Kylfingur - 01.07.1937, Qupperneq 8

6
KYLFINGUR
Golfklúbbur Islands.
Þar var komið sögu vorri síðast, er menn höfðu etið sig
ánægða og sopið sáttir eftir orrustur sumarsins, með auka-
aðalfundi og ánægjulegu samkvæmi þann 31. október
1936. Á þeim auka-aðalfundi var samþykkt að heimila
stjórn klúbbsins að taka lán, til þess að greiða kostnað við
ræktun hins nýja golfvallar í Mjóumýri og til byggingar
klúbbhúss á landi klúbbsins þar. Hafði stjórn klúbbsins
síðan til athugunar og meðferðar ýms atriði í sambandi
við lántöku og húsbyggingu. Lán fékkst hjá lífsábyrgðar-
félaginu Danmark með aðgengilegum kjörum, að því til-
skildu þó, að auk veðs í landi og húsi klúbbsins, ábyrgðist
Reykjavíkurbær lánið. Bæjarstjórn var nú skrifuð beiðni
um' ábyrgð á láninu, en vegna þess að tveir eða þrír bæj-
arfulltrúa, sem ekki höfðu enn þá fengið golfsótt, mæltu
á móti ábyrgðinni, og að einn þeirra, sem hafði verið sjón-
arvottur að fjörkippum; væntanlegra kylfinga, taldi að
þeir mundu stafa af óhófi í lifnaðarháttum á leigulandi
klúbbsins, þá var fellt að veita ábyrgðina.
Stjórn klúbbsins þótti nú óvænlega horfa, og voru hin
beztu höfuð í bleyti lögð, og beðin að finna rök, er duga
myndu. Var það gert, bæjarstjórn skrifað skjal mikið að
nýju, og sýnt fram á, að golfsótt væri góð sótt og flest-
um holl; einkum þeim, er innisetur hefðu. Þá var þess
getið, að fjörkippir þeir, er fulltrúann hneiksluðu, hefðu
tilheyrt alvörugefnum manni, sem ekki var enn þá kom-
inn í klúbbinn, og að kylfingar ættu þar ekki aðra sök
á en þá, að lofa manninum að sjá leikinn. Mundi það og
sanni næst, að sú íþrótt hlyti að vera skemmtileg og holl,
er heltæki menn þannig á stuttri stundu. Þótti bæjarstjórn
þetta rökfimlega mælt, og kvað klúbbinn alls góðs mundu
maklegan. Var nú samþykkt með miklum meiri hluta að
veita umbeðna bæjarábyrgð.
Aðalfundur klúbbsins var haldinn 2. apríl, og hófst kl.
8,15. Fóru þar fram venjuleg aðalfundarstörf, fyrst skýrsla
ritara um störf klúbbsins á árinu. Gat hann þess, að fé-