Tímarit lögfræðinga - 01.10.1989, Blaðsíða 48

6.5. Fjárliæð barnalífeyris
I 6. mgr. 14. gr. atl., sbr. 1. gr. 1. 25/1984, segir að árlegur barna-
lífeyrir með hverju barni skuli vera kr. 24.180. Frá þeim tíma hefur
fjárhæð þessari verið breytt með reglugerðum, nú síðast reglugerð
nr. 405/1989. Samkvæmt henni er barnalífeyrir kr. 6.491 á mánuði
þegar þetta er ritað. í reglugerðunum er yfirleitt tekið fram að þær
séu settar með stoð í 79. gr. atl. Þar kernur fram að ráðherra skuli
breyta upphæð bóta, þ.m.t. barnalífeyris, í samræmi við breytingar á
vikukaupi í almennri verkamannavinnu.
6.6. Bráðabirgðameðlag
Orðið bráðabirgðameðlag kemur ekki fyrir í lögum, en er í reynd
notað þegar móðir fær greiddan barnalífeyri til bráðabirgða meðan
ekki hefur tekist að feðra barn, sbr. 4. mgr. 73. gr. atl. og 2. mgr. 29.
gr. bl. Hægt er að sækja um hann um leið og fyrir liggja gögn um að
gerður hafi verið reki að því að feðra barn, t.d. með því að höfðað
hafi verið barnsfaðernismál. Greiðsla bráðabirgðameðlags fellur nið-
ur eftir 12 mánuði, ef umsókn er ekki endurnýjuð, enda hefur viljað
brenna við að Tryggingastofnun hafi ekki verið gert kunnugt um
hvenær faðerni barns er orðið ljóst. Tryggingastofnun á endurkröfu-
rétt fyrir bráðabirgðameðlaginu á hendur föður, eftir að faðernið
er upplýst.
7. INNHEIMTUÚRRÆÐI
Barnalífeyrir greiðist beint úr Lífeyrisdeild Tryggingastofnunar
ríkisins, sbr. 14. gr. atl og 2. mgr. 29. gr. bl. Þau innheimtuúrræði
sem hér verða rædd skipta þar af leiðandi aðeins máli þegar um er
að ræða meðlag, sérstök framlög eða greiðslur samkvæmt 25. og 26.
gr. bl. Tvenns konar úrræði standa þeim til boða sem eiga rétt á
þessum greiðslum. Ymist svarar Tryggingastofnun ríkisins til þessara
krafna eða þær eru lögtakskræfar. Verða þessi úrræði nú skoðuð nán-
ar. Varðandi þær kröfur sem Tryggingastofnun ríkisins svarar til er
einnig nauðsynlegt að átta sig á að hvaða marki hún gerir það. Laga-
heimildirnar sem að þessu lúta er í 73. gr. atl., 28. gr. bl. og 29. gr. bl.
Skilyrði þess að Tryggingastofnun ríkisins greiði meðlag eða aðr-
ar framfærslukröfur sem henni er skylt að svara til lögum samkvæmt,
er að fyrir liggi úrskurður viðkomandi yfirvalds, sem birtur hefur
190