Fréttablaðið - 02.05.2011, Blaðsíða 48

2. maí 2011 MÁNUDAGUR32
sport@frettabladid.is
SUNDSVALL DRAGONS tapaði í gær, 75-87, í fimmta úrslitaleik gegn Norrköping
Dolphins um sænska meistaratitilinn í körfubolta. Leikið var á heimavelli Sundsvall. Norrköping
er því komið í 3-2 í einvígi liðanna og getur tryggt sér titilinn á morgun. Hlynur Bæringsson
skoraði 17 stig fyrir Sundsvall í leiknum og Jakob Örn Sigurðarson bætti 16 við.
N1-deild karla:
Akureyri-FH 23-22 (12-13)
Mörk Akureyrar (skot): Heimir Örn Árnason 7
(9), Bjarni Fritzson 4 (6), Oddur Gretarsson 4/2
(9), Halldór Logi Árnason 3 (3), Daníel Einarsson
2 (2), Guðlaugur Arnarsson 1 (1), Hreinn Þór
Hauksson 1 (1), Hörður Fannar Sigþórsson 1
(2), Bergvin Gíslason 0 (2), Guðmundur Hólmar
Helgason 0 (6).
Varin skot: Sveinbjörn Pétursson 24/1 (44) 55%,
Stefán Guðnason 0 (2) 0%.
Hraðaupphlaup: 4 (Guðlaugur, Hreinn, Bjarni,
Heimir).
Fiskuð víti: 2 (Oddur 2).
Utan vallar: 8 mínútur.
Mörk FH (skot): Ásbjörn Friðriksson 8/5 (15/6),
Ólafur Guðmundsson 6 (17), Ólafur Gústafsson
5 (8), Atli Rúnar Steinþórsson 2 (5), Örn Ingi
Bjarkason 1 (4), Ari Þorgeirsson 0 (1), Baldvin
Þorsteinsson 0 (4).
Varin skot: Daníel Andrésson 5 (10) 33%),
Pálmar Pétursson 7 (0) 35%
Hraðaupphlaup: 3 (Ásbjörn 2, Ólafur Guð-
mundsson).
Fiskuð víti: 6 (Örn 2, Ólafur Guðmundsson,
Ólafur Gústafsson, Baldvin, Atli).
Utan vallar: 2 mínútur.
Dómarar: Ingvar Guðjónsson og Ingvar Elíasson.
Fínir.
ÚRSLIT
FÓTBOLTI Fresta varð opnunar-
leik Pepsi-deildar karla í gær. Sá
leikur átti að vera á milli Íslands-
meistara Breiðabliks og KR.
Kópavogsvöllur var á kafi í snjó
og langt frá því að vera leikfær.
Leikurinn mun fara fram annað
kvöld.
Opnunarleikur Íslandsmótsins
í ár verður því viðureign ÍBV og
Fram sem hefst klukkan 18.00 í
kvöld. Þrír aðrir leikir eru áætl-
aðir klukkan 19.15 í kvöld.
Víkingur fór fram á frestun
á leik sínum gegn Þór og reynt
verður að spila þann leik á morg-
un. Víkingsvöllurinn var ekki í
góðu standi fyrir snjókomuna
og er ekki tilbúinn í dag. Hvort
hann verður tilbúinn á morgun
mun koma í ljós síðar. Ef ekki er
mögulegt að leiknum verði frest-
að fram í júní.
Þá er gert hlé á deildinni vegna
þátttöku U-21 árs liðsins á EM.
Þar sem hvorki Víkingur né Þór
mun eiga mann í íslenska hópnum
verður hægt að nota þann glugga
til þess að spila leikinn.
Valsmenn segjast vera klárir
í að spila gegn FH svo lengi sem
snjórinn fari af vellinum. Sam-
kvæmt veðurspám á það að ganga
eftir. Völlur Valsmanna er með
upphitun og því í betra standi en
Víkingsvöllurinn.
Nettóvöllurinn í Keflavík er
í góðu standi enda enginn snjór
þar. Sömu sögu er að segja af
Hásteinsvelli í Vestmannaeyjum.
Ekki þarf svo að hafa áhyggjur af
aðstæðum í leik Fylkis og Grinda-
víkur enda fer hann fram innan
dyra í Kórnum. - hbg
Opnunarleik frestað:
Mótið byrjar í
Eyjum
SNJÓR Svona var ástandið á Kópavogs-
velli í gær. FRÉTTABLAÐIÐ/HBG
HANDBOLTI Sveinbjörn Pétursson
varði alls 24 skot gegn FH og sýndi
sinn besta leik í úrslitaeinvíginu til
þessa. Það munaði um minna, hann
sá til þess að FH-ingar fóru tóm-
hentir heim.
„Við fórum illa með dauðafærin
í leiknum, Sveinbjörn varði mjög
vel. Við þurfum að nýta færin
betur,“ sagði Kristján Arason,
þjálfari FH, í leikslok.
„Mér fannst þetta vera besti
leikurinn af þessum þremur. Við
hefðum samt sem áður þurft að
stýra leiknum betur. Við tókum
mikið af ótímabærum skotum og
við þurfum að nýta færin miklu
betur. En með sömu spilamennsku
vinnum við þá á miðvikudaginn,“
sagði Kristján sem vill sjá þrjú
þúsund manns á leiknum í Kapla-
krika.
Ólafur Gústafsson var öflugur
í leiknum en hann skoraði fimm
mörk. „Við gáfum þeim of auðveld
mörk, við skoruðum of lítið úr upp-
stilltum færum. Þetta eru smáat-
riði sem þarf að laga,“ sagði Ólaf-
ur. „Sveinbjörn varði líka vel, en
það er engin endastöð, við máttum
búast við þessu.“
Hann býst við sömu spennu
í næsta leik líka. „Þetta ræðst
aldrei fyrr en á síðustu mínútun-
um, þannig á það líka bara að vera.
Það er engin sjáanleg þreyta á lið-
unum, þetta verður hörkuleikur á
miðvikudaginn þar sem við ætlum
að lyfta bikarnum,“ sagði Ólafur
Gústafsson.
FH-ingar lentu á vegg á Akureyri í gær og voru í miklum vandræðum með markvörð Akureyrarliðsins:
Sveinbjörn múraði upp í markið hjá sér
HANDBOLTI Það er líf í Norðlend-
ingum. Eftir tvo tapleiki náðu
deildarmeistararnir loksins að
vinna leik í einvíginu við FH um
Íslandsmeistaratitilinn. Staðan er
2-1 eftir 23-22 sigur Akureyrar en
næst er leikið í Krikanum á mið-
vikudaginn.
Það var meiri barátta í Akur-
eyringum framan af en eftir
að Heimir Örn hafði skorað tvö
fyrstu mörkin var jafnt á nánast
öllum tölum í fyrri hálfleik. FH
var skrefinu á undan og leikur-
inn ágætlega spilaður. Akureyr-
ingar skutu þó oft illa í sókninni
en Sveinbjörn var vel vakandi í
rammanum.
Staðan í hálfleik var 12-13 fyrir
FH.
Um miðjan síðari hálfleik var
staðan 16-16 en þá skoraði Akur-
eyri þrjú mörk í röð. Barátta,
spenna og kaflaskipti hafa ein-
kennt alla þrjá leikina til þessa og
í gær var engin breyting þar á. FH
jafnaði leikinn í 19-19 en Akureyri
skoraði svo næstu þrjú mörk.
FH fékk tækifæri til að jafna í
síðustu sókninni þegar sjö sekúnd-
ur voru eftir, en ólíkt leikkerfinu
á lokasekúndunum í fyrsta leikn-
um sem afgreiddi Akureyri, mis-
heppnaðist sending Hafnfirðinga
og Akureyri hrósaði sigri.
Sveinbjörn varði frábærlega
í marki Akureyrar, alls 24 skot
og skaraði fram úr ásamt Heimi.
Miklu munaði um að Guðmund-
ur Hólmar náði sér ekki á strik.
Mikið hefur verið rætt um breidd-
ina í liði Akureyrar, margir telja
hana of litla, en Atli Hilmarsson
gefur því langt nef. Maður eins og
Halldór Logi Árnason hafi komið
inn og staðið sig vel, Halldór skor-
aði þrjú mikilvæg mörk í gær úr
þremur skotum.
Hjá FH voru þrír menn sem
skoruðu 19 af 22 mörkum. Ásbjörn
og Ólafur Guðmundsson skoruðu
samtals 14 mörk en þeir skutu líka
32 sinnum að markinu. Markvarsla
liðsins var svo alls ekki nógu góð.
Atli náði þeim magnaða árangri
árið 2002 að stýra KA til Íslands-
meistaratitilsins eftir að hafa
lent 2-0 undir í einvígi, þá við
Val. Hann segir að samanburður
við slíkt sé afstæður en hann sér
ýmislegt sameiginlegt með því
einvígi og nú.
„Til dæmis er stígandi í okkar
leik, við vorum betri í þessum leik
en þeim fyrsta, sem er jákvætt.
Við vorum alveg ákveðnir í því að
láta þá ekki lyfta bikarnum hérna,
ég lenti í því með KA gegn Hauk-
um einu sinni og það var ömur-
legt. En eins og 2002 þá vitum við
að þetta er hægt, við getum orðið
meistarar, og það er hugarfarið
sem við tókum inn í leikinn,“sagði
Atli.
„Það er enn líf í okkur. Þetta
var þvílík barátta og jafn leikur,
eins og hinir tveir. Vörnin okkar
var betri í seinni hálfleik, þá gekk
betur að ganga út í þá og brjóta á
þeim, en Sveinbjörn var alveg frá-
bær líka,“ sagði Atli. - hþh
Við vitum vel að þetta er hægt
Akureyri beit frá sér í einvíginu um Íslandsmeistaratitilinn í gær og lagði FH á Akureyri. Enn og aftur var
leikur liðanna jafn og æsispennandi. Úrslit réðust ekki fyrr en í blálokin. Sveinbjörn Pétursson, markvörð-
ur Akureyrar, steig upp í gær og gerði gæfumuninn fyrir heimamenn með virkilega góðri markvörslu.
EKKERT GEFIÐ FH fékk að hafa fyrir
hlutunum. FRÉTTABLAÐIÐ/SÆVAR
GLEÐI Á AKUREYRI Guðmundur Hólmar Helgason og félagar í liði Akureyrar fögnuðu sigrinum í gær vel og innilega. Þeir eru enn
á lífi í einvíginu. Á neðri myndinni stjakar Ásbjörn Friðriksson við Bjarna Fritzsyni. FRÉTTABLAÐIÐ/SÆVAR
FRÁBÆR Sveinbjörn Pétursson datt í gírinn í gær. FRÉTTABLAÐIÐ/VILHELM