Ægir - 01.07.1923, Blaðsíða 18
120
ÆGIR
Innflutningur á söltuðum
fiski til Italíu.
Norski ræðismáðurinn i Genua skýrir
svo frá 15. júní:
Hin síðustu árin hefir innílutningur á
söltuðum fiski til Italíu aukist að mun.
ítalskt firma, sem ílytur inn mikið af
saltfiski hefir tjáð, að saltfiskur ryðji sér
æ meira til rúms og menn i sumum hér-
uðum vilji ekki annan fisk, svo verkað-
ur fiskur og harðfiskur sé óseljanleg
vara.
óverkaður saltfiskur kemur að mestu
leyti frá íslandi og er sömu tegundar og
sá, sem verkaður er.
Til þess að hann sé fyrsta flokks vara,
verður að blóðga hann, þvo hann vel
og leggja hann nýjan í salt.
Firmað gaf mér þessar upplýsingar er
eg spurði um verkun á fiskinum.
Fiskinn verður að þvo vel og salta
vandlega hvert lag í staíla, sem er rúm-
ur meter á hæð. Eftir viku er honum
»umstaflað« og saltaður á ný. Eftir það
er hann látinn standa í 3—4 vikur, jafn-
vel lengur, og er þá orðinn verslunar-
vara, sem flytja má út. Hann er íluttur
út i 600—700 smálesta förmum. Sé um
smásendingar að ræða verða þær helst
að vera í kössum.
Þar sem lítið farg er á fiskinum, verð-
ur í honum talsvert af vatni.
Sá er mér skýrði frá, gat þess, að sá
fiskur, sem staðið hefir í stafla í 1 mán-
uð og væri svo fluttur frá Islandi til
Genua léttist að jafnaði á þeirri leið um
5 af hundraði, en því lengur sem fiskur
stæði í stafla, því meira vatn sígi úr hon-
um og léttist af því minna á leiðinni.
Eg spurði, hvort saltaður fiskur þyldi
liitann og var því svarað svo, að á öll-
um tíma árs kæmi þannig verkaður
fiskur frá íslandi, jafnvel heitustu mán-
uðina, og væri hann geymdur í kælihús-
um líkt og þurkaður fiskur og labrador.
Er eg spurði, hvort norskur fiskur yrði
markaðsvara þannig sendur, svaraði hann
að ekkert væri þar til fyrirstöðu, en kunn-
ugt var honum, að endrum og sinnum
komu smásendingar af söltuðum fiski
frá Noregi, en þær líkuðu ekki og taldi
hann aðalástæðu, að hann væri illa blóðg-
aður og sama mætti segja um allan fisk
þaðan.
Hann var ánægður með hin nýju mats-
lög, sem hefðu bætt alla meðferð á norslc-
um fiski. (»Fiskets Gang«).
Útflntt í júuí 1923 :
Verkaður saltfiskur . . 1.766.600 kg.
Óverkaður saltfiskur . . 108.400 —
Alls frá áramótum lil 1. júlí:
18.417.400 . . . kg. verkað
2.913.800 ... — óverkað
10.988 föt þorskalýsi.
Mannalát.
Hafnsögumaður í Reykjavik Helgi Teits-
son andaðist úr lungnabólgu hinn 5. júlí.
I sama mánuði andaðist skipstjóri
Guðmundur Kristjánsson, sem lengi var
formaður á skipum Geirs sál. Zoéga.
Hinn Í8. júlt vildi það sorglega slys
til, rétt við Elliðavatn, að þriggja ára
gamall drengur, sonur tannlæknis Br.
Björnssonar datt af brú og druknaði. —
Móðir drengsins sá slysið álengdar, fór
út í ána til að reyna að bjarga barni
sínu og var hætt komin að drukna sjálf.
Ritstjóri Sveinbjörn Egilson.
Prenlsmiðjan Gutenberg.