Búnaðarrit - 01.01.1931, Side 377
BÚNAÐARRIT
371
sleppt of fljótt út, en þó er hann ánægður, því ekkert
drepst úr pest, en því átti hann að venjast.
Um Nr. 15 er sagt úr Arnessýslu: »Fyrsta lambið,
sem drapst af bólusetningunni, drapst á þriðja sólar-
hring, svo var féð að smá dragast upp, þangað til liðnir
voru 8 sólarhringar (hann missti 9). Féð var í afgirtu
svæði og ekki hýst. — Frá 2.—10. nóv. að drepast«.
Þá hefi ég nefnt nokkur dæmi af mörgum um hvað
menn segja um bóluefnið. Þessir menn eru ánægðir,
enda þótt sumir af þeim hafi misst fé af bólusetningunni.
En svo eru aðrir óánægðir, og sumir af ástæðum, sem
ekki er sjáanlegt hverjar eru. Einn segir: »Mér virtist
bóluefnið, sem ég notaði, alveg meinlaust, og mér liggur
við að segja gagnslaust, ekki gat ég fundið bólu á nokk-
urri kind og yfirleitt varð því ekkert um bólusetninguna«.
Þessi bóndi missti enga kind úr pest, eftir skýrslu hans,
og er því lítt skiljanlegt yfir hverju hann er óánægður.
Að annar, sem missti 6 af bólusetningu, geti verið óánægð-
ur og sagt: »Eg tel ekki árangurinn á mínu fé svo góðan,
að ég geri ráð fyrir að ég noti innlent bóluefni aftur«,
get ég frekar skilið, og þó er sú umsögn varla nóg
hugsuð.
í líkan streng taka einstöku bændur, sem misstu af
bólusetningu.
Af skýrslunni og þessum sýnishornum af umsögnum
manna ætla ég nú að menn sjái, hvernig bólusetningin
með innlenda bóluefninu hefir reynst síðastliðið haust.
Eg skal bara bæta því við, að bóndi úr Eyjafirði skýrir
frá, að hann hafi verið búinn að tvíbólusetja með dönsku
efni, en þó haldið áfram að missa, en það hafi hætt,
þegar hann bólusetti með því íslenzka, og bóndi úr
Mýrasýslu segir sömu sögu. En hvorugur þessara bænda
hafa sent útfylltar skýrslur og því eru ekki neinar tölur
frá þeim í yfirlitsskýrslunni hér að framan. — Fleiri hafa
í bréfum sagt frá reynslu sinni, en ekki gefið tölur, svo
hægt væri að taka reynslu þeirra með í yfirlitsskýrsluna.