Heima er bezt - 01.09.1983, Blaðsíða 6

Myndin er tekin norðarlega í Lambafjöllum austan Reykjahverfis og sér
vestur yfir sveitir að Kinnarfjöllum og Köldukinn, á Skjálfanda og Víknafjöll.
/ forgrunni er nýja háspennulínan frá Laxárvirkjun að Kópaskeri, mikið
mannvirki, enn í lagningu. A milli stauranna í tvístæðunni sést Arteigur í
miklum fjarska.
Jón Sigurgeirsson er fæddur 1921 og uppal-
inn á Granastöðum, Kinn, S-Þingeyjarsýslu, og býr þar
enn. Að vísu heitir húsið hans Árteigur og er eitt 5 íbúðar-
húsa sem síðan hafa risið á landareigninni. Hin nefnast
Granastaðir I og II, Ártún og Fitjar. Eins og fram kemur
hér á eftir hefur hugvitið nefnilega breytt venjulegu miðl-
ungsbýli í stórkostlega hlunnindajörð, sem ber margar
fjölskyldur og ótal möguleika í skauti sér.
Jón er hægur og virðulegur í fasi, yfirvegar orð sín og
gætir nákvæmni í hvívetna. Hann segist ekki ganga alveg
heill til skógar, en frá honum stafar æðruleysi snillingsins
og festa þess manns, sem getur litið yfir farinn veg með
nokkru stolti.
Hann er gagnmenntaður í þeirri stærðfræði sem þarf til
skipulagningar, hönnunar og smíða á túrbínum og öðru því
sem þarf til að beisla fallorku vatnsins í hlíðunum. Slík
fræði hefur hann numið nánast upp á eigin spýtur í
heimahúsum. Þjóðin hefur ekki borið þungan kostnað af
menntuninni sem stendur á bak við um 40 virkjanir, ráð-
gjöf og aðstoð. Jón Sigurgeirsson var tvo vetur í Lauga-
skóla. Búið. Að vísu fékk hann einkunnina 10 í smíðum, en
framhaldsnámið hefur hann síðan stundað í skóla lífsins.
Hann er enn að leiðbeina mönnum í þessum hagnýtu efn-
um og vart hafa margir langskólagengnir menntamenn
ávaxtað betur sitt nám en sveinninn ungi sem útskrifaðist
úr Laugaskóla 1944.
En hvaðan er þessi áhugi og verklagni? Páll föðurfaðir
Jóns var söðlasmiður og járnsmiður, og Sigurgeir faðir hans
hagur og vandvirkur smiður, svo mikið er víst. Móðir Jóns,
Kristín, var frá Geirbjarnarstöðum í Köldukinn. Ættingjar
hennar sem fluttu vestur um haf fundu þar upp korn-
skurðarvél sem þeir urðu frægir af. Og ömmubróðir Jóns í
móðurætt smíðaði fiðlur. Þessi dæmi gætu sýnt, að um-
hverfis Jón hafa straumar framfara, iðni og vandvirkni
legið.
Á æskuárum Jóns Sigurgeirssonar var heyjað á frum-
stæðan hátt miðað við nútímann, með hestasláttuvél, en
engjar slegnar með orfi og ljá. Flutt var heim á kerru. Sími
kom til Granastaða 1939. En Jón hafði áhuga á allri tækni
frá því hann man fyrst eftir sér. 7 ára skoðaði hann mikið
Smíðadeildin á Laugum 1943-1944.
Aftari röS frá vinstri: Níels Kröyer frá
Raufarhöfn, skipasmiður á Akureyri;
Þorlákur Jónasson, Vogum, Mývatns-
sveit; Reynir Tómasson frá Syðri-Nes-
löndum, Mývatnssveit, nú bóndi í
Eyvík, Grímsnesi; Þórhallur Björns-
son, Ljósavatni, smíðakennari, kenndi
á Laugum í áratugi; Ingimar Jónsson
frá Torfastöðum, Jökulsárhlíð, bóndi
Skriðufelli; Lárus Jóhannesson, bóndi
á Hallgilsstöðum á Langanesi; Snœ-
björn Kristjánsson, smiður, Laugum.
Fremri röS frá vinstri: Jón Sigurgeirs-
son, Granastöðum, síðar Arteigi; Krist-
ján Jósepsson, bóndi, Stafni, Reykja-
dal; Hermann Þórhallsson, Vogum,
Mývatnssveit, dó ungur; Þorbergur
Þórarinsson, Eyrum við Seyðisfjörð.
274 Heima er bezt