Menntamál - 01.05.1951, Side 30

76
MENNTAMÁL
hlutur er smíðaður, er gerð vinnuteikning af honum í
vinnubókina. Hluturinn er sýndur frá þremur hliðum, svo
að auðvelt er að smíða eftir teikningunni. Nefna Danir
þessa teikningu veltemetoden: Einnig er skrifað það, sem
Danir kalla arbejdsgang. Er það niðurröðun og fyrir-
komulag verksins. f stöku tilfellum var gerður efnisreikn-
ingur og kostnaðarreikningur um hlutinn. — Aðalþættir
uppeldisáhrifa þessa kerfis eru: reglusemi, nákvæmni,
sparsemi, hagnýtni og þrifnaður. Þetta eru miklir kostir,
en uppeldislegar veilur þessa kerfis virtust mér vera fólgn-
ar í því, að nægileg rækt er ekki lögð við þroska einstakl-
ingsins og frjálst framtak, og hugmyndaþroskun nemand-
ans fær ekki notið sín.
Ég hef stiklað hér á stóru við að lýsa danska kerfinu,
þó sé ég, að þetta verður of langt mál, ef ég geri hinum
kerfunum sömu skil, og mun ég því reyna að fara fljótara
yfir sögu.
Aslcov-keifið er líka danskt, en er upprunnið frá Náás
í Svíþjóð, hefur síðan mótazt af dönskum staðháttum og
orðið fyrir nokkrum áhrifum frá dönskum skólasmíðum.
— Hnífurinn var fyrsta verkfærið, sem æft var, en nú er
hnífurinn minna notaður. Unnið er eftir teiknuðum fyrir-
myndum eins og í dönskum skólasmíðum. Þó er þar æði
mikill munur á fyrirmynda vali. Hefillinn er tekinn á
undan söginni, þó þannig að æfð er aðeins léttasta hefil-
æfingin, síðan sögin og æfð léttasta sögunaræfingin.
Þannig fara nemendur fljótlega að vinna með mörgum
áhöldum. Síðan eru smáþyngdar áhaldaæfingarnar. •—
Þannig er kerfið hugsað og skipulagt, en um leið og ég
skýri frá þessu, þá vil ég einnig greina frá því, að á stöku
stað, þar sem ég fylgdist með kennslu eftir þessu kerfi,
fannst mér kennslan í áhaldameðferðinni hálfgerður graut-
ur. Hjá öðrum kennurum var þetta oft markviss kennsla.
Eftir Askov-kerfinu eru smíðastofur ætlaðar 18 nem-
endum í mesta lagi, en helzt skal ekki hafa yfir 15 nem-