna foreldra sinna, sérstaklega föður
síns, Johns Lennon. Nú hefur hann
fengið pláss á síðum blaðanna vegna
sinna eigin verðleika.
Eftir skilnað Cynthiu og Johns ólst
hann upp hjá Cynthiu en John tók sam-
an við Yoko Ono. Samband hans við
föður sinn var ekki mikið þar til hann
var rúmlega 13 ára. Þá ákvað móðir
hans að þeir ættu að hittast. Fyrsti
fundur þeirra feðga var frekar vand-
ræðalegur. Julian kenndi mömmu sinni
og Yoko um að þeir hefðu verið of
feimnir hvor við annan. Þegar þeir
höfðu hist nokkrum sinnum varð sam-
bandið betra. Því var það mikið áfall
fyrir hann þegar fregnin um morðið á
pabba hans barst honum.
Eftir dauða Johns héldu margir að
Julian myndi fá góðan arf en raunin
varð önnur, hann fékk ekkert fyrir utan
smáupphæð sem hann fær þegar hann
verður 25 eða 26 ára (hann er rúmlega
21 árs). Hálfbróðir hans, Sean, fær
álika upphæð þegar hann nær sama
aldri. Þrátt fyrir þetta er Julian sama um
peninga, það eina sem hann vildi fá var
gítarinn sem John átti en Yoko vildi
ekki láta hann af hendi.
Nú hefur Julian hafið sinn eigin tón-
listarferil og það glæsilega. Fyrsta smá-
skífan innihélt lagið Too Late For Good-
byes sem náði mjög hátt á breska vin-
sældalistanum. Á eftir þvi kom titillag
breiðskifunnar Valotte. Það náði líka
miklum vinsældum þó þær jöfnuðust
ekki á við vinsældir Too Late For Good-
byes.
Eins og áður sagði likist rödd Julians
ótrúlega rödd Johns pabba hans. Sum-
ir halda því jafnvel fram að John Lenn-
on sé að syhgja í gegnum son sinn, en
við seljum þetta ekki dýrara en við
keyptum það.
Það er álit allra (flestra) að Julian eigi
góða möguleika I framtíðinni og til
gamans má geta þess að hann var kos-
inn bjartasta vonin árið 1984 af lesend-
um breska poppblaðsins Smash Hits og
hann lenti í þriðja sæti í kosningu um
björtustu vonina hjá lesendum blaðsins
NO. 1 — enda þótt hann kæmist ekki á
blað hjá íslenskum gagnrýnendum.
8. tbl. Vikan 61