Vikan - 29.01.1987, Blaðsíða 37
Ég hef meira þrek og sterkari vilja en nokkur annar maður sem ég þekki.
á því að ég verði ráðherra í næstu ríkisstjórn,
myndi Sjálfstæðisflokkurinn hana. Ég vona
að Þorsteinn Pálsson verði næsti forsætisráð-
herra, það er eðlilegast. Sjálfstæðisflokkurinn
verður áreiðanlega hér eftir sem hingað til
stærstur stjórnmálaflokka og þess vegna verð-
ur formanni flokksins fyrst falið að mynda
næstu ríkisstjórn. Og ég veit það af reynslu
og samstarfi við formann Sjálfstæðisflokksins
að honum tekst að mynda ríkisstjórnina eftir
kosningarnar í vor.
Viðreisn, hvað meinar þú? Alþýðuflokkinn
og Sjálfstæðisflokkinn saman í stjórn? Það eru
ekki menn í Alþýðuflokknum til að mynda
nýja viðreisn í þeirn skilningi sem sjálfstæðis-
menn leggja í það orð. Jón Baldvin Hannibals-
son er enginn maður til að koma i staðinn
fyrir Emil Jónsson eða Gylfa Þ. Gíslason eða
þessa fyrrum forystumenn Alþýðuflokksins.
Jón Sigurðsson hefur nú verið að gera áætlan-
ir fyrir ríkisstjórnir undanfarið og það hefur
flestallt mistekist. Ég held að það sé best fyr-
ir þjóðfélagið að átta sig á því að það þurfa
að koma hér hreinni skil á milli flokka þann-
ig að flokkarnir geti komið fram ómenguðum
stefnumálum sínum. Það er kominn tíminn
til þess að Sjálfstæðisflokkurinn fái að halda
einn um stjórnartaumana. Það er alltaf tekið
frá flokkunum að fá að starfa eftir eigin stefnu
og hugsjónum vegna blöndunar og eftirgjafar
í stjórnarsamstarfi.'1
Albert Guðmundsson fór utan árið 1944
til að keppa í knattspyrnu og flutti ekki aftur
hingað til íslands fyrr en 1956.
Hann fór í framboð fyrir Sjálfstæðisflokk-
inn árið 1970 og settist þá í borgarstjórn
Reykjavíkur. Á Alþingi var hann kosinn 1974
og hann var samtímis borgarfulltrúi, forseti
bæjarstjórnar og þingmaður þar til síðastliðið
vor að hann lét af störfum sem borgarfull-
trúi. Albert er litrikur og háll sem áll. Hann
rekst illa i flokki: „Ég er sjálfstæðismaður og
hef sjálfstæðar skoðanir og er óhræddur við
að láta þær koma fram," svarar hann þeirri
staðhæfingu blaðamannsins.
Þegar hann dvaldi erlendis bjó fjölskyldan
lengst í París. Fjölskyldan var þá eiginkonan,
Brynhildur Jóhannsdóttir, og dóttirin Helena
sem er fædd í París. Eldri sonur þeirra hjóna,
Ingi Björn, er fæddur í Nice. Og yngsta þarn-
ið, Jóhann, er fætt í Reykjavík. Ákveðið var
á sínum tíma að fara heim svo börnin, sem
þá voru tvö, gætu gengið i íslenska skóla.
Fjölskyldan hefur stækkað; í hópinn hafa
bæst makar og þrettán barnabörn. En ennþá
er Nice ofarlega í huga þeirra enda er Albert
Guðmundsson heiðursborgari þar.
„Það hefur ekki liðið sá dagur í þau þrjátíu
ár, sem eru liðin frá heimkomu minni, að ég
haft ekki hugsað til þess að setjast aftur að
erlendis. Ég hef unað mér vel hér og ég hef
unað mér vel í útlöndum líka. Síðustu þrjú
árin, sem ég var erlendis, bjó ég í Nice og þar
á ég marga góða vini. Sjálfsagt væri ég í Nice
núna ef ég hefði ekki hafíð afskipti af stjórn-
málum. Það var tekin ákvörðun um það áður
en haldið var heim að koma aftur. Ég mun
áreiðanlega eyða ævikvöldinu í Nice.“ Stóri
vindillinn var orðinn að ösku og Albert er
kvaddur.
5. TBL VIKAN 37