Vikan - 24.09.1987, Qupperneq 33

•auma
mannastraumur til íslands hefði
aukist verulega. Þetta er aðeins brot
af því spaklega sem frá þremenning-
unum kom. I sama blaði er einnig
grein sem ber yfirskriftina Lífið
verður auðvelt árið 1988. Þar voru
bandarískir framtiðarspámenn á
ferðinni. Þeir sögðu meðai annars:
Bifreiðin af árgerð 1988 mun líða
áfram ofan á púða af samþjöppuðu
lofti, í stað þess að hoppa eftir veg-
um á gúmmíbörðum. Loftpúðinn
gerir dýr vegakerfi óþörf í flestum
hlfellum, sem er einkar hentugt fyr-
ir okkur íslendinga. Og brýr verða
einnig óþarfar af sömu ástæðum.
Af eldhússtörfum framtíðarinnar
segja þeir að aðeins þurfi að ýta á
nokkra takka í eldhúsinu og eftir
nokkrar mínútur verði fullkominn
veislumatur tilbúinn án þess að
matreiðslumaðurinn þurfi að snerta
hann. í lok máltíðar verði borð-
búnaður látinn í hljóðhreinsara sem
sótthreinsi hann á nokkrum sek-
úndum.
Árið 1988 munu ferðaskrifstof-
urnar bjóða upp á sumarleyfisferðir
út í geiminn, en það verða afspyrnu
dýrar ferðir. - Svo var endað á því
að segja að árið 1988 verði enginn
í vondu skapi nema hann óski sér-
staklega eftir því. Menn geta þá
kosið sér skaplyndi og verið í því
skapi sem þeim finnst æskilegast.
Þá verða komin lyf sem örva heil-
ann eða öllu heldur hjálpa honum
án þess að nokkur skaðleg eftirköst
geri vart við sig. Það verður gaman
að lifa árið 1988.
Þetta eru glæsiiegar framtíðar-
horfur. Við bregðum nú upp
nokkrum svipmyndum úr fortíð
Vikunnar - en hún er einnig glæst.
Vikan býr enn yftr gnægð glæstra
drauma sem rætast í ókominni
framtíð.
Kveðja,
Þórunn.
39. TBL VI KAN 33