Fréttablaðið - 29.08.2011, Blaðsíða 40
29. ágúst 2011 MÁNUDAGUR20
sport@frettabladid.is
Mjólkin g
erir
gott betr
a og
styrkir be
in.
betri hugmynd!
MARGRÉT LÁRA VIÐARSDÓTTIR skoraði í gær bæði mörkin í 2-1 sigri Kristianstad á sterku liði Umeå í
sænsku úrvalsdeildinni í gær. Fleiri Íslendingar voru á skotskónum í gær en Ólína Guðbjörg Viðarsdóttir, Jóhann Berg
Guðmundsson, Kristján Örn Sigurðsson og Steinþór Freyr Þorsteinsson skoruðu öll með liðum sínum í gær.
FÓTBOLTI Óhætt er að segja að
helgin hafi verið viðburðarík í
ensku úrvalsdeildinni og þá sér-
staklega gærdagurinn. Manc-
hester-liðin United og City gengu
nánast berserksgang og gjörsigr-
uðu Lundúnaliðin Arsenal og Tot-
tenham. City skoraði fimm gegn
einu marki Tottenham og þá vann
United ótrúlegan 8-2 sigur á gömlu
erkifjendunum í Arsenal.
Allt sem hefur farið úrskeiðis
hjá Arsenal í sumar endurspegl-
aðist í leiknum gegn United í gær.
Það gekk einfaldlega allt á aftur-
fótunum en auk þess að fá átta
mörk á sig fór víti forgörðum hjá
Arsenal auk þess sem liðið missti
Carl Jenkinson af velli með rautt
spjald. Er það í þriðja sinn í jafn
mörgum leikjum að leikmaður
Arsenal er rekinn í sturtu.
Wayne Rooney skoraði þrennu
fyrir United, þar af tvö úr auka-
spyrnu. Ashley Young skoraði líka
tvö glæsileg mörk. „Þetta kom á
óvart,“ sagði Alex Ferguson, stjóri
United. „Maður á alltaf von á erf-
iðum leik gegn Arsenal. Vissulega
vantaði marga í lið Arsenal í dag
en við gerðum samt það sem þurfti
að gera.“
Sjálfur sagði kollegi hans,
Arsene Wenger, eftir leikinn að
það kæmi ekki til greina að stíga
til hliðar. „Nei, alls ekki. En mér
líður eins og að ég hafi verið niður-
lægður í dag. Liðið hrundi í seinni
hálfleik,“ sagði hann. „En það
voru átta leikmenn fjarverandi í
dag. Það myndi veikja hvaða lið
sem er.“
Edin Dzeko var þó líklega maður
dagsins í Manchester-borg í gær.
Hann skoraði fjögur af fimm
mörkum City gegn Tottenham og
fór einfaldlega hamförum. Samir
Nasri lék sinn fyrsta leik með
City síðan hann kom frá Arsenal
og lagði upp þrjú mörk í leiknum.
„Þetta var mjög sérstakur dagur
fyrir mig í dag. Það er frábært að
skora fjögur mörk í leik í ensku
úrvalsdeildinni,“ sagði Dzeko eftir
leikinn. Hann segir að City eigi
meira inni. „Við erum sífellt að
bæta okkur. Ég vona að við höldum
áfram að bæta okkur í næsta leik
enda viljum við vinna alla leiki.“
Manchester-liðin eru þau einu
í deildinni sem eru með fullt hús
stiga eftir fyrstu þrjár umferðirn-
ar. United er með tíu mörk í plús
en City níu. Sannarlega ótrúleg
byrjun og ótrúlegir yfirburðir hjá
þessum liðum.
Óneitanlega skyggja þessi tvö lið
á önnur í deildinni en næst á eftir
koma Liverpool og Chelsea sem
unnu góða sigra á laugardaginn.
Liverpool var sannfærandi gegn
Bolton og 3-1 sigur liðsins síst of
stór. Jordan Henderson og Char-
lie Adam skoruðu sín fyrstu mörk
fyrir Liverpool í leiknum.
3-1 sigur Chelsea á Norwich
var síður en svo sannfærandi en
leiksins verður helst minnst fyrir
skelfileg meiðsli Didiers Drogba
sem var sleginn óviljandi í rot af
John Ruddy, markverði Norwich.
Drogba var meðvitundarlaus í
rúman hálftíma og fékk vægan
heilahristing. Hann var á bata-
vegi í gær.
Wolves og Newcastle eru með
sjö stig, rétt eins og Liverpool
og Chelsea, og byrja því tímabil-
ið vel. Hið sama er ekki hægt að
segja um áðurnefnd Lundúnalið en
Arsenal er einungis með eitt stig
en Tottenham er enn stigalaust.
eirikur@frettablaidid.is
Manchester 13 – London 3
Gærdagurinn var einhver sá ótrúlegasti frá stofnun ensku úrvalsdeildarinnar.
Yfirburðir Manchester-liðanna eru ógnvænlegir en þau fóru illa með stórliðin
Arsenal og Tottenham frá Norður-Lundúnum. „Niðurlæging,“ sagði Wenger.
STÍGUM DANS Gareth Barry og Edin Dzeko fagna einu af fjórum mörkum þess
síðarnefnda á myndinni fyrir ofan. Fyrir neðan má sjá lokastöðuna í leiknum á Old
Trafford. NORDIC PHOTOS/GETTY
Enska úrvalsdeildin
Aston Villa - Wolves 0-0
Wigan - QPR 2-0
1-0 Franco Di Santo (40.), 2-0 Di Santo (65.).
Blackburn - Everton 0-1
0-1 Mikel Arteta, víti (91.).
Chelsea - Norwich 3-1
1-0 Jose Bosingwa (5.), 1-1 Grant Holt (62.), 2-1
Frank Lampard (81.), 3-1 Juan Mata (100.).
Swansea - Sunderland 0-0
Liverpool - Bolton 3-1
1-0 Jordan Henderson (14.), 2-0 Martin Skrtel
(51.), 3-0 Charlie Adam (52.), 3-1 Ivan Klasnic
(91.). Grétar Rafn Steinsson lék allan leikinn í
vörn Bolton.
Newcastle - Fulham 2-1
1-0 Leon Best (47.), 2-0 Leon Best (65.), 2-1 Clint
Dempsey (87.).
Tottenham - Manchester City 1-5
0-1 Edin Dzeko (33.), 0-2 Edin Dzeko (40.), 0-3
Edin Dzeko (54.), 0-4 Sergio Agüero (59.), 1-4
Younes Kaboul (67.), 1-5 Edin Dzeko (92.).
West Brom - Stoke City 0-1
0-1 Ryan Shotton (89.).
Manchester United - Arsenal 8-2
1-0 Danny Welbeck (21.), 2-0 Ashley Young (27.),
3-0 Wayne Rooney (41.), 3-1 Theo Walcott (47.),
4-1 Wayne Rooney (63.), 5-1 Nani (66.), 6-1
Ji-Sung Park (69.), 6-2 Robin van Persie (73.), 7-2
Wayne Rooney, víti (81.), 8-2 Ashley Young (90.).
STAÐAN
Man. United 3 3 0 0 13-3 9
Man. City 3 3 0 0 12-3 9
Liverpool 3 2 1 0 6-2 7
Chelsea 3 2 1 0 5-2 7
Wolves 3 2 1 0 4-1 7
Newcastle 3 2 1 0 3-1 7
Aston Villa 3 1 2 0 3-1 5
Wigan 3 1 2 0 3-1 5
Stoke City 3 1 2 0 2-1 5
Bolton 3 1 0 2 7-6 3
Everton 2 1 0 1 1-1 3
QPR 3 1 0 2 1-6 3
Sunderland 3 0 2 1 1-2 2
Norwich City 3 0 2 1 3-5 2
Swansea City 3 0 2 1 0-4 2
Fulham 3 0 1 2 1-4 1
Arsenal 3 0 1 2 2-10 1
West Brom 3 0 0 3 2-5 0
Blackburn 3 0 0 3 2-6 0
Tottenham 2 0 0 2 1-8 0
Spænska úrvalsdeildin
Real Zaragoza - Real Madrid 0-6
0-1 Cristiano Ronaldo (24.), 0-2 Marcelo (28.),
0-3 Xabi Alonso (64.), 0-4 Cristiano Ronaldo
(71.), 0-5 Kaka (82.), 0-6 Cristiano Ronaldo (87.).
Barcelona mætir Villarreal á heimavelli í
kvöld klukkan 19.00.
ÚRSLIT
FRJÁLSAR Hinn skrautlegi sprett-
hlaupari, Usain Bolt, átti slæman
dag á HM í frjálsíþróttum í Daegu
í Suður-Kóreu í gær. Hann stefndi
að því að verja heimsmeistaratign
sína í 100 m hlaupi karla en var
svo dæmdur úr leik fyrir þjófstart.
„Ég get ekkert sagt. Ég þarf
tíma til að jafna mig,“ sagði hann
við AFP-fréttaveituna. Hann er
aftur skráður til keppni í 200 m
hlaup á föstudaginn en þar hefur
hann einnig titil að verja. „Hvern-
ig mun það ganga? Við verðum að
sjá til á föstudaginn.“
Fyrir tveimur árum, á HM í
Berlín, bætti Bolt metið í greininni
með því að hlaupa á 9,58 sekúnd-
um. Er það talið eitt allra mesta
afrek íþróttasögunnar.
Jamaíkumaðurinn Yohan Blake
bar sigur úr býtum í greininni en
hann hljóp á 9,92 sekúndum. Hann
var reyndar sá eini sem hljóp
undir tíu sekúndum sem sýnir
hversu slakt hlaupið var.
Blake stórgræddi einnig á því að
Asafa Powell og Tyson Gay voru
fjarverandi í gær vegna meiðsla.
Þeir hlauparar sem þjófstarta
eru umsvifalaust dæmdir úr leik
en reglunum var breytt á þann
veg í fyrra. Kim Collins, sem varð
þriðji í gær, segir regluna fárán-
lega.
„En þar sem Alþjóðafrjáls-
íþróttasambandinu finnst reglan
sérstaklega sjónvarpsvæn tel ég
líklegt að henni verði ekki breytt,“
sagði hinn 35 ára Collins sem vann
til bronsverðlauna í gær. Hann er
nú að keppa í níunda sinn á HM og
stefnir á Ólympíuleikana í Lund-
únum á næsta ári. - esá
Usain Bolt þjófstartaði í 100 m hlaupi karla:
Ég get ekkert sagt
BOLT ÚR LEIK Usain Bolt gengur af hlaupabrautinni en til hægri á myndinni er Yohan
Blake sem sigraði svo í hlaupinu. NORDIC PHOTOS/GETTY IMAGES
FRJÁLSAR Suður-Afríkumaður-
inn Oscar Pistorius tryggði sér
um helgina sæti í undanúrslitum
í 400 m hlaupi karla. Fótleggir
hans fyrir neðan hné voru fjar-
lægðir áður en hann náði eins árs
aldri vegna fæðingargalla og er
hann fyrsti fatlaði íþróttamaður-
inn sem keppir á HM ófatlaðra.
Pistorius keppir á gervifótum
sem stoðtækjaframleiðandinn
Össur framleiddi fyrir hann og
eru hans helsta einkenni.
„Þetta er mikill léttir,“ sagði
hann eftir hlaupið í gær. „Ég hef
lagt svo mikið á mig til að komast
hingað og nú þegar ég er kominn
vil ég gera sem mest úr því.“
Hann náði fjórtánda besta tím-
anum í undanrásunum en undan-
úrslitin fara fram í dag. - esá
Oscar Pistorius vekur athygli:
Fatlaður komst
í undanúrslit
Á ÍSLENSKUM FÓTUM Pistorius hefur
vakið heimsathygli. NORDIC PHOTOS/GETTY
FORMÚLA 1 Sebastian Vettel er á
góðri leið með að verja titilinn
sinn í Formúlu 1-mótaröðinni en
hann bar sigur úr býtum í belg-
íska kappakstrinum í gær. Félagi
hans hjá Red Bull, Mark Webber,
kom annar í mark.
Jenson Button á McLaren náði
þriðja sætinu af Fernando Alonso
á lokasprettinum þrátt fyrir að
hafa verið þrettándi á ráslínu.
Þetta var sjöundi sigur Vettels
á tímabilinu og er hann með 92
stiga forystu á næsta mann. - esá
Formúla 1 í Belgíu:
Vettel og Red
Bull sigruðu