Vikan - 19.03.1987, Blaðsíða 23

John Mills í óskarsverðlaunahlut-
verkinu í Ryan's Daughter.
Og við gerð myndarinnar
munaði litlu að Mills léti lífið.
Hann var ásamt Trevor How-
ard úti á báti og átti Mills að
róa í land. Allt í einu kom stór
alda sem hvolfdi bátnum undir
þeim og man Mills ekkert fyrr
en hann var vakinn til lífsins
uppi á þurru landi. Hafði náðst
í Howard strax en Mills fannst
ekki fyrr en eftir nokkra stund,
þá meðvitundarlaus á floti.
John Mills á sínar uppá-
haldskvikmyndir er hann hefur
leikið í. Fyrir utan Ryan’s
Daughter nefnir hann Great
Expectation og Hopson
Choice, en David Lean er leik-
stjóri að þessum myndum.
Morning Departure er ein og
Scott of the Antarctic er önnur.
Eins og áður sagði er John
Mills enn að og það síðasta sem
hann hefur gert er að lána rödd
sina í ádeiluteiknimyndina
When the Wind Blows, teikni-
mynd sem varar fólk við
kjarnorkustríði. Þetta er kvik-
mynd sem John Mills segir að
muni vekja fólk til umhugsunar
á þessum varhugaverðu tímum.
Myndbönd
THE LANCASTER-MILLER AFFAIR ★ ★ ★
Leikstjóri: Henri Safran.
Aöalleikarar: Kerry Mack, Nicholas Eadje og Wayne Cull.
Sýningartími: ca 240 min. (2 spólur). - Útgefandi: Laugarásbíó.
The Lancaster-Miller Affair gerist á fyrri hluta aldarinnar þegar flugið
var enn spennandi tilraunastarfsemi sem heillaði menn. Þótt ótrúlegt sé er
myndin byggð á sönnum atburðum. William Lancaster er blankur flugmað-
ur er ætlar sér að verða fyrstur til að fljúga frá Englandi til Ástralíu. Jessica
Miller er ævintýraþyrst kona sem býðst til að fjármagna ferðina fái hún
að fljúga með. Þetta er upphafið á miklu og dramatísku ástarævintýri sem
hefur margar hliðar. Þeim er meinað að giftast. Vegna kynna sinna af
ungurn blaðamanni er Lancaster ákærður fyrir morð en réttilega sýknaður.
Svona mætti lengi telja. Erfiðleikar þessa fólks eru óteljandi, þótt inn á
rnilli séu gleðistundir. The Lancaster-Miller Affair er áströlsk mynd, gæða-
mynd sem lýsir á sannfærandi hátt ótrúlegum örlögum fólks sem stundum
var öfundsvert en lifði einnig að vera eins og þeir lægst settu í þjóðfélaginu.
GREYSTOKE-THE LEGENDOFTARZAN
Leikstjóri: Hugh Hudson. ★ ★ ★
Aðalleikarar: Christopher Lambert, Ralph Richardson og James Fox.
Sýningartími: 132 mín. -Útgefandi: Tefli hf.
Allir ungir strákar hafa einhvern tíma séð Tarzan mynd. Þessi hetja frum-
skógarins hefur verið ódauðleg síðan höfundurinn, Edgar Rice Borrough,
skapaði hana snemma á öldinni. Það eru samt fáir sem hafa velt fyrir sér
bakgrunni þessarar hetju. Bakgrunnur og uppeldi Tarzans, sem hét réttu
nafni Greystoke lávarður, erefniviður úrvalsmyndar Hughs Hudson, Grey-
stoke The Legend of Tarzan. þar segir frá því hvernig hann varð eftir í
frumskóginum þegar foreldrar hans voru drepnir og hvernig aparnir tóku
hann að sér. í ljós kernur hver hann er í raun, þá ungur maður. Englands-
för hans, þar sem hann hittir ættingja sína, getur ekki endað nema á einn
veg. Greystoke-The Legend ofTarzaner virkilega vel gerð mynd þar sem
saman fer athyglisverður söguþráður og góður leikur. Þetta er mynd sem
sýnir nýja hlið á einni mestu ævintýrahetju vorra tíma.
NEVER A DULL MOMENT ★ ★
Leikstjóri: Jerry Paris.
Aðalhlutverk: Dick Van Dyke, Edward G. Robinson og Dorothy Provine.
Sýningartími: 100 mín.-Utgefandi: Bergvik hf.
Never a Dull Moment er farsakennd gamanmynd þar sem Dick van
Dyke leikur sjálfumglaðan minni háttar leikara sem lendir í þeirri aðstöðu
að vera tekinn fyrir annan mann. Sá maður er atvinnumorðingi sem feng-
inn er til hjálpar við rán eitt mikið. Og það er alveg sama hvað leikarinn
reynir að leiðrétta þennan misskilning, enginn tekur mark á honum og
þegar hann reynir að flýja þessa nýtilkomnu félaga sína er honum ógnað
með lífláti. Það blæs því ekki byrlega fyrir leikaranum þegar hann trúir
ungri stúlku, sem hefur tekið að sér að mála glæpaforingjann, fyrir vandræð-
unt sínum. Sanian reyna þau að leysa úr flækjunni en verður lítið ágengt...
Never a Dull Monient er saklaust grírl. Dick van Dyke fær hér tækifæri til
að sýna hversu hæfur gamanleikari hann er. Handritið hefði mátt vera betra
í lokin en mörg atriðin eru vel þess virði að horft sé á myndina.
THE BETSY ★
Leikstjóri: Daniel Petrie.
Aðalleikarar: Laurence Olivier, Tommy Lee Jones og Robert Duvall.
Sýningartími 122 mín. - Útgefandi: Tefli.
Hollywood og Harold Robbins eru nöfn sem fara saman enda eru mynd-
ir gerðar eftir sögurn Robbins táknrænar fyrir draumasmiðjuframleiðslu
Hollywood. Þær hafa samt yfirleitt verið misheppnaðar. The Betsy er ein
þeirra. Héreru leikarará borð við Laurence Olivier. Tommy Lee Jones,
Robert Duvall, Katherine Ross ogJane Alexanderíhlutverkum sem eru
langt fyrir neðan virðingu þeirra og er víst að ekkert annað en peningatil-
boð hefur hagað því svo til að þeir urðu þátttakendur í þessari dæmalausu
vitleysu um bílakónga sem elda grátt silfur þótt eigi að heita að þeir starfi
saman. Og eins og vænta rná úr verksmiðju Robbins er nóg af eftirlátu
kvenfólki til að ylja þeirn þegar kvölda tekur. The Betsy er mynd sem að
vísu er nokkuð spennandi á köflum en fyrst og fremst er þarna verið að
eyða miklurn hæflleikum í misheppnað handrit.
NðARNER HOME VIDEO
ÍSLENSKUfí TEXTI
12 TBL VIKAN 23