Vikan - 24.09.1987, Síða 28

Anna Erla Magnúsdóttir Ross
ÚRBORGARFIRÐI
TIL BUENOS AIRES
Anna Erla Magnúsdóttir er hláturmild kona sem lífskrafturinn geislar af enda segir hún sjálf að
sér hafi aldrei leiðst, sama hvar hún hafi verið niðurkomin í heiminum. „Manni líður miklu betur
ef maður er skapléttur og hefur lag á að sjá björtu hliðarnar á því sem gerist umhverfis mann. Ég
þakka guði fyrir að hafa fengið þessa skapgerðareiginleika í fæðingargjöf. Ég er sátt við sjálfa mig.“
Asamt eiginmanni sinum, Michael Ross, á Hótel Borg sem allar götur hefur verið uppáhalds
hótelið hennar i Reykjavík.
Þegar hún ræðir um sjálfa sig. þjóðlegan
mat og jólahald er oft eins og stutt sé í stelp-
una sem ólst upp í Borgarfirðinum; stelpuna
sem lagði land undir fót og fór langt út í heim.
Hún segir líka sjálf: „Ætli hún sé ekki alltaf
til staðar. Ég held að það sem er í manni
hverfi aldrei alveg."
Anna Erla er fjórgift. Fyrsti maður hennar
var Óskar Árnason og rneð honum átti hún
soninn Magnús Óskarsson. Þau bjuggu í
Reykjavík. Árið 1955 urðu þáttaskil í lífi
hennar er Herman Pilnik skákmeistari kom
hingað til lands að tefla við Friðrik Ólafsson.
Anna Erla var kynnt fyrir honunt í samkvæmi
og það urðu afdrifarík kynni. hún var skilin
viku seinna og 24. desember 1955 flutti hún
til Hollands og fór að búa þar. Ekki bjuggu
þau Pilnik þó lengi í Hollandi því líf skák-
meistara er hálfgert flökkulíf. Þau bjuggu víða
í Evrópu uns þau fluttu ll1 Argentínu. Þar
kynntist Anna Erla þriðja manni sinum. Arn-
oíd von Gravinhorst. á Scottys bar í Buenos
Aires. það var þann 24. desember 1958. Gra-
vinhorst bauð þeim Önnu Erlu og Pilnik til
dvalar í einu af sumarhúsum sínum og þar
réðust örlög hennar. „Hann doblaði mig upp
úr skónurn og ég giftist honum. Þar með
byrjaði milljónaralífið í Buenos Aires." En
Anna Erla og Gravinhorst skildu. Þá lá leið
hennar til New York þar sem hún var kynnt
fyrir Michael Ross 24. apríl 1967. Þau eru
búin að vera gift i tæp tuttugu ár og búa á
Miami. „Ég veit ekki hvort ég sest þar að,
tíminn einn getur leitt það í ljós," segir hún.
28 VIKAN 39. TBL