Menntamál - 01.12.1953, Qupperneq 35
MENNTAMÁL
157
Ný gagnfrœðadeild.
Síðan landspróf miðskóla hófust, eða frá vorinu 1946, hafa allir
nemendur framhaldsdeildar Eiðaskóla hagað námi sínu að mestu
leyti í samræmi við það próf og gengið undir landspróf. Þar sem
námsefni miðskóladeildanna er öllu fremur miðað við framhalds-
nám í menntaskóla eða kennaraskóla en daglegar þarfir alls almenn-
ings, kom til tals á kennarafundum veturinn 1950—1951 að veita
þeim nemendum, sem þess kynnu að æskja, hagkvæmari menntun í
framhaldsdeild, menntun, er fremur væri miðuð við kröfur hinna
margvíslegu starfa, sem nemendur liverfa að allflestir, að lokinni
skóladvöl, en framhaldsdvöl í æðri skólum.
í framhaldi af þessum umræðum voru gerð drög að námsskrá, er
lögð voru fram í bréfi frá skólastjóra til fræðslumálastjórnarinnar,
dags. 11. júlí 1951. Heimilaði fræðslumálastjórnin að stofna slíka
deild. Enn fremur heimilaði hún, að bætt yrði við einum kennara
vegna aukins verknáms, en setti annars forráðamönnum skólans í
sjálfsvald að ákveða námsefni slíkrar dcildar um sinn.
Sumarið 1950 var auglýst, að deildiu tæki til starfa.
Á kennarafundi 4. október 1951 var gengið frá námsskrá deildar-
innar til fullnustu, og fer hún hér á eftir:
tslenzka. Allt að helmingi kennslunnar skal verja til bókmennta-
lestrar. Lesnar skulu bæði fornar bókmenntir og nútímabókmenntir.
Leitazt sé við að skýra aðaldrætti íslenzkrar bókmenntasögu. í staf-
setningu séu gerðar sömu kröfur og til landsprófs. Málfærði skal
rifjuð upp. Ágrip af bragfræði. Ritgerðir. Sex stundir á viku.
Enska. Þýðing, stílar og talæfingar. Talplötur notaðar við kennsl-
una. Fimm stundir.
Danska. Aðallega þýðing. Litið eitt af stílum og talæfingum. Tvær
til ]>rjár stundir.
Reikningur. Almennur hagnýtur reikningur, miðaður við dag-
legar þarfir. Fjórar stundir.
Eðlisfreeði. Sama námsefni og í landsprófsdeild. Tvær stundir (að-
eins fyrir pilta).
Bókfœrsla. Undirstöðuatriði tviifaldrar bókfærslu kennd. Tvær
stundir.
Heilsufrœði. Hjálp í viðlögum og almenn heilsufræði. Meiri áherzla
skal lögð á heilsufræði en líkamsfræði. Tvær stundir.
Félagsfrecði. Auk venjulegrar félagsfræði skal kenna ágrip af heimil-
ishagfræði. Ein stund. (Félagsfræði er að nokkru leyli kennd í eldri
deild).
Landafrœði. Almenn landafræði íslands (þó ekki þau atriði, sem