Heima er bezt - 01.03.1958, Síða 11

vetna eru lagðir gangstígir, og ekki verður farið niður
í gljúfrið, nema gangandi eða ríðandi. Er um dagleið
fram og aftur frá brún og niður að á. Sakir þess, hve
tíminn var stuttur, átti ég þess engan kost, en þótti
sárt að verða að snúa aftur við svo búið. Langmestur
hluti þessa ógnagljúfurs er gróðurlaus eyðimörk. Þó
eru dálitlir runnar sums staðar við vatnsrásir, og þar
sem jarðvegurinn er ekki alltof mikið á skriði, er strjáll
eyðimerkurgróður. I botni sumra hliðargljúfranna eru
gróðurtorfur. Á einni þeirra andspænis því, er við vor-
um, er búgarður mikill og ferðamannahótel. Þar niðri
er veðursæld mikil, og sól og sumar, þótt frost og fannir
séu uppi á gljúfurbarminum.
Þegar við höfðum skoðað okkur um í grennd við
hótelið, og vestur með gljúfrinu, ókum við alllangt
austur með því, en þar er reistur útsýnisturn, og er
þaðan hin bezta útsýn yfir gljúfrið sjálft og einnig til
austurs yfir eyðimörkina, sem á þessum slóðum heitir
Painted desert, og er víðfræg fyrir liti sína og kletta-
myndir. Þar eru nú friðlönd Indíána af Navajo- og
Hopi ættstofnunum, en þeir bjuggu áður á þessum
slóðum. Halda þeir enn sínum fornu háttum í frið-
löndum þessum, og vilja lítt semja sig að háttum hvítra
manna. Verulegar tekjur hafa þeir af heimilisiðnaði,
sem þeir selja einkum ferðamönnum við Grand Canyon.
Við hótelið E1 Tovar, þar sem við höfðum staðnæmzt,
er sölubúð þeirra. Var þar marga fagra hluti og haglega
að sjá, bæði vefnað, körfugerð og smíðisgripi allskonar.
Mikið var verzlað þar, en verðlag hátt.
Er við snerum heimleiðis, var komið nær sólarlagi.
Allt frá því, er ég kom um hádegið, hafði gljúfrið
stöðugt verið að, taka stakkaskiptum, ekki einungis
með litbreytingum, heldur einnig vegna síbreytilegra
skuggaskila. Þannig voru sífellt að koma fram nýir tind-
ar, ný skörð og gil. í hádegissólinni gætti rauðu litanna
mest, en nú var sviðið breytt. Það var ekki einungis,
að allt aðrir tindar og tumar væru nú svipmestir í
landslaginu, heldur var liturinn einnig breyttur, og lá
nú fjólublá litaslæða yfir megingljúfrinu, og hvarf hún
yfir í dökkbláan eða nær svartan lit í dýpstu gljúfr-
unum.
Við ókum gegnum allmikinn skóg á gljúfurbarm-
inum, þótti mér merkilegt að sjá hversu mjög hann
var ásóttur af mistilteini. Var einkennilegt að sjá fag-
urgræna mistilteinsskúfana á dökkum furugreinunum.
Verði trén mjög sárt leikin af þessum óboðna gesti,
eru þau felld, og heldur það mistilteininum nokkuð í
skefjum.
Þegar heim kom að hótelinu, skildi fylgdarmaður
minn við mig, og þakkaði ég honum góða leiðsögn, sem
átti sinn þátt í að gera mér þennan dag ógleymanlegan.
Notaði ég nú stundina, sem enn var eftir, þangað til
áætlunarbíllinn færi, til þess að skoða mig um þarna
heima við. Rétt hjá hótelinu hafði verið reist bygging
mikil úr brenndum leirsteini. Er hún fullkomin stæling
á vistarverum Indíána þeirra, er fyrrum bjuggu niðri í
gljúfrinu mikla og reistu hús sín upp við hamraveggina.
Þar inni er hægt að sjá hvernig innanstokks var í
Útsýn til norðurs frá útsýnisturninum i Grand Canyon.
Grand Canyon í Arizona.
Útsýnisturninn (Grand Canyon).
Grand Canyon séð frá Moran Point.
Heima er bezt 85