Búnaðarrit - 01.01.1982, Side 184

158
BÚNAÐARRIT
búskap árið 1923 og bjó þar alla tíð síðan. Gísli var bóndi
ágætur, glöggur á sauðfé og kynbætti það mikið, svo fé frá
honum var eftirsótt. Hann var framtakssamur, ræktaði land
og búfé, byggði allt upp á jörð sinni og undi sér vel í viður-
eigninni við náttúru landsins. Gísla stóðu ýmsar leiðir opnar
bæði til náms og starfa, en hann kaus bóndastarfið með öllu
sem því getur fylgt utan og innan heimilis.
Störfin utan heimilis urðu býsna mikil, því snemma hióð-
ust á hann opinber störf. í æsku tók hann virkan þátt í
störfum ungmennafélaga, samvinnufélaga og búnaðarfél-
aga, því hann þótti vel til forystu fallinn.
Hann var í hreppsnefnd Rípurhrepps frá 1925—1962 og
oddviti frá 1935—1958. Sýslunefndarmaður fyrir Rípur-
hrepp frá 1942—1974 og í yfirskattanefnd Skagafjarðar-
sýslu frá 1934—1963. í stjórn Kaupfélags Skagfirðinga
1919—1922 og frá 1939—1978 og formaður stjórnar um
skeið. Lengi formaður skólanefndar Rípurhrepps og
stundaði á tímabili barna- og unglingakennslu. Hann var
organisti, fyrst í Flugumýrarkirkju í 8 ár og síðan í Rípur-
kirkju í 37 ár. Prófdómari við bændaskólann á Hólum í 20
ár. Fulltrúi Búnaðarsambands Skagfirðinga á Búnaðarþingi
1947, þá sem varamaður og aðalmaður frá 1962—1978.
Gísli var lengi í miðstjórn Framsóknarflokksins og formaður
Framsóknarfélags Skagfirðinga. Hann ritaði margar greinar
í blöð og tímarit um menn og margvísleg málefni. Gísli var
vel menntaður, víðlesinn, stálminnugur og gæddur fjölþætt-
um gáfum. Hann var mikill áhrifamaður í ræðu og riti og
fjöldanum fremri að beita móðurmálinu. Hann var rökvís og
fundarmaður ágætur. Talaði skipulega fagurt mál, var gagn-
orður og flutti ræður ávallt blaðalausl. Hann var ræðu-
snillingur að allra dómi. Hann var heiðursfélagi Búnaðarfé-
lags íslands.
Kona Gísla var Guðrún Stefanía Sveinsdóttir frá Skata-
stöðum. Hún lést árið 1977.
Gísli lést þann 17; júlí 1981.