Árbók Háskóla Íslands - 31.12.2007, Síða 192

Viðskipta- og hagfræðideild
og fræðasvið hennar
Almennt
Aðsókn í nám við viðskipta- og hagfræðideild Háskóla íslands var með allra
mesta móti skólaárið 2006-2007. Tæplega 400 sóttu um í grunnnám og jókst fjöldi
umsókna um 32% milli ára. Umsóknum í grunnnám við Háskóla íslands fjölgaði
mest hjá viðskipta- og hagfræðideild. Metaðsókn var einnig í meistaranám við
deildina og jókst aðsóknin um 50% frá fyrra ári.
í meistaranám í viðskiptaskor var 341 nemandi nýinnritaður haustið 2007. 134 í
MS-nám. 119 í MA-nám í mannauðsstjórnun, 44 í MAcc-nám og 44 nemendur í
MBA-nám. ( meistaranám í hagfræðiskor voru 64 nýinnritaðir. 10 í almennri
hagfræði, 17 í heilsuhagfræði og 37 í fjármálahagfræði. Á haustmisseri 2007 voru
allmörg námskeið í meistaranámi viðskipta- og hagfræðideildar einnig í boði hjá
Endurmenntun.
Eftirfarandi yfirlit lýsir starfsemi deildarinnar á árinu 2007 í stórum dráttum.
Stjórn
• Ágúst Einarsson sagði starfi sínu lausu í janúar 2006.
• Guðmundur Magnússon lét af störfum fyrir aldurssakir í aprít.
• Friðrik Már Baldursson, deildarforseti. lét af störfum 1. september og
Ingjaldur Hannibalsson tók við starfinu. Runólfur Smári Steinþórsson tók við
starfi skorarformanns af Ingjaldi Hannibalssyni 1. sept. Gylfi Zoéga var
formaður hagfræðiskorar allt árið 2007. Guðrún Baldvinsdóttir dósent við
viðskiptaskor lét af störfum 1. júní 2007. Haukur Freyr Gylfason aðjúnkt við
viðskiptaskor lét af störfum 1. júlí 2007. Hersir Sigurgeirsson lektor í
viðskiptaskor lét af störfum 1. ágúst 2007. Friðrik Már Baldursson prófessor
í hagfræðiskor lét af störfum 1. september 2007.
• Brynjólfur Sigurðsson var í launalausu leyfi á árinu 2007.
• Tryggvi Þór Herbertsson var í launalausu leyfi allt árið 2007.
Skrifstofa
Ekki varð fjölgun á starfsfólki á skrifstofu deildarinnar árið 2007. en þar starfa
auk skrifstofustjóra sem er í 100% starfi, fjórir fulltrúar í 50% starfi hver og einn
fulltrúi í 75% starfi. Áshildur Bragadóttir lét af störfum 1. september sem
verkefnastjóri kynningarmála og Sif Sigfúsdóttir var ráðin sem markaðsstjóri.
Harpa B. Guðfinnsdóttir verkefnastjóri MBA náms tét af störfum 1. júlí 2007. Jón
Snorri Snorrason var ráðinn forstöðumaður MBA náms frá 1. sept. 2007.
Kennsla og rannsóknir
Haustið 2007 tók að fullu gildi breyting sem gerð var á skipulagi BS-náms í
viðskiptafræði. Markmið breytinganna var að bæta þjónustu við nemendur en nýta
jafnframt mannafla og húsakost deildarinnarsem best. I mars samþykkti
háskólaráð að viðskipta- og hagfræðideild væri heimilt með samþykki háskóla-
ráðs að bjóða nám til BS-prófs í viðskiptafræði samhliða starfi í samræmi við
ákvæði 14. greinar reglna Háskóla íslands. Unnið hefur verið að undirbúningi og
er stefnt að því að námið hefjist haustið 2008. Haustið 2007 var boðið í fyrsta skipti
upp á námsbraut í þjónustustjórnun í samvinnu við endurmenntun en á ábyrgð
deildar. Vel gekk að halda úti málstofum og voru þæryfirleitt vel sóttar. jafnframt
var góð aðsókn að opinberum fyrirlestrum. Á ráðstefnu í félagsvísindum sem
haldin var í byrjun desember voru haldin 44 erindi um hagfræði og viðskiptafræði.
Ráðstefnan var haldin í hinu nýja Háskólatorgi og var aðsókn góð. Fjárveiting til
deildarinnar á árinu 2007 var tæplega 298 m.kr.
Útgáfa
• Tvær greinar voru birtar á árinu 2007 í vísindatímariti deildarinnar. Tímariti um
viðskipti og efnahagsmál. auk viðamikillar sérútgáfu til heiðurs Jónasi Haralz.
• Greinasafn. fyrra bindi. eftir Ágúst Einarsson prófessor kom út í byrjun árs
2007.
• Hið íslenzka bókmenntafélag gaf út bókina Háskaleg hagkerfi: Tækifæri og
takmarkanir umbóta eftir Þráin Eggertsson prófessor í desember. Bókin kom
upphaflega út á ensku hjá University of Michigan.
• Bókin HOLDAFAR - hagfræðileg greining eftir Tinnu Laufeyju Ásgeirsdóttur
umsjónarmann meistaranáms í heilsuhagfræði kom út í desember
190