Árbók Háskóla Íslands - 31.12.2007, Page 244

í stakk búin til að veita áfram góða þjónustu og taka virkan þátt í að ná þeim
markmiðum sem Háskóli íslands hefur sett sér til næstu ára.
Veffang Rannsóknaþjónustu Háskólans er www.rthj.hi.is
Reiknistofnun Háskóla íslands
Reiknistofnun Háskóla íslands (RHÍ) sér um uppbyggingu og rekstur
upplýsingakerfa og símnets Háskóla íslands í umboði háskólaráðs. Rekstur
stofnunarinnar gekk vel á árinu 2007. Fjárhagsleg afkoma var viðunandi miðað
við miklar framkvæmdir á árinu sem lýst er hér að neðan. í stjórn voru Helgi
Þorbergsson dósent í tölvunarfræði, stjórnarformaður. Fjóla Jónsdóttir dósent í
verkfræði. Guðmundur B. Arnkelsson dósent við félagsvísindadeild. Gunnar
Hjálmarsson prófessor í raunvísindadeild og Arnfríður Guðmundsdóttir dósent við
guðfræðideild. Helgi og Arnfríður eiga jafnframt sæti í háskólaráði Háskóla
íslands. ForstöðumaðurvarSæþór L. Jónsson MscEE.
Starfsemin
Nokkur hreyfing var á starfmönnum RHÍ á árinu 2007. Baldur Eiríksson hætti
störfum á miðju ári að loknu meistaranámi í verkefnastjórnun MPM sem hann
stundaði með starfi hjá Reiknistofnun. Þá flutti Valberg Lárusson tit Ástralíu. Katla
Gunnarsdóttir skrifstofustjóri tét einnig af störfum. þeim eru þökkuð mjög
árangursrík störf. Nýráðnir voru Haukur Jóhann Hálfdánarson hjá
notendaþjónustu. Magnús Ingi Sveinbjörnsson og Hafsteinn Baldvinsson
tölvunarfræðinemi hjá hugbúnaðarþróun. Hallfríður Þóra Haraldsdóttir var ráðin
skrifstofustjóri. Stofnuninni skiptist í 4 deildir. hugbúnaðarþróun. kerfisþjónustu.
netdeild og notendaþjónustu. Reiknistofnun hefur. þrátt fyrir sveiflukenndar
breytingar verið einstaklega lánsöm með starfsfótk og byggir á sterkum kjarna
sem hafa þjónað Háskólanum dyggilega á liðnum árum. 26 starfsmenn starfa nú
í fullu starfi hjá RHÍ fyrir utan starfsmenn sem ráðnir eru tímabundið. Vaxandi
ánægja er með þjónustuborð RH( á fyrstu hæð íTæknigarði og hið nýja
þjónustuborð á Háskólatorgi.
Starfsmenn Reiknistofnunar koma einnig að rekstri Rhnets hf. og situr
forstöðumaður í stjórn RHnets hf. (Rannsókna og háskólanet íslands) sem
varaformaður, í stjórn FSnets (Net framhaldsskóla og símenntunarstöðva) og í
stjórn NORDUnet A/S (Samtenginet Norðurlanda) sem stjórnarformaður fyrir
hönd Háskóla Islands.
Mikil vinna allra deilda fór í undirbúning að sameiningu Háskóla íslands og
Kennaraháskóla Islands. Þetta mikla auka álag ásamt miklum flutningum í
tengslum við Háskólatorg lagðist á starfsmenn á síðara hluta árs jafnframt
hefðbundinni starfsemi. Ekki virtist hafa verið gert ráð fyrir kostnaði af þessu.
Eins og áður hefur komið fram er mjög þröngt orðið um starfsemi
Reiknistofnunar sem hefur búið við sama húsnæði síðan 1988. Er nú ekkert pláss
ónotað. Ástandið er með öllu óviðunandi.
Þjónustuborð Háskólatorgi
Þjónustuborð Reiknistofnunar sem starfað hefur frá því í september 2005 fór í
gegnum miklar breytingar á liðnu ári. Þjónustuþættirnir voru víkkaðir út og var
áfram unnið að því markmiði að veita góða og persónutega þjónustu. Tveir nýir
starfmenn bættust í hópinn.
Hingað til hefur þjónustuborðið einungis verið staðsett í Tæknigarði. Dunhaga 5.
Með tilkomu Háskólatorgs fluttist einn starfsmaður yfir á þjónustuborðið sem
staðsett er á 2. hæð í þeirri byggingu. Með því var stigið stórt skref í þá átt að
auka sýnileika okkar og auðvelda aðgengi að þjónustunni. Hér er sérstaklega
verið að koma til móts við nemendur. en mun fleiri nemendur en starfsmenn hafa
nýtt sér þjónustuna sem í boði er á þjónustuborði. Þegar fram líða stundir munu
tveir þjónustufulltrúar frá Reiknistofnun verða staðsettir á Háskólatorgi. Á
þjónustuborðinu eru einnig fulltrúar frá nemendaskrá. alþjóðaskrifstofu og
námsráðgjöf. Hlutverk okkar á þessum stað verður nokkurn veginn það sama og
áður var á þjónustuborði í Tæknigarði. að veita góða og persónulega þjónustu.
Með tilkomu þjónustuborðs hefur almenn þjónusta Reiknistofnunar bæði við
nemendur og starfsmenn orðið skilvirkari og gengið betur fyrir sig. Fjöldi símtala
á milli ára hefur aukist svo um munar. Álagið á tæknimenn sem áður sinntu
einnig síma- og tölvupóstsvörun hefur minnkað og hafa þeir því meira svigrúm til
242