Búnaðarrit - 01.01.1982, Side 190

164
BÚNAÐARRIT
Stéttarsamband bænda og Framleiðsluráð landbúnaðar-
ins hefðu unnið markvisst að því að skipuleggja framleiðslu
búvara út frá þeim lagaheimildum, sem samþykktar voru á
Alþingi 1979—1980. Hefðu fjármunir þessir komið að góð-
um notum og væri þegar farið að fitja upp á nýjum búgrein-
um, t. d. refa- og minkarækt. Hins vegar litu þessi mál ekki
eins vel út og áður, þar sem hagræðingarfé smáminnkaði
með sífelldum niðurskurði fjárlaga. Með breytingunni á
jarðræktarlögunum hefði falist fyrirheit. Menn hefðu hafist
handa og byrjað á nýjum búgreinum og hagrætt öðrum.
Pá vék forseti að færslu búreikninga, sem væri nauðsynleg,
og yrði auðveldari í framtíðinni með aukinni tölvunotkun.
Búreikningar gæfu glögga mynd af því, hvernig búrekstur
gengur. Nettótekjur vaxa með auknum afurðum eftir hvern
grip, góðu heimaöfluðu fóðri og fjárfestingu við hæfi búsins.
Hefði starfsemi nautgripa- og sauðfjárræktarfélaga reynst
mörgum bóndanum góður búreikningur og leitt til bættrar
afkomu í búrekstri án fjölgunar búfjár.
Forseti ræddi í ræðu sinni málefni Bjargráðasjóðs og líf-
eyrissjóðs bænda og góð umskipti á efnahag Stofnlána-
deildar á síðasta ári. Síðan sagði forseti:
„Aukinn iðnaður í sveitum á meiri framtíð fyrir sér nú en
áður, síðan vegakerfið batnaði og raforkan náði til flestra
byggðarlaga landsins. En nauðsynlegt er að jafna raforku-
verðið, sem er mjög misjafnt, það léttir undir með bæði
upphitun húsa og auknum iðnaði. Matvælaiðnaður úr kjöti
og sláturafurðum þykir nú nauðsynlegur. Hann á ekki síður
að geta tekist vel hjá þeim sláturleyfishöfum, sem hafa góða
aðstöðu til þess úti á Iandsbyggðinni, en smjör- og ostagerð
tekst hjá mjólkurbúum landsins. Sé rétt á málum haldið,
getur allt þetta veitt björg í bú á komandi tímum.“
Forseti kvað mörg mál liggja fyrir þinginu og eggjaði
menn á að ganga ótrauða til verks. Að lokum þakkaði hann
stjórn og starfsfólki gott samstarf og sagði 64. Búnaðarþing
sett.