Vikan - 09.07.1987, Page 61

Á hljómleikum hjá BEES.
fyrir fólk. Þess vegna var ég á skóla í London
síðastliðinn vetur til að kynna mér fatahönnun
og nú er ég að safna peningum til að fara í
fimm ára nám til New York - er búin að
sækja um og vona bara að ég komist inn.
Kannski er þetta glapræði, allavega voru
margir hissa á því að ég skyldi ekki klára stúd-
entsprófið fyrst því ég er nefnilega búin með
verslunarskólapróf og á tvö ár eftir í stúdent-
inn. En ég gerði samning við sjálfa mig: ef
mér gengi vel í skólanum mundi ég leyfa mér
að hætta og læra fatahönnun en ef mér gengi
illa_ þá skyldi ég dúsa þessi tvö ár í viðbót.
Eg er eiginlega svolítil ævintýramanneskja
í mér, framkvæmi stundum fyrst og hugsa
síðan. Eg læt mér ekki segjast, verð að fá að
reka mig á sjálf. En ég hef heldur ekki séð
eftir neinu. Ég hef dútlað í ýmsu og hef áhuga
á mörgu, til dæmis hef ég alltaf haft gaman
af að teikna og mála með vatnslitum. Eg hef
ekkert lært en smitaðist af mömmu (Camillu
Hallgrímsson) sem er einn af þessum leyni-
dundurum í myndlist, en hún hefur töluvert
lært.
Ég held að ég gæti ekki unnið níu til fimm
vinnu; gerði heiðarlega tilraun til að vinna
skrifstofustörf en það gekk ekki. Ég er ákveð-
in og metnaðargjörn og held að fatahönnun
geti veitt mér þá fullnægju í lífinu sem ég
vænti. Það er lifandi starf þar sem maður
hefur fullt af fólki í kringum sig en það er
einmitt það sem ég elska. En ég ætla nú ekk-
ert að hætta að dansa þótt ég snúi mér að
öðru, sú baktería hverfur ekki alveg svo glatt.“
Sagan af Maju og Geira
Bíóatriðið, upphafið að
brösóttu sambandi Geira
og Maju - erfitt að gera
ótruflaðar tilraunir til að
halda utan um elskuna
sína.
Texti:
Guðrún Alfreðsdóttir
Myndir:
Valdís Óskarsdóttir
og Helgi skj. Friðjónsson