Ægir - 01.04.1958, Blaðsíða 11

ÆGIR
101
Minningarorð:
Jón Jónsson
í Firði. Seyðisfirði,
andaðist að heimili sínu hinn 11 marz
síðastliðinn áttatíu og þriggja ára að
aldri. Jón var einn þeirra manna, er sátu
hið fyrsta Fiskiþing 1913. Fækkar þeim
smátt og smátt, sem það þing sátu. Eru
nú aðeins tveir á lífi, þeir Matthías Þórð-
arson frá Móum og Ólafur Jónsson frá
Elliðaey. Jón í Firði var áhugamaður um
félagsmál, þegar fiskifélagsdeild var
stofnuð á Seyðisfirði 1912 var hann einn
af stofnendum hennar, var þar sem
áhugamaður um nauðsyn félagssamtaka
sjávarútvegsmanna og sjómanna. Vann
fón mikið starf í félagsmálum Seyðfirð-
inga meðan heilsan entist. Síðasta starf
Jóns í félagsmálum mun hafa verið, að
hann veitti forstöðu um nokkur ár vél-
bátaábyrgðarfélaginu ,,Aldan“ á meðan
bað starfaði. Við sem vorum lengi sam-
tíðarmenn Jóns í Firði minnumst hans
sem mikils áhugamanns um öll störf, er
hann hafði með höndum.
Ámi Vilhjálmsson.
Erlendar fréttir
Frá Damnörku.
Fislcveiðar Dana 1957.
I „Fiskeribladet", janúarheftinu, segir
svo um fiskveiðar Dana á síðastliðnu ári:
Fiskaflinn jókst enn á þessu ári bæði
að magni og verðmæti, eins og undan-
farin ár. Samkvæmt bráðabirgðatölum
nam heildaraflinn 520.000 lestum, sem
seldist fyrir 287 millj. kr., samanborið
við 456.000 lestir og 265 millj. kr. árið
1956. Af aflanum var neyzlufiskur um
30%, eða um 11.000 lestum meiri en
1956. Löndun útlendinga, einkum Svía,
nam 21.000 lestum að verðmæti 11 millj.
kr., og er það innifalið í heildaraflanum.
Mest var þetta síld. Löndun danskra
skipa í erlendum höfnum, einkum brezk-
um, var um 9000 lestir, að verðmæti 16
millj. kr., mest skarkoli og þorskur. Er
þetta nokkru meira en árið áður.
Verðmætasta fisktegundin er skarkol-
inn; af honum veiddust 29.000 lestir, að
verðmæti 60 millj. kr., sem er 2 millj. kr.
meira en árið áður. Nokkur verðhækkun
varð á skarkola, einkum Norðursjávar-
skarkola. Þykkvalúruveiðin, sem brást að
nokkru 1956, varð helmingi meiri en árið
áður; bezt var hún í Norðursjónum í
apríl—júní.
Þorskaflinn var meiri 1957 en nokkru
sinni áður, eða 53.000 les.tir, að verð-
mæti 32 millj. kr. Einkum var góður
þorskafli við Borgundarhólm í jan.-marz.
Síldaraflinn á árinu nam 200.000 lest-
um, að verðmæti 52 millj. kr. Er það um
40.000 lestum meira en 1956. Áætlað er,
-að um 90% af síldaraflanum hafi farið
til vinnslu í verksmiðjum. Helmingur
aflans veiddist í Nörðursjónum, þriðj-
ungur í Skagerak.
Af smásíld (brisling) veiddust 20.000
lestir, að verðmæti 6 millj. kr. Hefur