Heima er bezt - 01.02.1963, Síða 24

Sjálf ölkeldu-uppsprettan — brunnurinn.
und. — En þá voru samgönguhöft hingað, og varð því
ekkert úr því að félagið kæmist á laggirnar.
Þá var tekið vatn úr ölkeldunni og sent til Steins-
efnarannsóknarstofu í Kaupmannahöfn. Samkvæmt
efnarannsókn þeirri eru í vatninu ýmis sölt, sem hafa
heilsubætandi áhrif og eru sams konar og í heilsuvötn-
um þeim sem notuð eru víða við gigt, hjarta- og maga-
sjúkdómum.
Er svo langt var komið sneri Waagaard sér til Kristj-
áns konungs X og bað hann um leyfi til þess, að nefna
uppsprettuna, sem vatnið er tekið úr, Lind Friðriks
Kristján heitinn Skagfjörð þambar ölið við Rauðamelsölkeldu.
60 Heima er bezt
VIII*). Er það því víst löglegt heiti uppsprettunnar,
þótt engum detti í hug að bera það sér í munn.
Eíeldur svo greinin þannig áfram:
„Leyfið fékkst hjá konungi.
Er Waagaard kom hingað fyrir nokkru fór hann
vestur að Rauðamel og tók þar talsvert af ölkelduvatni
á flöskur. Er hann kom hingað með vatnið, fór hann
með sýnishorn af því til Þorkels Þorkelssonar forstjóra
Veðurstofunnar. Hefur Þorkell lengi fengizt við rann-
sóknir á lauga- og linda-vatni, en einkum með tilliti til
radium-innihalds. Þorkell komst brátt að raun um, að
í ölinu væri tiltölulega mikið af radium, samanborið við
annað vatn,- sem hann hefur rannsakað. Er rannsókn
hans ekki lokið enn, að því er Waagaard sagði ísafold.
Rannsókn þessi er að ýmsu leyti margbrotin og hætt
er við að radium-innihaldið réni nokkuð fljótt, eftir
vatnið er tekið úr lindinni.
Waagaard gerir sér vonir um að úr ölkelduvatni þessu
geti orðið veruleg verzlunarvara. Uppsprettan er svo
mikil, að hann býst við að hægt sé að fylla á 10 þús-
und flöskur á dag.
Eftir er að vita, hvort hin heilsubætandi áhrif vatns-
ins halda sér við geymslu, ellegar að þeir, sem vilja
verða þeirra aðnjótandi í fullum mæli, verði að fara
vestur að Rauðamel og eigandi ölkeldunnar verði að
byggja þar heilsuhæli fyrir þá, sem sækja vilja holl-
ustu í brunn þennan.“
Þannig hljóðar þessi blaðagrein, sem nú er orðin 35
ára gömul. Ekkert af því sem þar er talið hefur komizt
í framkvæmd. Enginn veit hvað framtíðin ber í skauti
sér. Ef til vill verður Rauðamels-ölkelda heilsubrunnur
framtíðarinnar.
Ég kom síðast að Rauðamels-ölkeldu sumarið 1960.
Þar er fátæklegt um að litast. Ölkelduhúsið, sem fyrst
var víst byggt um 1890 og endurbætt síðar, er hrörlegt
og jlla við haldið. Þetta er hurðarlaus bárujárnsskúr og
ekki samboðinn svo landsfrægum heilsubrunni. En öl-
keldan sjálf er óbreytt. Ölið er bragðgott og hressandi
og í ölkeldunni ólgar og „sýðuru eins og kynt væri
undir með kraftmiklu kyndingartæki.
Ölkeldan virðist nú öllum gleymd, en bíður þama
óbreytt og ólgandi, þar til einhver leysir lækningamátt
hennar úr læðingi, og hún verður landsfræg að nýju.
*) Vafalaust hafa orðið blaðaskrif á Norðurlöndum um
væntanlega öldrykkju íslenzks öls á Þingvöllum 1907, en ef
til vill hafa svo blöðin gleymt að geta þess að ekkert varð af
öldrykkjunni. í sambandi við þessar blaðafréttir hefur Waa-
gaard fengið hugmyndina að nafngiftinni.
Stefán Jónsson.