Kirkjublað - 01.03.1934, Page 16

68
KIRKJUBLAÐ
nái almennri útbreiðslu á íslandi. Félagið leitast við að ná tilgangi
sínum með því:
a) að útbreiða þekkingu um líkbrennslumál með hverju móti,
sem hentugt þykir,
b) að vinna að því, að komið verði upp bálstofum í Reykja-
vík og annarsstaðar á íslandi, eftir því sem ástæður mæla með,
c) að veita aðstoð og leiðbeining um bálfarir og bálstofur,
d) að vinna að því, að almenningur eigi kost á bálförum, mun
ódýrari en nú tíðkast við jarðarfarir,
e) að koma upp tryggingardeild, þar sem félagsmenn með
iðgjöldum geti tryggt sér greiðslu bálfararkostnaðar, að þeim
látnum. —
í stjórn félagsins voru kosnir: Gunnl. Claessen læknir, Bene-
dikt Gröndal verkfræðingur, Ágúst Jósefsson heilbrigðisfulltrúi,
Björn Ólafsson stórkaupmaður og Gunnar Einarsson prentsmiðju-
stjóri. — Læknarnir Steingrímur Matthíasson og Guðm. Björnsson
hreyfðu fyrstir manna líkbrennslumálinu hér á landi. Sveinn Björns-
son bar fram frumvarp til laga um líkbrennslu á Alþingi 1915, og
var samþykkt, en vöntun bálstofu hefir hamlað því, að heimild
þessi yrði notuð.
Árið 1930 skipaði bæjarstjórn Reykjavikur nefnd til þess að
gera tillögur um bálstofu og voru kosnir í hana Einar Arnórsson,
Ágúst Jósefsson og sr. Bjarni Jónsson. Nú hefir Jón Þorláksson
borgarstjóri valið bálstofunni stað fyrir sunnan kirkjugarðinn, og
hefir falið verkfræðing að gera teikningar af bálstofu og kostn-
aðaráætlun um byggingu hennar. — Félagar í Bálfararfélagi íslands
geta allir orðið, fullorðnir og börn, og atkvæðisrétt og kjörgengi
hafa allir, sem eru 18 ára eða eldri. — Árstillag er 3 krónur fyr-
ir hvern félaga.
Utgáfustjórn KirkjublaSs sendir blaðið ýmsum hér í Reykja-
vílí með ósk um, að þeir gerist kaupendur, og er þess vænzt að þeir
láti afgreiðslu blaðsins vita, hvort þeir óska að blaðið sé sent
þeim framvegis.