Kirkjuritið - 01.07.1957, Síða 20

306
KIRKJURITIÐ
Ólafsfjarðarkirkja hlaut mikla og góða viðgjörð síðastliðið
sumar, og endurvígði prófastur Eyjafjarðarprófastsdæmis, séra
Sigurður Stefánsson, hana sunnudaginn 9. september.
Neskirkju í Reykjavík vígði ég á pálmasunnudag 14. apríl að
viðstöddu mjög miklu fjölmenni, m. a. yfir 20 prestum. Eins
og kunnugt er, hefir kirkjan verið lengi í smíðum og kostað
um 5.000.000,oo kr. Hún er mjög vönduð og í henni herbergi
til kristilegrar félagsstarfsemi. Útlit kirkjunnar sætti harðri
gagnrýni margra í fyrstu, en nú munu þær raddir yfirleitt vera
þagnaðar, og ljúka ýmsir lofsorði á kirkjuna.
Prestsbakkakirkju í Strandaprófastsdæmi \'ígði ég sunnudag-
inn 26. maí við mikla aðsókn safnaðarmanna og annarra. Er
kirkjan traust og vandað guðshús. Hún hefir staðið í smíðum
þrjú ár og ber vitni um samtakamátt og fórnfýsi safnaðarfólks-
ins.
Svalbarðskirkju í Suður-Þingeyjarprófastsdæmi vígði ég; á
uppstigningardag 30. maí. Hún hefir verið í smíðum frá 1953
og alls ekkert sparið til þess, að hún yrði sem vönduðust, enda
hefir hún kostað 750.000,oo krónur. Er það þrekvirki af fámenn-
um söfnuði að hafa komið henni upp og öðrum til fyrirmyndar.
Mun hún vera einhver fegursta sveitakirkja á landinu.
Margar kirkjur eru í smíðum, og byggingu sumra þeirra að
mestu lokið. Gjöri ég ráð fyrir, að enn verði vígðar einar fimm
kirkjur á þessu ári. Veggir Skálholtskirkju hafa verið steyptir
að miklu leyti, og mun unnið að því að hún verði fokheld á
hausti komanda. Henni hafa verið gefnar enn stórgjafir. Má
þar einkum nefna byggingarefni frá Noregi, mörg hundruð
þúsund króna virði, hefir haft þar meðalgöngu ágætur vinur
íslands, séra Harald Hope í Ytre Arna. Stór turn hefir verið
reistur við Landakirkju í Vestmanaeyjum, svo að nú rúmar
kirkjan fleiri en áður. Enn hefir verið reistur turn til minningar
í kirkjugarðinum í Görðum á Akranesi.
Mikill áhugi ríkir nú víða með söfnuðum á því að fá sem
vönduðust hljóðfæri í kirkjur. Og árlega gefa félög og einstakl-
ingar stórgjafir til kirkna sinna, fagra muni, altarisklæði og dúka
og messuskrúða.