Vikan - 20.06.1985, Blaðsíða 9
Ég er hvorki hvít né svört —
ég er bara ég sjálf
Breska söngkonan Sade
hefur heillað fólk um allan heim
með þýðri rödd og fegurð. Hún
er fædd í Nígeríu af breskri,
hvítri móður og svörtum,
nígerískum föður. Móðirin yfir-
gaf föður Sade þegar hún var
fjögurra ára og síðan þá hefur
hún alist upp í Bretlandi. Hún
segist hvorki líta á sig sem
svarta né hvíta heldur segist
einfaldlega vera hún sjálf. Hún
segist hafa mátt þola and-
styggilegar athugasemdir frá
skólasystrum sínum þegar hún
var um 12 ára aldur, en hlær
bara að því núna.
Um síðustu jól fór Sade til
Nígeríu til þess að finna ömmu
sína í fyrsta sinn, en hún býr í
litlu sveitaþorpi. Hún sagði
ömmu sinni að hún syngi og
dansaði. ,,Og hvað meira?"
sagði amman. ,,Ég hef líka gert
það alla tíð en það er ekkert
starf."
Sade hefur gaman af því að
segja frá því hvernig það atvik-
aðist að hún fór að syngja og
dansa. Hún hafði stefnt að því
að verða tískuhönnuður en um-
boðsmaður hljómsveitarinnar
PRIDE bað hana að taka að sér
að syngja bakrödd. Vegna þess
að hún var svört áleit hann að
hún kynni vitaskuld bæði að
syngja og dansa, en í reyndinni
kunni Sade hvorugt. Prufan
sem hún var látin taka gekk
herfilega en hún var smat ráðin
vegna þess að það fannst engin
önnur betri. En á þeim fimm ár-
um sem hún var með hljóm-
sveitinni lærði hún smám sam-
an allt sem til þurfti.
Sade býr á efstu hæð í
glæsilegu gömlu sambýlishúsi í
Highsbury í norðanverðri
London sem er nú mikið tísku-
hverfi. Þar býr hún ásamt kett-
inum sínum, Cills, og þangað
leggur tíðum leið sína vinur
hennar, Robert Elms, blaða-
maður að atvinnu. Þau hjóna-
leysin hafa verið saman í meira
en þrjú ár en eru ekkert í hjóna-
bandshugleiðingum.
25. tbl. Vikan 9