Sameiningin - 01.12.1957, Page 15

Sameiningin
13
Fimmtíu ára afmæli
Immanuel söfnuður á Baldur, Man., minntist 50 ára
afmælis síns með hátíðlegri guðsþjónustu á sunnudaginn 3.
nóvember. Við þá athöfn prédikaði forseti kirkjufélagsins,
séra Eric H. Sigmar, og söng einnig einsöng. Prédikaði hann
í kirkju sinni, St. Stephen’s í Winnipeg, árdegis sama dag,
en flaug svo vestur til Baldur í einkaflugvél eins af safnaðar-
mönnum sínum, og var kominn þangað í tæka tíð fyrir há-
tíðarmessuna kl. 3. Mun það í fyrsta sinn, að forseti kirkju-
félagsins notar flugvél til að ferðast á milli messustaða sama
daginn. Strax að lokinni guðsþjónustunni fóru fram veit-
ingar, sem kvenfélag safnaðarins stóð fyrir, í samkomuhúsi
bæjarins.
Immanuel söfnuður var stofnsettur á fundi, sem hald-
inn var að heimili Andrésar Helgasonar á Baldur, 30. október
1907. Um nokkurt skeið, þar áður, höfðu guðsþjónustur farið
fram, og sunnudagaskóli var haldinn í leigðum húsakynnum
í bænum. Um það leyti voru flestir þorpsbúar meðlimir í
Frelsissöfnuði á Grund. Á stofnfundinum mælti sóknar-
prestur Argyle prestakalls, sem þá var séra Friðrik Hall-
grímsson, síðar dómprófastur í Reykjavík, sterklega með því
að sérstakur söfnuður væri myndaður í Baldur. Margir leik-
manna tóku í sama strenginn, og gerði Kristján Johnson
tillögu um safnaðarmyndun, og studdi frú Helga Johnson
tillöguna. Voru þessir á stofnskrá safnaðarins:
Mr. og Mrs. Sigurjón Christopherson, Mr- og Mrs. Jón
Björnsson, Mr. og Mrs. Ólafur Anderson, Mr. og Mrs. Joseph
Davidson, Hjörtur Davidson og fjölskylda, Kristján Bene-
diktsson, Sigurður Finnbogason, Björn Josephsson og fjöl-
skylda, Sigurður Eyford og fjölskylda, Mr. og Mrs. Tryggvi
Friðriksson, Lína Friðriksson, Gerða Christopherson, Rósa
Hallgrímsson og fjölskylda, Guðbjörg Magnúsdóttir, Ragn-
hildur Sveinsson, Kristín Dalmann og fjölskylda, Óli Oliver
og fjölskylda, Björg Snorradóttir, Thorkell Eiríksson og
fjölskylda, Jón Klemens og fjölskylda, Andrés Helgason og
fjölskylda.