Ægir - 15.08.1967, Blaðsíða 19

ÆGIR
265
Síldar- og hafrannsóknir
Framhald af bls. 261
svæðinu frá 69° 30 N að 70° 20 N milli
1°00 V og 5° 00 V. Einnig var nokk-
urt magn um 68° 45 N og 6° 00 V fyrstu
vikuna í júní, en síldin dreifðist nokkuð í
smærri torfur og varð því erfitt að veiða
hana er leið á mánuðinn. Sunnantil á
svæðinu, milli 65° 15 og 65°45 N austan
11° V. varð vart við nokkurt torfumagn,
en þar reyndist um kolmunna að ræða.
I ár hefur síldin því haldið sig allmiklu
austar en venja hefur verið. Á sama tíma
í fyrra miðuðust vesturtakmörk síldar-
svæðisins við 8. lengdarbauginn, en þann
10. 1965. Að áliðnum maí og í byrjun júní-
mánaðar gekk síldin nokkuð norðvestur á
bóginn og eftir fyrstu viku júnímánaðar
virtist hún yfirleitt dreifa sér í smærri
torfur um og norðan 70. breiddarbaugs.
Ástæðan fyrir hinni austlægu dreifingu
síldarinnar er talin vera hinn óvenjulegi
sjávarkuldi, en einnig er hugsanlegt að
mikið rauðátumagn djúpt í hafi austur og
norðaustur af landinu hafi að nokkru
tafið vesturgöngu hennar. Með tilliti til
hins lága sjávarhita er talið líklegt, að
síldin muni halda sig djúpt í hafi suð-
austan og austan Jan Mayen fyrri hluta
sumars og ekki ganga að ráði vestur á
bóginn fyrr en í ágúst eða september.
Er Ægir hóf aftur síldarleit upp úr 20.
júní hafði veiðisvæðið færzt allmikið suð-
vestur á bóginn og voru flest skipin þá
um 68° 45 N og 8° 45 V. Svo virtist um tíma
sem síldin hefði hafið göngu í átt til lands.
Sú von brást þó með öllu, því er líða
tók á mánuðinn gekk síldin norð-norðaust-
ur eftir aftur.
1 lok fyrstu viku júlímánaðar er veiði-
svæðið um 71° 15 N og 3—4° A og við lok
mánaðarins eru flest skipin að veiðum um
72—73° N og 8—10° A. Yfir höfuð má
segja að síldin hafi verið mjög erfið við-
fangs það sem af er sumrinu. Hún hefir
staðið djúpt og yfirleitt ekki komið á kast-
fært dýpi nema endrum og eins.
Síðari helming júlímánaðar og fyrstu
dagana í ágúst hafa þrjú leitarskip, Ægir,
Hafþór og Snæfugl leitað rækilega um
svæðið austan íslands, allt frá Færeyjum
norður fyrir Jan Mayen. Fram að þessu
hefur yfirleitt ekki orðið vart við torfu-
myndanir á þessu svæði nema lítillega
sunnantil. Óvíst er þó hvort þar er um
síld eða kolmunna að ræða, því torfurnar
stóðu djúpt og þessvegna ekki hægt að ná
sýnishornum. Samt sem áður verður að
telja að nokkurt síldarmagn sé dreift um
allstórt svæði austur af landinu, enda hafa
leitarskipin orðið vör við líklegar lóðn-
ingar innan um kolmunnaræmuna sem
þarna er á stórum svæðum.
Einnig hafa færeysk og norsk rekneta-
skip fengið nokkurn afla á þessu svæði af
og til. Vonir standa til að þessi síld muni
þétta sig og mynda torfur á næstunni og
gæti hún þá gefið af sér nokkra veiði þar
til aðalmagnið gengur á Austfjarðamið
síðar.
L Ö G
uin breyting á lögum nr. I 5. |an. lOSil,
uin síldarverksmiöjur ríkisins.
1. gr.
1. málsgrein 4. o-reinar laganna orðist svo:
Stjórn síldarverksmiðja ríkisins skal skipuð 7
mönnum til þrigg-ja ára í senn, sem hér segir:
Sameinað Alþingi kýs fimm menn hlutbundinni
kosningu, en ráðherra skipar tvo menn, annan
eftir tilnefningu Landssambands íslenzkra út-
vegsmanna og hinn eftir sameiginlegri tilnefn-
ingu Alþ ðusambands Islands, Farmanna- og
fiskimannasambands íslands og Sjómannasam-
bands íslands. Varamenn skulu kosnir og skip-
aðir á sama hátt. Eigi skal þó kveðja varamann
til starfa, nema aðalmaður óski þess eða hafi
fallið frá. Noti aðilar ekki rétt sinn til tilnefn-
ingar aðaimanns eða varamanns, skipar ráðherra
þá án tilnefningar. Stjórnin kýs sér sjálf for-
mann.
2. gr.
Lög þessi öðlast þegar g-ildi.
Ákvæði til bráðabirgða:
Núverandi stjórnarmenn halda umboði sínu til
loka kjörtímabils síns. Þeir tveir stjórnarmenn,
sem ráðherra skipar, skulu í fyrsta sinn skipaðir
til sama tíma.
Samþykkt á Alþingi 18. apríl 1967.