Vikan - 08.01.1987, Síða 14

hér á landi og annars staðar fyrir að koma
tekjum undan skatti með millifærslum til ann-
arra landa þar sem skattaprósenta er lág.
Gunnar fjallaði um þessa gagnrýni í fyrir-
lestri fyrir skömmu og sagði þá meðal annars:
„Margir ykkar hafa sjálfsagt heyrt gagnrýni
á fjölþjóðafyrirtæki, meðal annars hvernig
þau geta hagrætt bókum sínum þannig að
skattar séu greiddir í þeim löndum þar sem
skattaálögur eru lægstar. Má sjálfsagt finna
mörg dæmi um slíkt. IBM er aftur á móti
rekið á allt öðrum grunni. Þar gildir í stuttu
máli að skattar skuli greiðast þar sem tekjur
myndast."
En gefum Gunnari orðið.
„Við erum yfirleitt meðal hæstu skattgreið-
enda á íslandi, auk þess sem við verðum að
standa skil á greiðslum til móðurfyrirtækisins.
En fyrirtækið heldur eftir ákveðnum hluta
hagnaðarins eftir skatt, fyrir sig.
Það eru margir sem leita til okkar eftir
styrkjum, því miður er ekki hægt að sinna
nema broti af þeim beiðnum sem við fáum.
En við reynum að gera eins vel og við getum.
Ein af grundvallarreglum fyrirtækisins er
að vera góður þjóðfélagsþegn í því landi sem
það starfar og jafnframt vera virkur þátttak-
andi í þjóðlífmu og leggja sitt af mörkum í
jákvæðum framlögum á hinum ýmsu sviðurn
þjóðfélagsins. í tilefni af tuttugu ára afrnæli
IBM á íslandi efndum við til samkeppni með-
al listamanna, 35 ára og yngri. Henni lýkur
núna tíunda janúar. Við einskorðuðum okkur
ekki við eina tegund listar heidur er sam-
keppnin opin fyrir málara, myndhöggvara og
leirkerasmiði, svo eitthvað sé nefnt, og vona
ég að þátttaka verði gþð. Verðlaunin eru 100
þúsund krónur sem renna óskiptar til þess sem
vinnur. Þegar samkeppninni lýkur munum
við standa fyrir sýningu á Kjarvalsstöðum á
þeim verkum sem bárust. Þá má búast við
að við og aðrir kaupum verk af þeim sem
taka þátt í keppninni.“
- Hver ákveður hvers konar list skuli
styrkt?
„Það gerist nú hér í forstjórastólnum," seg-
ir Gunnar brosandi en bætir við: „En auðvitað
ráðgast ég við samstarfsmenn mína. Hug-
myndirnar kvikna ekki bara í þessum stól,
þær gera það annars staðar líka, utan sem
innan fyrirtækisins. Fyrirtækið væri illa statt
ef ég væri eini hugmyndasmiður þess.“
Mikill áhugi á skák
- Nú er IBM skákmót framundan?
„Já, í næsta mánuði stöndum við fyrir skák-
móti en hér innan fyrirtækisins eru margir
áhugamenn um skák. Þetta verður sterkasta
skákmót sem haldið hefur verið hérlendis og
þó víðar væri leitað. Skákmenn okkar eru
meðal þeirra sterkustu í heimi og í því sam-
bandi þurfum við ekki að nota hina hefð-
bundnu klisju „miðað við fólksfjölda". Okkur
fannst það jákvætt framlag að halda skákmót
þar sem skák byggir á hugviti eins og IBM
gerir.
Ég er viss um að þetta skákmót á eftir að
vekja verulega athygli hérlendis sem erlendis.
Verðlaunaféð er mjög rausnarlegt eða 30 þús-
und dollarar. Til þess að gera mótið meira
Viðtal:
Jóhanna Margrét
Einarsdóttir
Mynd:
Valdis Óskarsdóttir
spennandi verður greitt sérstaklega fyrir
hverja unna skák. Það gerum við til þess að
koma í veg fyrir of mörg jafntefli. Ungu stór-
meistararnir okkar eru mjög spenntir fyrir
mótinu og hvergi bangnir. Það verður gaman
fyrir þá að glíma við skáksnillinga eins og
Kortsnoj, Timman og Short en þeir verða
meðal átta erlendra stórmeistara sem keppa
á mótinu. Þetta er með sterkustu skákmótum
sem haldin hafa verið í heiminum. Við reikn-
um með að það lendi í fjórtánda eða fimmt-
ánda styrkleikaflokki en skalinn spannar
sextán flokka. Reyndar skilst mér að það
hafi ekki verið haldin nema eitt eða tvö mót
í sextánda flokki.
Ég vona að þetta mót eigi eftir að hafa
mikil áhrif á framgang skáklistarinnar hér á
landi. Þeir sem mest láta að sér kveða í ís-
lenska skákheiminum í dag voru á barnsaldri
þegar heimsmeistaraeinvígi þeirra Fischers og
Spasskys var haldið hér á landi 1972, en það
varð kveikjan að áhuga þeirra á skák. Það
verður því vonandi fullt af strákum og stelpum
sem fá áhuga á því að tefla þegar þau fylgj-
ast með þessu móti.“
Ég er gamall KR-ingur
Látið þið ákveðið hlutfall af hagnaði fyr-
irtækisins renna til menningarmála?
„Nei, það gerum við ekki. En þörfin er víða
eins og til dæmis hjá iþróttafélögunum."
Gunnar bendir mér á mynd af knattspyrnu-
liði Fram sem leikur með merki IBM framan
á bolunum sínum.
Þið seljið Fram auglýsingar?
„Við viljum ekki orða það þannig. Þeir leika
með okkar merki og í staðinn leggur IBM
fram fjármagn sem þeir fá greitt á keppnis-
tímabilinu. Ef þeir vinna mót fá þeir auka-
greiðslur. Það er geysilega mikill peningur sem
fer í þetta. Okkur finnst betra að styrkja einn
aðila heldur en vera að dreifa smáupphæðum
hér og þar.
Ég held að það megi segja að samningur
okkar við Fram hafi verið tímamótasamning-
ur fyrir íþróttahreyfinguna. Við sögðum: Við
ætlum ekkert að prútta við ykkur. Þið fáið
það fjármagn sem þið teljið nauðsynlegt til
að ná árangri, ráða góðan þjálfara og annað
slíkt - og á þeim nótum sömdum við. Síðan
hafa önnur íþróttafélög komist að því hversu
mikið Ijármagn þeir fá hjá okkur og hafa því
getað samið á svipuðum nótum. Það er út i
hött að vera að karpa um slíkt því ef félagið
stendur sig ekki vel er það báðum aðilum í
óhag. Þetta hefur verið ánægjuleg samvinna."
- Hvernig stóð á því að Frant varð fyrir
valinu, þú ert kannski gamall Frammari?
„Nei, ég er gamall KR-ingur. En Fram er
hér í næsta nágrenni við okkur í Skaftahlíð-
inni og því varð það fyrir valinu.“
Tengsl IBM við skóla
- Nú rekið þið tölvuskóla?
„Já, við erum þekktir fyrir að bera hag
menntunar fyrir brjósti. Við rekum elsta
tölvuskóla landsins. Annars hefðum við viljað
gera miklu meira þó svo að við eigum mjög
gott samstarf við fjölmarga skóla á ýmsum
stigum skólakerfisins, allt upp í Háskóla ís-
lands.
Talandi um Háskólann þá er vert að geta
þeirrar miklu samvinnu sem við höfum við
Orðabók Háskólans sem sá um gerð orða-
safns sem tengist leiðréttingarforriti frá okkur.
Þetta forrit finnur yfir 98% allra villna í rituð-
um texta og kemur með tillögur um leiðrétt-
ingar auk þess sem það skiptir alfarið rétt á
milli lína. Orðabókarfólk hefur unnið ómet-
anlegt verk við að finna nýyrði í íslensku. Við
leggjum rnikla áherslu á að helstu notendafor-
rit okkar séu á sent liprustrf og skýrustu máli
og þar hefur komið til kasta Orðabókarinn-
ar. Starfsfólk hennar hefur unnið þessar
þýðingar fyrir okkur af kostgæfni og þarf
ekki að segja neinum íslendingi hve mikilvægt
er að vel takist til í upphafi til að við sleppum
við hvimleið erlend tökuorð sem svo algeng
eru hjá nágrannaþjóðum okkar.“
Um 1% ferðamanna
á vegum IBM
Heyrst hefur um umfangsmikið ráð-
stefnuhald IBM hérlendis. Hvað er til í því?
„Já, það er rétt. Á síðasta ári komu hingað
um 1100 rnanns á okkar vegum, sem er um
I % af þeim ferðamönnum sem komu hingað
það árið. Á þessu ári verðum við með hátt í
tvö þúsund manna ráðstefnu hér. Þetta er
hlutur sem gerist ekki af sjálfu sér. Við erum
búnir að standa í ströngu við að sannfæra
erlenda starfsbræður okkar um að Island sé
land sem er þess virði að heimsækja. Utlend-
ingarnir, sem hafa komið á okkar vegum,
hafa verið mjög hrifnir af landinu, af fólkinu
og hvernig staðið er að ráðstefnuhaldi hér.
Það er gott fagfólk sem skipuleggur þessar
ráðstefnur. Þetta skilar ómældu fjármagni,
ætli ráðstefnan á þessu ári skili ekki þjóðarbú-
inu yfir hundrað milljónum í tekjur.
En það er fleira sem fylgir, útlendingarnir
sjá og heyra íslenska listamenn og fá tækifæri
til að kynnast menningu okkar. Fólkið verður
hrifið og kemur þá vonandi með fjölskyldur
sínar seinna meir. Þetta er því góð land-
kynning. Því miður er einungis hægt að halda
þessar ráðstefnur hér í Reykjavík því að hótel-
pláss og aðra aðstöðu skortir úti á landi. Ég
hefði svo sannarlega ekkert á móti því að
geta sýnt erlendum starfsmönnum IBM sem
mest af okkar stórkostlega landi."
Við höfurn talað um menninguna, um
skólamál, íþróttir og landkynningu, þetta eru
allt þættir sem IBM hefur stutt við bakið á.
Þar með lýkur þessu samtali okkar Gunn-
ars. Það er greinilegt að Gunnar er stoltur
af IBM á íslandi og kannski ekki að ástæðu-
lausu.
14 VI KAN 2 TBL