Skutull - 24.12.1964, Blaðsíða 13

SKUTULL
13
Svipmyndir frá snndfþróttinni
Sundíþróttin hefur löngum
verið vinsæl á meðal Isfirð-
inga og ,þá ekki sízt eftir sú
ágæta aðstaða skapaðist, sem
Sundhöll Isafjarðar hefur upp
á að bjóða. Þá hafa ísfirðingar
oft á tíðum haft á að skipa
góðu kappsundsfólki og mátt
vel við sinn hlut una miðað
við .mörg önnur bæjarfélög
Frá fyrri árum má nefna nöfn
eins og Skúla Skúlason, Skúla
Rúnar og Ingvar Jónasson svo
dæmi séu tekin, en auk þeirra
voru hér þá fjöldi sundmanna
og kvenna sem gátu sér góðan
orðstír.
En eins og gengur og gerist
með veðurfarið, má segja að
iægðir gangi yfir í hinum
ýmsu íþróttagreinum. Svo var
um sundið. En upp úr því að
Margrét óskarsdóttir hefur
þjálfun hjá Ármanni í Reykja-
vík, fer að vekja á sér athygli
á mótum syðra og hér heima,
hefur vegur sundíþróttarinnar
á fsafirði farið sívaxandi.
Fullyrða má, að árangur Mar-
grétar hafi verið öðrum ungl-
ingum hvatning, en í dag get-
um við státað af töluverðri
,,breidd“ í íþróttinni. Nægir í
því sambandi að nefna árang-
ur fsfirðinganna á síðasta ís-
landsmóti og Sundmeistara-
móti unglinga sem á sl. sumri
var háð í annað sinn, en þar
skipaði ísfirzki hópurinn sér i
annað sæti í stigakeppni.
Vakti flokkurinn sérstaka at-
hygli og þá einkum frammi-
staða þeirra Tryggva Tryggva
sonar, Einars Einarssonar og
Kolbrúnar Leifsdóttur.
Árangur í sundi, sem og
öðrum íþróttagreinum, næst
ekki án fyrirhafnar og mikill-
ar þjálfunar. Fer í það mikill
tími, en honum er vel varið.
Betri og heilsusamlegri íþrótt
en sundið verður vart fundin.
Þegar minnst er á sund-
íþróttina á ísafirði, verður
ekki fram hjá því gengið, að
forstjóri Sundhallarinnar,
Gísli Kristjánsson, hefur sýnt
mikinn áhuga á því að efla
íþróttina og auka áhuga fyrir
henni. m.a. með því að beita
sér fyrir Sundhallarmótunum
svonefndu. Á hann skildar
þakkir fyrir.
Knattspyrnufélögin Hörður
og Vestri hafa verið aðal-
keppinautarnir. Þjálfarar fé-
laganna hafa verið þeir Björn
Egilsson og Fylkir Ágústsson.
Auk þess hafa þeir Bjöm og
Fylkir verið virkir þátttak-
endur í mótum, sér í lagi
Fylkir, en hann er núverandi
íslandsmeistari í 100 og 200
m bringusundi karla. Er vafa-
laust leitun að öðrum eins á-
huga og Fylkir hefur sýnt
fyrir sundíþróttinni og má að
öðrum ólöstuðum fyrst og
fremst eigna honum heiðurinn
af frammistöðu sundfólksins
á sl. sumri.
Skutull birtir hér til gamans
nokkrar myndir af ísfirzka
sundfólkinu, sem svo sannar-
lega hefur vakið á sér athygii
og orðið sér ogb æjarfélagi
sínu til sóma í hvívetna.
Mættu fleiri taka það sér til
fyrirmyndar, í stað þess að
eyða tímanum í göturáp og
annað þaðan af verra.
Frá Suiidmeistaramóti Vestfjarða sl. sumar.
ísfirzku unglingarnir sem þátt tóku í fyrsta Sundmeist-
aramóti unglinga. 1963: Sigrún Halldórsdóttir, Elín Jó-
hannsdóttir og Einar Einarsson.

Kolbrún Leifsdóttir, margfald-
ur sigurvegari á Sundmeist-
aramóti Vestfjarða og núver-
andi fslandsmeistari unglinga
í bringusundi.
Frá afmælismóti Vestra 8. ágúst 1961. Talið frá vinstri:
Björn Egilsson, Guðmundur Harðarson, Rvk., Hrafnhildur
Guðmundsdóttir, Rvk., Margrét Öskarsdóttir og Ernst
Backmann. Guðmundur og Hrafnhildur kepptu sem gestir
á mótinu, en Hrafnhildur er eins og kunnugt er, frækn-
asta sundkona fslands í dag. Ernst var þjálfari Ármanns
um tíina og æfði Margrét undir handleiðslu hans.
Landsþjálfarinn í sundi, Torfi Tómasson, skrapp liingað
yfir eina helgi í sumar. Hér sjáum við liann á æfingu í
Sundhöll fsafjarðar ásamt okkar fremsta sundfólki af
yngri kynslóðinni, en í fremri röð eru frá vinstri: Krist-
inn Hrólfsson, Einar Einarsson, Tryggvi Tryggvason,
Guðjón Höskuldsson og Sigríður Níelsdóttir. Aftari röð:
Kolbrún Leifsdóttir, Guðmunda Jónasdóttir, Margrét
Jónsdóttir, Stefanía Finnbogadóttir, Sigrún Halldórsdótt-
ir og Elín Jóhannsdóttir.