Fréttablaðið - 02.05.2011, Blaðsíða 18

2. maí 2011 MÁNUDAGUR18
timamot@frettabladid.is
Afmælið er reyndar á morgun, 3. maí,
en við höfum verið að halda upp á það
undanfarið,“ segir Kristín Sigurrós
Einarsdóttir, formaður Leikfélags
Hólmavíkur, sem fagnar þrjátíu ára
afmæli um þessar mundir. „Félagið
hefur verið nokkuð öflugt í þessi þrjá-
tíu ár og í seinni tíð höfum við sett upp
sýningar annað hvert ár en hitt árið
verið í samstarfi við grunnskólann og
þá hafa gjarnan verið settir upp söng-
leikir,“ heldur Kristín áfram. „Nán-
ast allar okkar uppsetningar hafa
verið gamanleikir eða farsar og við
brugðum ekki út af vananum núna og
settum upp bráðfjörugan gamanleik
í tilefni af afmælinu.“ Leikritið sem
leikfélagið frumsýndi fyrir páska
heitir Með táning í tölvunni og er eftir
Bretann Ray Cooney. „Því er leikstýrt
af heimamanninum Arnari S. Jóns-
syni, sem hefur
verið virkur í leik-
félaginu frá tólf ára
aldri og meðal ann-
ars í tvígang verið
formaður þess,“
segir Kristín. Í sýn-
ingunni taka þátt
sjö leikarar og að
minnsta kosti annar
eins fjöldi á bak
við tjöldin. Kristín
segir virka félaga í leikfélaginu vera
í kringum þrjátíu sem lætur nærri að
séu tíu prósent bæjarbúa, sem verður
að teljast ansi gott.
Hluti af afmælisfagnaðinum felst
í því að fara með sýninguna á nær-
liggjandi firði. „Já, við erum svona að
leggja lokahönd á það,“ segir Kristín.
„Um sjómannadagshelgina ætlum við
að fara Vestfjarðarúnt og sýna á Pat-
reksfirði, Þingeyri og Bolungarvík.
Síðan ætlum við að enda samkvæmt
hefðinni í Árneshreppi á Ströndum 16.
júní.“ Spurð hvernig sú hefð hafi skap-
ast segist Kristín nú ekki alveg vita
það. „En aðallega er bara svo gaman
að fara þarna norður. Þar mæta alltaf
allir sem vettlingi geta valdið, oft allir
íbúar hreppsins og rúmlega það.“
Kristín hefur sjálf verið virk í leik-
félaginu allar götur síðan hún flutti
á Hólmavík fyrir ellefu árum og er
nýkjörin formaður þess. „Ég er búin
að koma að hinu og þessu hjá leik-
félaginu,“ segir hún hlæjandi. „Ég hef
leikið, séð um leikskrá, eldað og ýmis-
legt fleira. Það gengur ekki að vera
með stjörnustæla í svona félagi, hér
hjálpast alltaf allir að.“
fridrikab@frettabladid.is
LEIKFÉLAG HÓLMAVÍKUR: FAGNAR ÞRJÁTÍU ÁRA AFMÆLI MEÐ LEIKFERÐ
Í Árneshreppi mæta oftast
allir hreppsbúar og meira til
KRISTÍN SIGURRÓS
EINARSDÓTTIR
AFMÆLISSÝNING Í Leikfélagi Hólmavíkur hjálpast allir að, hér eru leikarar í afmælissýningu félagsins, Með táning í tölvunni, eftir Ray Cooney.
36
Anne Boleyn, önnur eiginkona Hinriks VIII., var
handtekin þann 2. maí 1536, ásökuð um landráð,
hórdóm, sifjaspell og kukl. Hún var flutt í Tower
of London þar sem réttað var yfir henni og hún
dæmd sek þann 15. maí. Fjórum dögum síðar var
hún hálshöggvin á Tower Green.
Anne var krýnd drottning Englands þann fyrsta
júní 1533, eftir að Hinrik hafði skilið við fyrstu
konu sína Katrínu af Aragon. Páfinn bannfærði
Hinrik í kjölfarið og hjónaband þeirra Anne var
ekki viðurkennt af kirkjunni. Dóttir þeirra Elísabet
var talin hórgetin, en varð þó seinna drottning
Englands og ríkti í fjörutíu og fimm ár sem
Elísabet I.
Eftir að Elísabet komst til valda var orðspor
Anne reist við og hún talin píslarvottur og hetja
umbyltingarsinna. Seinni tíma fræðimenn telja
flestir að ásakanir á hendur henni hafi verið mjög
ósannfærandi og ástæðan fyrir handtöku hennar
og aftöku hafi fyrst og fremst verið sú að Hinrik
VIII. hafi viljað ryðja henni úr vegi svo hann gæti
kvænst Jane Seymour.
ÞETTA GERÐIST: 2. MAÍ 1536
Anne Boleyn handtekin fyrir landráð
Merkisatburðir 2. maí
1615 Þrettán skip farast og áttatíu menn drukkna í aftakaveðri á
Breiðafirði.
1822 Skipbrotsmenn af tveimur erlendum skipum komast til
lands; sextán manns á Vopnafirði og sex manns við Glett-
inganes. Bæði skipin höfðu farist í hafís.
1968 Maíuppþotin í París hefjast með því að stjórn Parísarhá-
skóla í Nanterre ákveður að loka skólanum vegna árekstra
við stúdenta.
1970 Búrfellsvirkjun vígð og formlega tekin í notkun.
1992 Jón Baldvin Hannibalsson utanríkisráðherra undirritar
samninginn um Evrópska efnahagssvæðið. Samningurinn
er um tuttugu þúsund blaðsíður.
1997 Tony Blair tekur við embætti forsætisráðherra Bretlands
eftir átján ára stjórnartíð Breska íhaldsflokksins.
Kuðungurinn, umhverfisviðurkenn-
ing umhverfisráðuneytisins, var veitt
í sextánda sinn á föstudag og kom í
hlut Farfuglaheimilanna í Reykjavík
fyrir framlag til umhverfismála á
síðastliðnu ári. Svandís Svavarsdóttir
umhverfisráðherra afhenti verðlaun-
in við athöfn í Þjóðmenningarhúsinu
og sagði Farfuglaheimilin vel að verð-
laununum komin.
Farfuglaheimilin í Reykjavík eru
tvö. Farfuglaheimilið Vesturgötu
17 var opnað á vormánuðum 2009
í glæsilegu húsnæði en þar hefur
markvisst verið unnið að því að tak-
marka áhrif rekstursins á umhverf-
ið og hlaut heimilið vottun norræna
umhverfismerkisins Svansins um ári
eftir opnun.
Farfuglaheimilið í Laugardal hefur
um langa tíð hagað rekstri sínum í
sátt við umhverfið og fékk Svansvott-
un 2004. Heimilið hefur ávallt lagt
áherslu á umhverfisfræðslu og hvatt
gesti til að taka þátt í umhverfisstarfi
á ferðalögum sínum. Farfuglaheim-
ilin leggja sig einnig fram um að bæta
nærumhverfi sitt með því að taka þátt
í og standa fyrir menningarviðburð-
um sem glæða samfélagið lífi. Þau
eru sem stendur einu umhverfisvott-
uðu gististaðirnir á höfuðborgarsvæð-
inu og lykilheimili í hópi 37 farfugla-
heimila á Íslandi.
Farfuglar hljóta Kuðunginn
KUÐUNGURINN Svandís Svavarsdóttir
umhverfisráðherra og Sigríður Ólafsdóttir,
rekstarstjóri Farfuglaheimilanna í Reykjavík,
með verðlaunagripinn, sem er kuðungur unn-
inn af listakonunni Ingu Elínu Kristinsdóttur.
Opnunartónleikar tónleika-
raðar Jazzklúbbsins Múl-
ans verða í Norræna húsinu
í kvöld. Tríó píanóleikarans
Agnars Más Magnússon leik-
ur fyrir gesti. Alls verða sex-
tónleikar í tónleikaröðinni og
allir í Norræna húsinu.
Í fyrra setti leikur tríóið
tónlist Agnars af útkomnum
geisladiskum hans í bland
við þekkt lög. Í seinna setti
leiðir tríóið opna jamsess-
ion fyrir alla sem vettlingi
geta valdið og er von á hópi
djassleikara sem taka þátt.
Meðlimir tríósins eru auk
Agnars, Valdimar Kolbeinn
Sigurjónsson bassaleikari og
Scott McLemore sem leikur
á trommur.
Múlinn er samstarfsverk-
efni Félags íslenskra hljóm-
listarmanna (FÍH) og Jazz-
vakningar. Klúbburinn heitir
í höfuðið á Jóni Múla Árna-
syni sem jafnframt var heið-
ursfélagi og verndari Múl-
ans. Opnunartónleikarnir
hefjast klukkan 21.
Múlinn efnir til
tónleikaraðar
TÓNLEIKAR OG JAMSESSION
Tríóið leikur tónlist Agnars af
útkomnum geisladiskum hans í
bland við önnur lög.
DAVID BECKHAM knattspyrnumaður er 36 ára
„Það er pláss fyrir bæði stráka- og stelpufót-
bolta í veröldinni. Ég trúi ekki öðru.“
MOSAIK
Elskulegur sambýlismaður minn,
pabbi, sonur og bróðir,
Dr. Erlendur
Ásgeir Júlíusson
til heimilis að Studiegången 13,
Gautaborg, Svíþjóð,
varð bráðkvaddur í London 19. apríl.
Jarðarförin verður auglýst síðar.
Guðrún Stephensen
Jökull Ásgeirsson
Júlíus Sigurðsson Jóhanna Ellý Sigurðardóttir
Hildur Júlíusdóttir
Júlíus Þór Júlíusson Íris Guðrún Ragnarsdóttir
Davíð Júlíusson Kristín Inga Guðmundsdóttir