Dýraverndarinn - 01.09.1959, Blaðsíða 16
Fréttir frá Alþjóðasambandi
dýraverndunarfélaga
I. I febrúar 1958 yfirgaf japanskur suður-
heimskautsleiðangur bækistöð sína í Suðurhöfum.
Vegna óveðurs skildi leiðangurinn eftir 15 sleða-
hunda. Er atvik þetta varð kunnugt í Japan, reis
meðal almennings mikil óánægja og gremja.
Ári síðar var japanskur leiðangur á ferð á
sömu slóðum. Fundu leiðangursmenn tvo af
hundunum á lífi.
Dýraverndunarfélög í Japan hafa nú reist
sleðahundunum minnisvarða við 330 metra háan
sjónvarpsturn i Tókíó.
Dýravinir í Japan hafa notað atburð þennan
til þess að þróa með japönskum börnum mann-
úðartilfinningu gagnvart dýrum.
II. Mikið „syndaflóð" flæðir nú yfir 2500 fer-
mílna svæði í Mið-Afríku. Flóð þetta stafar af
því að stífla mikil hefur verið reist yfir farveg
Zambesifljótsins, þar sem heitir Kariba. Flóð
þessi hófust í des. 1958, og er áætlað, að vatns-
magnið nái ekki hámarki fyrr en á árinu 1963.
Þeir, sem gerðu verkáætlanir eru nú ásakaðir
fyrir skilningsleysi á velferð allra þeirra dýra,
sem eiga heimkynni á flóðasvæðinu. Á þessu
svæði lifa fílar, zebradýr, apar og ýmsar teg-
undir geita og svína. Dýr þessi hafa leitað at-
hvarfs á eyjum, sem myndazt hafa. Margar þess-
ara eyja fara í kaf, er vatnsborðið hækkar. Leið-
angrar hafa verið gerðir út dýrunum til björg-
unar, en starfið er mjög erfitt, því að bátar eru
þarna litlir og erfitt að hemja villt dýr á flekum.
Náttúruverndarnefndir víða um heim hafa hafið
fjársafnanir til þess að gera út hjálparleiðangra
og búa þá hentugum tækjum. Væri þörf á því,
að Nói gamli væri endurfæddur og kominn með
Örkina sína á flóðasvæðið við Kariba.
III. 1958 gengu í gildi ný allsherjarlög í
Bandaríkjunum varðandi aflífun búfjár. Dýravin-
ir þar vestra fagna mjög þessum lögum.
IV. Dýravinir í Kanada fagna nýrri gerð
dýraboga, sem þar hafa verið teknir í notkun og
fyrirskipaðir af þvi opinbera.
V. Macquarie-eyja er í 900 mílna fjarlægð
til suð-austurs frá Tasmaniu. Eyja þessi hefur
verið óbyggð í mörg ár eftir að fuglatekja og sel-
veiði var þar bönnuð. Eyjan er aðsetursstaður
margra fuglategunda, t. d. eru þar 4 mörgæsa-
tegundir, 2 albatrossa-tegundir og svo nokkrar
tegundir fýlunga.
Meðan leyfðar voru þar veiðar, urðu þar al-
dauða tvær sérstæðar fuglategundir. Nú hefur
frétzt, að ríkisstjórnin á Tasminu ætli að leyfa,
að veiðistöð sé þar rekin á ný. Margs konar
alþjóðafélög um náttúruvernd og dýravemd hafa
snúizt gegn þessari fyrirætlun.
VI. Vakin hefur verið athygli spænskra stjórn-
arvalda á því, hve algengt sé meðal spænskra
barna að fara illa með dýr. Bent er á, að ekki sé
von á góðu þegar þess séu dæmi, að 5000 spænsk
skólabörn hafi í einum spænskum bæ verið boðin
til nautaats. Að vísu voru nautin kálfar, en þeir
voru kvaldir og hrjáðir og síðar drepnir fyrir
augum bamanna.
VII. Alþjóða hvalveiði-ráðið hefur sent frá
sér yfirlýsingu um, að það hafi efnt til rann-
sóknar á mannúðlegri aflífun hvala.
VIII. Dýraverndunarfélag háskóla (UFAW)
hefur gefið út bók um loðdýraveiðar, „Facts
about furs“, þar sem sýnt er fram á, að veiðar
villtra loðdýra séu óþarfar loðfeldamarkaði heims-
ins vegna ræktunar loðdýra og framleiðslu
ýmissa „loð-efna“, sem fullkomlega geta komið
í stað loðfeldanna. I þessu sambandi er bent á
árangur af notkun slíkra efna í fatnaði leiðangurs-
manna á Suðurheimskautslandinu.
DÝRAVERNDARINN
Útgefandi: Samband dýraverndunarfélaga íslands. Ritstj.:
Guðmundur Gíslason Hagalín, Silfurtúni, Garðahreppi
(Sími 50166. Pósthólf 1342). Afgreiðslu annast Þorgils
Guðmundsson, Hraunteigi 21 (Sími 34344. Pósthólf 993).
Þorgils er að hitta á Fræðslumálaskrifstofunni alla virka
daga frá kl. 9 til 5. Verð blaðsins er kr. 30.00. Gjalddagi
er 1. júlí. Vinnið kappsamlega að útbreiðslu Dýraverndar-
ans. — Prentsmiðja Jóns Helgasonar.
64
DÝRAVERNDARINN