Stúdentablaðið - 01.12.2009, Síða 15

áhrifum áfengis var 20-24 ára og þar á eftir
komu ökumenn á aldrinum 25-29. Svo virðist
sem þessi brot séu algengust á vormánuðum en
fæst eru þau í janúarmánuði. Talsmenn lögreglu
eiga erfitt með að fullyrða um ástæður þessa. Á
síðustu þremur árum hafa orðið að jafnaði 87,7
slys á ári sem rekja má til ölvunaraksturs, þar af
eru fimm banaslys.
Ekki mannleg mistök að setjast
ölvaður undir stýri
Einar vill minna fólk á að akstur eftir neyslu
áfengis verður aldrei afsakaður með því að um
mannleg mistök hafi verið að ræða. Algengt er
að ökumenn sem hafi valdið banaslysum eftir
neyslu áfengis séu dæmdir fyrir manndráp af
gáleysi. Ef þú átt þátt í umferðarslysi og það
mælist áfengismagn í blóðinu á viðkomandi
tryggingarfélag endurkröfurétt á þig sem
ökumann fyrir tjóni og slysakostnaði enda er
litið svo á að þú sért ábyrgur með því að vera
undir áhrifum vímuefna. Þetta getur gerst jafnvel
þótt mælanlegt magn sé lítið. Slík endurkrafa
getur numið tugum milljóna króna. „Það eru
hins vegar miklar líkur á því að þú sért að bjarga
mannslífi ef þú kemur i veg fyrir að einhver
setjist undir stýri eftir neyslu áfengis. Ef þér tekst
ekki að koma í veg fyrir ölvunarakstur með góðu
skaltu gera viðkomandi þann greiða að láta
lögregluna vita í síma 112," segir Einar og bætir
við: „Það borgar sig aldrei að aka eftir neyslu
áfengis, hvort sem er um að ræða einn drykk
eða fleiri."
Ljóst er að pilsnerfrumvarpið er mjög umdeilt
og fjölmargir eru ósáttir við þessa mögulegu
lagabreytingu ef marka má umfjöllun í
fjölmiðlum og bloggheimum undanfarna daga
og vikur.
I flestum ríkjum Vestur-Evrópu er miðað við
sama leyfilega hámarksmagns áfengis í blóði og
hér á landi, eða 0,5%o, og aðeins tvö ríki hafa
lækkað umrætt hámarksmagn niður í 0,2%o.
Það eru Svíþjóð og Noregur. Lögin eru útfærð
á ólíkan hátt I löndunum tveimur og verður
fróðlegt að fygjast með hver stefna (slenskra
stjórnvalda verður í þeim málum ef frumvarpið
verður að lögum.
Frekari upplýsingar um frumvarpið má finna á
vef samgöngu- og sveitastjórnarráðuneytisins,
www.samgonguraduneyti.is, og einnig á vef
Alþingis, www.althingi.is.
Ásdís Auðunsdóttir
Framúrstefnulegt
strætóskýli við
Hringbraut
Iðulega er krökkt af stúdentum og
öðrum vegfarendum í strætóskýli einu
við Hringbraut. Skýli þetta, sem er við
Þjóðminjasafnið, hefur veitt skjól í öllum
veðrum allt árið um kring. Líklega myndu
margir segja þetta eitt huggulegasta
strætóskýli á norðurhveli jarðar. Þann
4. nóvember síðastliðinn afhjúpuðu
Stúdentaráð Háskóla íslands og Orkusalan
endurbætur á umræddu strætóskýli.
Nú er það upphitað og upplýst og veitir
námsmönnum og öðrum vegfarendur
birtu og yl í svartasta skammdeginu.
Það er ekki aðeins að skýlið sé upphitað
heldur er þar einnig að finna þráðlaust
net í boði Símans. Blaðamaður spurði
Magnús Kristjánsson, framkvæmdarstjóra
Orkusölunnar, út í þetta metnaðarfulla
verkefni.
Samstarf SHl og Orkusölunnar hófst haustið
2008 og gekk upphaflega út á nýstárlegan
afslátt á rafmagni til nemenda Háskóla
Islands. Á fundi þeirra um möguleika á frekara
samstarfi kom hugmyndin um strætóskýlið.
Hugmyndavinna og útfærsla er því unnin (
samstarfi Orkusölunnar og SHÍ en Orkusalan
ákvað strax í upphafi að bera allan kostnað
af uppsetningu og rekstri skýlisins. „Við
nutum góðs af reynslu AFA JCDecaux sem
rekur strætóskýli borgarinnar og þeir sáu um
tæknilega útfærslu," segir Magnús. Síminn
bættist svo í hópinn á lokasprettinum og bauð
aðgang að þráðlausu neti í skýlinu.
Aðspurður segir Magnús að því fylgi alltaf
kostnaður að ryðja braut á hvaða sviði sem
er. Hann segir þó kostnað við uppsetningu,
hitun og lýsingu skýlisins óverulegan miðað
við þann fjölda stúdenta og annarra sem njóti
góðs af skýlinu. Ekki hefur verið tekin ákvörðun
um frekari útbreiðslu strætóskýla sem þessa.
„Við munum halda samstarfi okkar við SHÍ
áfram og væntum þess að það leiði af sér
frekari skemmtileg verkefni fyrir stúdenta,"
segir Magnús enn fremur. Hann tekur fram
að Orkusalan leiti sifellt að óvenjulegum og
gagnlegum hugmyndum um notkun rafmagns
og hafi stúdentar góðar hugmyndir eru þeir
hvattir til að koma þeim á framfæri. Vel má
því vera að við munum sjá þematengd og
orkuvædd strætóskýli spretta upp hér og þar á
höfuðborgarsvæðinu (framtíðinni.
Edda Sigurðardóttir
STÚDENTABLAÐIÐ