Búnaðarrit - 01.01.1931, Page 211
BÚNAÐARRIT
205
efni, sem búnaðarfélagsskapur bænda á hverjum tíma
hefir með höndum. En hins vegar gengið út frá þvi,
að það, eftir því sem starfskraftar þess leyfa, sé til
reiðu gagnvart stjórn landsins um upplýsingar og til-
lögur í öðrum landbúnaðarmálum. Nefndin telur það
því enga ástæðu fyrir félagið að sækjast eftir þung-
anum af hinum stærri viðfangsefnum, er því aðeins
að litlu leyti er falin umsjón með, allra sízt þurfi það
fyrir það að fórna nokkru af stjórnarfarslegu sjálf-
stæði sínu.
Fyrir slik mál, svo sem, húnaðarskóla, rannsóknir
viðvíkjandi landbúnaði, sandgræðslu og margskonar
stærri viðfangsefni, sem kostuð eru cða styrkt beint af
ríkissjóði, gæti þá eins vel komið til mála að skipaður
yrði sérstakur búnaðarmálastjóri (Landbrugsdirektör),
sem stæði beint undir atvinnumálaráðherra.
Af þessari skoðun nefndarinnar leiðir, að hún hefir
í frumvarpi sínu lagt það lil um framtíðarskipulag fé-
lagsins, að það skipaði sjálft sína eigin stjórn. Er það
gert i trausti þess, að stjórnarvöld landsins sýni fé-
laginu þá viðurkenningu og traust.að samkomulag geti
orðið milli Búnaðarþings og hlutaðeigandi aðila um
að þetta skipulag verði aftur upp tekið.
Ástæður fyrir því að nefndin telur varhugaverðan i-
hlutunarrétt Alþingis um stjórn Búnaðarfél. fslands,
eru þessar:
1. Að það er í ósamræmi við eðli og venjur í frjáls-
um og skipulagsbundnum félagsskap.
2. Að búnaðarfélagsskapur bænda hefir slarfað og á
að starfa utan við hina pólitísku flokksstreytu hér á
landi, en með skipulagi því, sem nú gildir um val í
stjórn Búnaðarfél. ísl. verða það hverjir þeir tveir
stjórnmálaflokkar, sem stærstir eru í þinginu, sein
velja sinn manninn hvor í stjórn félagsins. Hér er því
beint stofnað til þess möguleika, að fá inn i stjórn
Búnaðarfél. fsl. jafn sundurleit stefnumið í ineðferð