Ægir - 01.05.1980, Blaðsíða 58

Loðnuveiðarnar
veturinn 1980
Tímabilið frá 8. janúar-12. janúar
Samkvæmt reglugerð sjávarútvegsráðuneytisins
voru loðnuveiðar veturinn 1980 heimilaðar frá og
með 8. janúar. Hinn 2. jan. hélt loðnuskipið
Gígja RE 340 til loðnuleitar, þar um borð var fiski-
fræðingur er stjórnaði leitinni. Skipið hélt á miðin
fyrir vestan land og norðan en varð eigi vart við
loðnu. Hinn 7. jan. hélt rannsóknarskipið Bjarni
Sæmundsson, leiðangursstjóri Hjálmar Vilhjálms-
son fiskifræðingur, til loðnuleitar ásamt fjölda
loðnuskipa er leituðu bæði vestanlands og norðan.
Hinn 9. jan. var Bjarni Sæmundsson ásamt nokkr-
um loðnuskipum við leit djúpt út af Vestfjörðum,
þar fannst loðnugangan um 50 sml. NNV af
Straumnesi (svæði 675). Hafði aldrei fundist
loðna að vetrarlagi svo djúpt og vestarlega sem
nú. Fengu þar 5 skip góðan afla. Þegar fréttist af
loðnufundinum streymdu skipin á svæðið, en þau
voru dreifð við leit allt austur undir Langanes.
Næstu daga var góð veiði á þessum slóðum og t.d.
fengu 27 skip um 13 þús. tonn þann 12. janúar.
„Það er fjárans barningur og erfitt að eiga við
veiðar á þessu svæði, krap í sjónum og sjávarhiti
undir frostmarki,“ sagði einn loðnuskipstjórinn.
Loðnan hefur aldrei fyrr veiðst svona vestarlega að
vetri til, en hún er þá fundin eftir að allur flotinn
hafði leitað vítta og breitt fyrir öllu Norðurlandi,
allt austur á Langanesgrunn og vestur fyrir Hala.
„Þetta er spánnýtt uppátæki hjá loðnunni,“ sagði
áðurnefndur skipstjóri að lokum.
Vikuafli 23 skipa er fengu loðnu í vikunni varð
samtals 12.095 tonn.
Vikan frá 13. janúar - 19. janúar
Nokkuð góð veiði var áfram á sömu slóðum
og fyrr en heldur þokaðist loðnugangan norður
á bóginn. Bezti veiðidagur vikunnar var fimmtu-
dagurinn 17. jan. en þá fengu 38 skip um 21 þús.
tonn. Rannsóknarskipin Bjarni Sæmundsson og
Árni Friðriksson leituðu loðnu fyrir öllu norður-
og austurlandi en fundu ekkert á hefðbundnum
svæðum.
í vikulokin brældi og héldu þá öll skipin til
hafnar.
í vikunni fengu 51 skip afla samtals um 53.600
tonn og þá var heildaraflinn orðinn samtals
53.689 tonn. Á sama tíma í fyrra höfðu 47 skip
fengið afla, samtals um 58.469 tonn.
Vikan frá 20. janúar - 26. janúar
Bræla var fyrri hluta vikunnar og öll skip í höfn,
en miðvikudaginn 23. jan. var komið goU veður a
miðunum og þá fengu 22 skip afla á svipuðum
slóðum og fyrr, þó heldur austar (svæði 723 og
773). Seinnihluta vikunnar gekk loðnan nokkuð
hratt austur á bóginn og í vikulokin var hún kom-
in austur á svæði 720, eða um 75 sml. norður
af Skaga. Mjög góð veiði var bæði föstudag og
laugardag en þá daga fengu 49 skip samtals um
33 þús. tonn, aðalleg á svæði 771 og 721, sem
um 70 sml. NA af Horni. Bæði rannsóknarskipio
héldu áfram leit á hefðbundinni gönguleið loðn-
unnar en fundu ekkert. Á sama tíma í fyrra var
loðnugangan út af Langanesi. Vitað var um 51 skip
er fengu afla í vikunni og vikuaflinn varð samtals
26.378 tonn og heildaraflinn frá verðtíðarbyrjun
samtals 92.162 tonn. Á sama tíma í fyrra höfðu
52 skip fengið samtals um 99.604 tonn.
Vikan frá 27. janúar - 2. febrúar
All góð veiði var flesta daga vikunnar og víða
komin löndunarbið, og þurftu þá skipin að sigla ti
fjarlægari hafna, allt austur um til Eskifjarðar og
vestur um og suður allt til Vestmannaeyja. Landa
var á 16 stöðum á landinu í vikunni.
Heldur þokaðist loðnugangan austur á bóginn og
var aðalveiðisvæðið um 75 sml. N af Skaga. Bezt'
veiðidagur vikunnar var á miðvikudag, en þá fengu
26 skip 17.500 tonn svo og á laugardag, þá fengu
einnig 26 skip um 15.900 tonn.
Verðlagsráð sjávarútvegsins ákvað loðnuverði
kr. 18.20 pr. kíló til bræðslu miðað við 8% fitu
innihald og 16% fitufrítt þurrefni. Ekki fóru neinar
fréttir af loðnu fyrir austan land þrátt fyrir mik u
leit rannsóknarskipanna. ívikulokin varvitaðað
skip hafði fengið afla í vikunni, samtals 57.lo
tonn og þá var heildaraflinn orðinn samtals 149.-
tonn, en á sama tíma í fyrra höfðu 54 skip
samtals 139.133 tonn. Aflahæsta skipið í vikulokio
var Sigurður RE 4 með samtals 5798 tonn.
Vikan frá 3. febrúar - 9. febrúar
Góð veiði var áfram á svipuðum slóðum og f>'
298 — ÆGIR