Skutull - 23.12.1955, Blaðsíða 20

20
SKUTULL
39.000.000 króna
hafa kanpfélögin skilað félagsfólki sínn aftur
á s.l. 10 árnm.
í verðlagsmálum eiga kaupfélögin um tvennt að velja: að selja
vöruna strax á eins lágu verði og framast er unnt, — eða að
selja á gangverði og úthluta arði eftir árið.
Ef fyrri leiðin væri farin, væru kaupfélögin dæmd til þess að
verða ávallt fjárhagslega veik. Þau myndu enga sjóði eignast
og þar af leiðandi ekkert bolmagn hafa til þeirra framkvæmda
á sviði verzlunar og framleiðslu, sem verið hafa einn mikilvæg-
asti þátturinn í starfi félaganna undanfarna áratugi.
Síðari leiðin hefur því verið valin, og það hefur tvímælalaust
verið þjóðinni til mikillar blessunar. Kaupfélögin hafa byggt
myndarleg hús undir hvers kyns starfsemi, komið upp marg-
víslegri framleiðslu og veitt þúsundum landsmanna atvinnu,
byggt upp samgöngukerfi og margt fleira. Þau hafa orðið einn
þýðingarmesti aðilinn í uppbyggingu landsins. Auk þess hafa
kaupfélögin skilað öllum tekjuafgangi sínum til félagsmanna,
ýmist greitt hann í reiðu fé eða lagt á nöfn félagsmanna í stofn-
sjóði. Þessar endurgreiðslur námu á síðasta áratug hvorki meira
né minna en 39 milljónum króna. Getur nokkur annar aðili í
viðskiptalífinu sýnt sambærilega þjónustu við fólkið í landinu?
Kaupfélogin eru stofnuð af fólkinu, stjórnað af fóikinu
o(l starfa fyrir fóikið