Vikan - 08.01.1987, Blaðsíða 24

Hjálpum þeim
- til hjálpar öðrum
Átakið Hjálpum þeim, sem Hjálp-
arstofnun kirkjunnar og landslið
tónlistarmanna stóðu fyrir um
síðustu jol, hefur skilað góðum
árangri. Hljómplatan seldist í
sextán þúsund eintökum og varð
hagnaðurinn rúmlega þrjár og
hálf milljón króna. Því fé var var-
ið til að standa straum af kostnaði
við heimili handa munaðarlausum
börnunt í Eþíópíu.
Nýlega afhenti Davíð Oddsson
borgarstjóri aðstandendum plöt-
unnar gullspólu, fyrir hönd
Ampex fyrirtækisins bandaríska,
en slík viðurkenning er veitt fyrir
góða plötusölu og plötuútgáfu í
þágu góðs málefnis. Bandaríski
sendiherrann gaf og Hjálparstofn-
un kirkjunnar eitt þúsund dollara
ávísun, sem mun verða ráðstafað
til heimilis munaðarlausra.
„Hugmyndina að Hjálpum
þeim má sjálfsagt rekja til Life
Aid söfnunar Bobs Geldof í Eng-
landi," segir Gunnlaugur Stefáns-
son hjá Hjálparstofnun kirkjunn-
ar. „Síðan varð þetta alþjóðleg
bylgja. Það gekk mjög vel að fá
tónlistarfólk til að taka þátt í gerð
plötunnar og alls komu Jrar við
sögu yfir fimmtíu manns. Á annað
hundrað manns kom nálægt
vinnslunni á annan hátt og allir
unnu endurgjaldslaust. Axel Ein-
arsson samdi lagið, Jóhann G.
Jóhannsson á textann og Björgvin
Halldórsson stjórnaði og hafði
yfirumsjón með öllu saman. I
framhaldi af þessu var svo Sport
Aid í maj síðastliðnum, er fjörutíu
þúsund íslendingar hlupu í þágu
munaðarlausra barna i Eþíópíu.
Það var íþróttafólk landsins sem
stóð að því framtaki.
Bæði þessi atriði tókust geysi-
lega vel og er ómetanlegt þegar
svona stórir hópar taka sig saman
og vekja athygli á þeirri hrikalegu
neyð sem er að finna úti í heimi.
Bandaríski sendiherrann, hr. Ruwe, og Davíö Oddsson borgarstjóri ásamt aðstandendum Hjálpum þeim:
Jón A. Jónsson (Hljóðriti), Björgvin Halldórsson, Jón Ólafsson (Skifan), Axel Einarsson, Gunnar Smári
Helgason (upptökumaður), Jóhann G. Jóhannsson og Gunnlaugur Stefánsson.
Jón Ólafsson og Davíð borgarstjóri í gullfallegum húsakynnum Höföa
sem er eitt frægasta hús landsins.
Gullspólan í nærmynd.
Texti: Guðrún Alfreðsdóttir
Myndir: Helgi Friðjónsson
24 VIKAN 2. TBL