Alþýðublað Hafnarfjarðar - 01.03.1983, Blaðsíða 5

Alþýðublað Hafnarfjarðar - 01.03.1983, Blaðsíða 5
Laugardagur 19. mars 1983 ALÞÝÐUBLAÐ HAFNARFJARÐAR Rætt við Kristínu H. Tryggvadóttur sem skipar 3. sæti á lista Alþýðu- flokksins í Reykjaneskjördæmi: „Sá sem berst fyrir góðum málstað, berst aldrei vonlausri baráttu" í próf kjöri Alþýðuflokksins í Reykjaneskjördæmi, hafnaði Kristín Tryggvadóttir fræðslufulltrúi í þriðja sæti listans. Mörg okkar þekkja Kristínu vel bæði af störfum hennar sem kennara í Háfnarfirði og eins er hún þekkt af störfum sínum innan BSRB. Hún var kennari í Hafnarfirði fra 1959 til ársins 1978, aðallega við Öldutúnsskóla. Frá 1978 hefur hún gengt starfi fræðslufulltrúa BSRB. Jafnframt þessum störfum hefur hún unnið að samningu námsefnis í samfélagsfræði á vegum Skólarannsóknardeildar Menntamálaráðu- neytisins og annast námsstjórn og tilrauna- og æfingakennslu. Er hún höfundur nokkurra kennslubóka í samfélagsfræði sem kenndar eru á grunnskólastigi. Um tveggja ára skeið var hún annar stjórnandi út- varpsþáttanna „Félagsmát og vinna," sem er þáttur um verkalýðsmál. Kristín er gift Hauki Helgasyni, skólastjóra, og eiga þau þrjú börn og þrjú barnabörn. Til að kynnast Kristinu og skoðunum hennar nánar, sóttum við hana heim að heimili þeirra Hauks að Hraunhólum 10, Garðabæ, og lögðum fyrir hana nokkrar spurningar. Hvað olli því að þú ákvaðst að gefa kost á þér í prófkjörinu? Það má segja að það hafi fyrst og fremst verið vegna viðhorfa minna til jafnréttismála. Þegar ljóst var að engin önnur kona ætlaði að gefa kost á sér í „prófkjörsslaginn", þá ákvað ég endanlega að gefa kost á mér. Ég taldi að jafnréttissjónarmið væru það sterk innan Alþýðuflokksins að það væri full ástæða að láta á það reyna hvernig undirtektir yrðu. Komu úrslitin þér á óvart? Já, það má kannski segja það. Árangur kvenna í prófkjórum hinna flokkanna var ekki upp- órvandi auk þess sem keppinautar mínir voru engir aukvisar, vel þekktir innan flokksins og utan Kristin Tryggvadóttir, fræðslu- fulltrúi. fyrir dugnað og atfylgi. Blaða- menn létu ekki heldur sitt eftir liggja og þegar fjallað var um fyrirhugað prófkjör í blöðum kom kvenframbjóðandinn auð- vitað hvergi til greina. Þannig má sjá að viðhorfunum til jafnréttis er rækilega viðhaldið í fjölmiðl- um. Ég var því við öllu búin enda áður tapað í keppni við karlmenn um stöður. Úrslitin komu því vissulega notalega á óvart. Ég tel þau ekki bara minn sigur heldur líka sigur þeirra viðhorfa að kon- ur og karlar eigi að vinna saman að lausn þjóðfélagsmála. Hverju viltu þakka árangur- inn? Tvennt tel ég að hafi ráðið úr- slitum. í fyrsta lagi reyndist það viðhorf sterkt meðal stuðnings- manna flokksins að konur og karlar ættu að vinna sameiginlega að þjóðmálum sem öðrum mál- um. I öðru lagi þá hef ég kannski unnið með miklu fleiri einstak- lingum í kjördæminu en keppi- nautar mínir. Um Iangan tíma kenndi ég stórum hluta Hafn- firðinga að lesa og hafði þá sam- band við marga foreldra. Ég fann það glöggt við undirbúning próf- kjörsins að ég hafði ekki gleymst þessu fóíki. Vegna starfa minna að félags- og verkalýðsmálum hef ég líka kynnst mörgu fólki í kjör- dæminu sem á sömu hugðarmál og ég á þessu sviði. Þetta fólk veitti mér verulegan stuðning. Ég vil gjarnan nota tækifærið til að færa því öllu bestu þakkir fyrir stuðninginn. Nú virðast konur almennt eiga erfitt uppdráttar í prófkjörum stjórnmálaflokkanna. Hver tel- urðu að sé aðalskýringin á því? Árangurinn er nokkuð mis- munandi. Virðist það fara eftir flokkum og hvar kjördæmin eru á landinu. I Sjálfstæðisflokknum og Framsóknarflokknum berjast konur nánast vonlausri baráttu eins og listar þeirra flokka bera al- mennt með sér. Útkoman er skárri innan Alþýðuflokks og Alþýðu- bandalags. Nú eru þrjár konur á Alþingi, allar eru þær af Faxa- flóasvæðinu. Þegar litið er á skip- an listanna núna er líka augljóst að þær konur sem komast á þing í næstu einum eða tvennum kosn- ingum verða fyrst og fremst úr sömu kjördæmum og áður. Telur þú kvennaframboð innan flokka eða utan, til bóta? Eg skil vel að ýmsar konur skuli vera orðnar langþreyttar á því hve hægt gengur að breyta viðhorfum í þjoðfélaginu sem ein geta leitt til þess jafnréttis að konur hafi sömu möguleika og karlmenn til mennt- unar og starfa. Alþýðuflokkurinn er fyrsti flokkurinn sem hefur lagt fram stefnu í fjölskyldumálum en slík stefna er grundvallarforsend- an fyrir jafnrétti fólks á víðum grunni. Konur hafa, eins og karl- menn mismunandi skoðanir á þjóðmálum. Ég tel því að sam- eiginlegt framboð kvenna sé ekki raunhæf leið til að auka hlut kvenna i stjórnmálum. Ég vil hafa konur og karla saman en ekki skipta þjóðfélaginu upp eftir kynjum — helst ekki á neinu sviði og þvi er ég ekki heldur hlynnt sér- framboðum kvenna innan flokk- anna, þótt það sé mun betri kost- ur en þverpólitískur kvennalisti. Hver er aðalástæðan fyrir því að þú aðhyllist Alþýðuflokkinn? Það er kannski ekki fyrr en ég Kristín H. Tryggvadóttir, fræöslufulltrúi, Hraunhól- um 10, Garðabæ, er fædd á Dalvík 14. ágúst 1936. For- eldrar hennar eru Tryggvi Jónsson, fyrrv. oddviti og frystihússtjóri þar og kona hans Jórunn Jóhannsdótt- ir. fór að vinna að samningu náms- efnis í samfélagsfræði sem ég gerði mér grein fyrir að ég væri mjög mikill jafnaðarmaður. Nú, ég tala svo ekki um þegar ég fór að vinna í samninganefnd- um og að fræðslumálum fullorð- inna. Þá skyldi ég hvers vegna verkalýðssamtökin hafa lengi litið svo á að aukin fræðsla um mál- efni verkafólks væri hluti af kjarabaráttunni á hverjum tíma. Markmiðið hlýtur alltaf að vera það að gera launafólk betur undir það búið að berjast fyrir kjörum sínum og auknum rétti. Til að þau markmið náist að einhverju leyti er ekkert um að ræða annað en að vera jafnréttismaður í hjarta sínu. Fyrir mig kom því ekkert annað til greina en Alþýðuflokkurinn. Hvaða málaflokkar eru þér ef st í huga? Kjaramálin og þar með af- komumál heimilanna. Að fólk geti lifað mannsæmandi lífi — haldið reisn sinni. í þessu orði er fólgið efnahagsmálin yfirleitt, húsnæðismálin, skattamál og jafnréttismál. Þá hef ég miklar áhyggjur af unga fólkinu sem er að byrja búskap, húsnæðismálum þess og framtíð þess og barna þeirra. Verður mannkynið kjarn- orkuvopnum að bráð eða tekst þvi að bægja þeirri hættu frá? Einnig hef ég brennandi áhuga á skóla- málum svo og félagsmálum al- mennt. Nú eru margir sem spá því að Alþýðuflokkurinn eigi þungan róður framundan í komandi kosningum. Hvernig leggst sá róður í þig? Ég er sammála því að eins og er þá er róðurinn þungur. En það hefur sýnt sig áður að um leið og stefnumál flokksins fá ummfjöll- un í fjölmiðlum og fólk fær að kynnast þeim fjölda góðra mála sem þingmenn flokksins hafa verið að berjast fyrir, þá léttist róðurinn strax. Góð mál eiga oft erfitt uppdráttar í fyrstu. Sú árátta sumra að taka þá fyrst und- ir við góðu málin þegar þau hafa hlotið almenna viðurkenningu er ekki mér að skapi. Sá sem berst fyrir góðum málstað berst aldrei vonlausri baráttu hversu mikið sem á móti blæs. Ég kvíði því engu þeirri baráttu sem framund- an er en vil nota tækifærið og hvetja allt Alþýðuflokksfólk til að taka virkan þátt í kosningabar- áttunni. Við hófum fyrir miklu að berjast. Alþýðuflokkurinn er eini málsvari jafnaðarstefnunnar á ís- landi og hefur haldið merki henn- ar á lofti frá stofnun. Engin stjórnmálastefna býr yfir meiri mannlegum verðmætum. Hvernig hefur þér verið tekið sem frambjóðanda? Mjög vel. Innan flokksins hef ég mætt velvild og hlýhug. Utan hans finn ég vinsemd og skilning. Það er dýrmætt að búa í landi þar sem mismunandi skoðanir eru virtar og fólk er ekki annað hvort stimplað svart eða hvitt eftir því hverjar skoðanir þess eru. Við skulum öll sameinast um að berjast fyrir því að þannig megi viðhorf víðsýnis og umburðar- lyndis sem lengst vera ríkjandi í okkar þjóðfélagi. Góðir og ódýrir og ekkert uppvask! Opid alla daga frá kl. 11—23.30. Kgitucby Fned Chicken REYKJAVÍKURVEGI72, HAFNARFIRÐI Sími 53371 ®

x

Alþýðublað Hafnarfjarðar

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublað Hafnarfjarðar
https://timarit.is/publication/411

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.