Alþýðumaðurinn - 27.05.1975, Side 2

J[ m I /■ Otgefandi: Alþýðuflokksfélag
m | I \v/ | Akureyrar. — Ritstjóri og ábm.
7---’ T. Hjörleifur Hallgríms.
ALÞÝÐUMAÐURINN
Afgreiðsla og auglýsingar: Strandgötu 9, sími 1-13-99.
Falskar
skrautfjaðrir
Af og til er Þjóðviljinn að mikla Magnús Kjartansson,
fyrrverandi tryggingamálaráðherra, fyrir mikil afrek á
sviði almannatryggingamála. Í leiðinni er staðhæft, að
þau mál hafi verið í hinni' mestu niðurlægingu fyrir hans
ráðherradag. Sannleikurinn er hins vegar sá, að afrek
Magnúsar í almannatryggingum eru smá og fá: Lög þau,
er nú gilda um almannatryggingar voru að meginstofni
samin og sett undir ráðherradómi Eggerts G. Þorsteins-
sonar og samþykktar af Alþingi vorið 1971. Upphafleg
gerð almannatryggingalaga og síðan allar umtalsverðar
endurbætur á þeirri löggjöf hafa líka verið gerðar af Al-
þýðuflokksráðherrum. Þeirri staðreynd getur engin Þjóð-
viljahagræðing í sannleika breytt.
Hitt er skylt að viðurkenna, að Magnús Kjartansson
flýtti gildistöku laganna frá 1971 um 5 mánuði og hækk-
aði seinna svonefnda tekjutryggingu, þó ekki meir en
svo, að við lok ráðherraskeiðs hans mun hún ekki hafa
verið orðin raunverulega hærri að gildi en þegar hann
tók við. Þá var hann líka byrjaður að svíkja vísitölubætur
á Iífeyrisgreiðslur.
Skylt er að viðurkenna, að í ráðherratíð Magnúsar
Kjartanssonar var rekstrargrundvöllur elliheimiia bættur
með hærri daggjöldum að nokkru. En þá eru afrek hans,
sem hægt er að nefna í almannatryggingarmálum upptal-
in, og eru að sjálfsögöu hverfandi hjá afrckum frumherj-
anna og aðalbaráttumannanna fyrir þessum félagsumbót-
urn, forystumönnum Alþýðuflokksins fyrr og síðar.
Að slepptum almannatryggingum reynir Þjóðviljinn að
fríkka upp á ráðherratíð Magnúsar Kjartanssonar með
„afrekum“ hans á sviði orkumála. Þar er þó líklega enn
auðnariegra um að svipast en í aimannatryggingamálum.
Lagasetningar um Sigölduvirkjun og Lagarfossvirkjun
voru gerðar undir forsæti samstjórnar Sjálfstæðisfl. og
Alþýðufl. og annað komst ekki í gang hjá M. K. Hins
vegar auðnaðist honum að koma rothöggi á Laxárvirkjun
og skaða þannig landið og fyrst og fremst þetta kjördæmi
uin hundruð milljónir króna. Hins vegar skal þess rétt-
lætis gætt, að taka fram, að fleiri' en M. K. eiga sök á þcim
aumingjaskap.
En þótt hér sé bent á, hve fjarstæð persónuhylling
Þjóðviljans sé á Magnúsi Kjartanssyni hvað almannatrygg-
ingar og virkjunarmál snertir, skal Þjóðviljanum bent á,
að Magnúsi MÁ hrósa. Hann bar fram gott mál í ráðherra-
tíð sinni, þótt honum auðnaðist ekki að koma því fram:
UM EIGNARRÁÐ RÍKISINS A hAhitasvæðum
LANDSINS. Þar var nauðsynjamáli hreyft og hörmulegt,
að Magnús skyldi ekki geta komiö því fram, en þar mun
tregða Framsóknar hafa haldið í spotta.
í allan vetur lá frumvarp þetta, nú flutt af Benedikt
Gröndal, Magnúsi Torfa o. fl. auk Magnúsar, en fékkst
ekki afgreitt og varla rætt. Sjá þó æ fleiri í hvert óefni
stefnir með þessi eignarráð, ef ekki eru sett ný og skýr
lög um þau, og er þar gleggst dæmi svonefnt Svartengis-
mál, sem auðsæilega ætlar að verða dýrt Suðurnesjabú-
um. En fleiri lík mál munu hrannast upp á næstunni', ef
skýr eignarmörk verða ekki dregin.
Fyrstur með íþróttaf réttir helgarinnar
■ k| D Fð T T I D M’°g góður
I r 1% U I 111% árangur akur-
----------------------- eyrskra skída-
Knattspyrna manna á
Skarðsmótínu
Þórsarar sigra Vestmannaeyinga
Eins og komið hefur fram í
fréttum, þá hafa Vestmanna-
eyingar staðið sig mjög vel í
vor, í þeim æfingaleikjum,
sem þeir hafa leikið. Þeir hafa
fengið mörg lið í heimsókn og
undantekningarlaust unnið
alla þá leiki hvort sem um 2.
deildarlið eða 1. deildarlið hef
ur verið að ræða, og komist
upp í sigra 7 eða 8-0.
En um hvítasunnuna var
þessi sigurganga Eyjaskeggja
stöðvuð því þá fór 3. deildar-
lið Þórs til Vestmannaeyja og
sýndi heimamönnum, að þó
stormasamt hafi blásið í knatt
spyrnumálum Akureyringa að
undanförnu var ekki allur
töggur úr þeim. Öllum á óvart
unnu Þórsarar 1. deildarlið
Vestmannaeyinga með 3 mörk
um gegn 2, og bundu þar með
enda á sigurgöngu Eyja-
skeggja í vor.
Fréttir frá Eyjum herma, að
í leiknum hafi heimamenn ver
ið áhugalausir og baráttuvilji
þeirra í lágmarki. Þórsarar
hafi hinsvegar verið fullir af
baráttu og það hafi gert út-
slagið.
Sanavöllur
Þór—KA 4-1.
Síðastliðinn laugardag léku
á Sanavellinum KA og Þór, og
lauk þeim leik með stórum
sigri Þórsara, sem skoruðu 4
mörk á móti aðeins 1 marki
KA.
Þórsarar voru miklu betri
aðilinn allan leikinn og kvað
þó mest að einum manni hjá
þeim, enda skoraði hann öll
mörkin fjögur, en það var
Árni.
Á 15. mínútu kom það
fyrsta og á 25. mínútu skor-
aði Árni svo beint úr auka-
spyrnu, og ekki liðu nema 15
mínútur í viðbót er boltinn lá
í marki KA í þriðja skiftið og
rétt fyrir lok hálfleiksins
bætti svo Árni við fjórða mark
inu, og var það nokkuð lag-
lega gert.
í seinni hálfleik gekk lítið
betur hjá KA þó þeir hefðu
strekkingsgolu með sér, enda
var einstaklingsframtakið
hærra sett en samvinnan og
gefur það sjaldnast góða
raun. Þó skeði það á 35. mín-
útu að Sigurður bjargaði núll
inu með því að skora með
skalla og var það laglega að
verið. Fleiri urðu mörkin ekki
í þessum leik og lauk honum
því með sigri Þórs eins og
fyrr segir, 4-1.
í lið KA vantaði nokkra af
þeirra föstu leikmönnum, en
það afsakar þó ekki tapið því
liðið var vægast sagt sundur
laust og þó að Þormóður með
sinni alkunnu elju og dugnaði
reyndi að berja það saman bar
það ekki árangur.
Þór var töluvert betri aðil-
inn í þessum leik enda kom
liðið miklu heilsteyptara út
heldur en KA liðið, og það
gerir oft gæfumuninn. Engan
sérstakan er hægt að minnast
á utan Árna, því það er afrek
útaf fyrir sig, að skora 4 mörk
í leik.
Til er siglingaklúbbur hér í
bæ og má oft á sumrin sjá
þessa ofurhuga, að mörgum
finnst, leika allskonar listir á
skútum sínum hér á Akureyr-
arpolli.
Nú mun í ráði að þessir
kappar leiki listir sínar næst-
komandi laugardag, og er í
ráði að hafa kappsiglingu á
Pollinum. Vonandi er að blási
byrlega fyrir þeim siglinga-
mönnum á laugardaginn.
Um hvítasunnuna fór hið ár-
lega Skarðsmót fram á Siglu-
firði og fór héðan frá Akur-
eyri 14 manna hópur, þar á
meðal allt okkar besta skíða-
fólk.
Frammistaða þeirra var
með ágætum og góður endir á
ágætan árangur akureyrska
skíðafólksins á skíðamótum
síðastliðins vetrar.
Á Skarðsmótinu var keppt í
svigi og stórsvigi karla og
kvenna, og urðu úrslit sem hér
segir:
Svig karla. sek.
Árni Óðinsson A 95.68
Tómas Leifsson A 97.98
Jónas Sigurbjörnss. A 107.12
Stórsvig karla.
Haukur Jóhannsson A 115.13
Sigurður Jónsson í 115.34
Tómas Leifsson A 115.73
Alpatvíkeppni karla.
Tómas Leifsson, Akureyri
Árni Óðinsson, Akureyri
Jóhann Vilbergsson, Rvík
Svig kvenna. sek.
Kristín Úlfsdóttir í 82.27
Margrét Vilhelmsd. A 85.20
Steinunn Sæmundsd. R 88.92
Stórsvig kvenna.
Steinunn Sæmundsd. R 51.20
Margrét Vilhelmsd. A 53.54
Margrét Baldvinsd. A 53.54
Alpatvíkeppni kvenna.
Steinunn Sæmundsd., Rvík.
Margrét Vilhelmsdóttir, Ak.
Kristín Úlfsdóttir, ísafirði.
Með Skarðsmótinu lauk
einnig Bikarkeppni S.K.Í. og
Framhald á bls. 7.
Árni Stefónsson frá Akureyri fyrrverandi.markvörður KA og
ÍBA, en nú leikmaður með Fram, var eini nýliðinn með lands-
liðinu að þessu sinni. Eins og kunnugt mun orðið varð jafntefli
í leik íslands og Frakklands sl. sunnudag 0-0.
2 - ALÞÝÐUMAÐURINN