Fréttablaðið - 30.09.2011, Blaðsíða 20

20 30. september 2011 FÖSTUDAGUR
Meira í leiðinni
WWW.DEKK.ISHJÓLBARÐAÞJÓNUSTA N1:
Fellsmúli 440 1322 | Ægisíða 440 1320 | Bíldshöfði 440 1318 | Réttarháls 440 1326
Stórahjalli 440 1342 | Dalbraut Akranesi 440 1394 | Langatangi Mosfellsbæ 440 1378
Reykjavíkurvegur Hafnarfirði 440 1374 | Grænásbraut Reykjanesbæ 440 1372
GERÐU BÍLINN KLÁRAN FYRIR VETURINN
Á DEKKJAHÓTELI N1
BÝÐST ÞÉR AÐ GEYMA
SUMARDEKKIN GEGN
VÆGU GJALDI GÆÐA
VETRARDEKK
Þú færð Cooper dekkin hjá
Hjólbarðaverkstæðum N1
Yfirmaður kynferðisbrotadeild-ar lögreglunnar sagði í frétt-
um RÚV 28. september sl. að eng-
inn vafi léki á því að vændi væri
auglýst í smáauglýsingum Frétta-
blaðsins undir yfirskini nudd-
auglýsinga. Hann sagði jafnframt
að í rannsókn væri hvort þarna
væri um milligöngu vændis að
ræða, og staðfesti síðar í viðtali
að þar hefði hann átt við milli-
göngu Fréttablaðsins. Gera verður
athugasemdir við þessi vinnubrögð
af hálfu lögreglu, þar sem þessi
ummæli mætti túlka sem ásakan-
ir um refsiverð brot, þótt þær séu í
þessu tilviki ekki vel rökstuddar. Í
ljósi þessara ummæla er ástæða til
að skýra stöðuna eins og hún snýr
að útgáfufélagi Fréttablaðsins, 365
miðlum.
Ólögleg starfsemi ekki auglýst
Í nýjum fjölmiðlalögum er kveð-
ið skýrt á um að hérlendur aug-
lýsandi beri ábyrgð á auglýsingu
sem keypt er til birtingar. Útgef-
endur auglýsingamiðla starfa því
eftir skýrum lagaramma þar sem
eru gerð skil á milli ritstjórna og
auglýsenda og lagt á auglýsendur
að bera ábyrgð á því frelsi sem
þeim er gefið til að til auglýsa
vörur sínar og þjónustu. Því til
grundvallar liggja málefnalegar
forsendur sem snúa að þeim sjálf-
sagða rétti auglýsenda að útgef-
endur geti ekki stýrt því hvað sé
auglýst og hvað ekki.
Fréttablaðið hefur hins vegar
að sjálfsögðu engan áhuga á að
vera skjól fyrir ólöglega starf-
semi af nokkru tagi. Auglýsinga-
deild blaðsins hefur því gengið
eins og langt og hún hefur talið
sig geta með að setja sér þá vinnu-
reglu að birta ekki auglýsingar ef
rök liggja fyrir um að auglýsing-
in beri með sér að um sé að ræða
ólöglega starfsemi. Í því ljósi hefur
Fréttablaðið ítrekað hafnað birt-
ingu auglýsinga þar sem orðalag
gefur til kynna að eitthvað annað
og meira en nuddþjónusta væri í
boði. Eftir stendur að í smáauglýs-
ingum Fréttablaðsins er auglýst
nudd. Það er ekkert ólöglegt við
að auglýsa nudd og ekki heldur þó
að um heilnudd eða brasilískt nudd
sé að ræða eða að auglýsingin sé
á ensku. Þau rök yfirmanns kyn-
ferðisbrotadeildar lögreglu um að
augljóst sé að um sé að ræða aug-
lýsingar um vændi standast því
ekki skoðun. Ef lögregla veit meira
um starfsemi þeirra sem auglýsa
í Fréttablaðinu hafa þær upplýs-
ingar ekki borist blaðinu og mjög
hæpið er að halda því fram að aug-
lýsingin sjálf beri með sér að um
ólöglegt athæfi sé að ræða.
Er fjölmiðill lögregla?
Ef auglýsing kveður á um löglega
þjónustu er ekki hægt að leggja
á útgefendur að rannsaka hvað
annað gæti mögulega staðið að
baki auglýsingu, þ.e. hvort hún sé í
raun yfirvarp. Það er í raun sjálf-
sögð krafa að fjölmiðlar fari ekki
í slíka ritskoðun án málefnalegra
raka. Útgefandinn hefur ekki leyfi
til að gera upp á milli auglýsenda
sinna og getur ekki gengið á rétt
aðila til að koma löglegri þjónustu
á framfæri með auglýsingu.
Yfirmaður kynferðisbrota-
deildar lögreglunnar á að vita að
vilji Fréttablaðsins til að sporna
gegn afbrotum á borð við vændis-
kaup hefur aldrei farið á milli
mála. Fréttablaðið hefur unnið
með lögreglunni í öll þau skipti
sem grunur hefur vaknað um að
auglýsing beri eitthvað vafasamt
í för með sér. Fréttablaðið hefur
einnig fylgt eftir slíkum beiðnum
og haft samband við lögreglu til að
fá upplýsingar um hvort rannsókn
hafi skilað árangri og hvort lög-
reglan hafi upplýsingar um auglýs-
endur sem rök eru fyrir að banna
að auglýsa í blaðinu. Slíkum fyrir-
spurnum Fréttablaðsins hefur ekki
verið svarað af hálfu lögreglu. Í
ljósi samskipta og að öðru leyti
ágæts samstarfs Fréttablaðsins
og kynferðisbrotadeildar lögreglu
kom því óneitanlega leiðin lega
á óvart að heyra ásakanir yfir-
manns deildarinnar um að auglýs-
ingar um vændi sé án vafa að finna
í Fréttablaðinu og að það sé rann-
sakað sem möguleg milliganga um
vændi þar sem ekkert slíkt hefur
fyrr verið gefið í skyn.
Það er vert að taka fram að leið-
beiningar um hvaða auglýsing-
ar skuli banna geta ekki komið
frá fjölmiðli ef hann á að virða
þá aðgreiningu milli ritstjórnar-
efnis og auglýsinga sem ítrekuð
er í nýju löggjöfinni. Stjórnvöld
verða því að skoða hvort vilji sé
til að aðrar forsendur verði veiga-
meiri en sjálfstæði og ábyrgð aug-
lýsenda og gefa út leiðbeinandi
reglur þar að lútandi. Til að skapa
slíkar forsendur verður til dæmis
að beina slíkum beiðnum til nýrr-
ar fjölmiðlanefndar sem fer með
stjórnsýslu fjölmiðlalaganna.
Án slíkra vísireglna frá til þess
bærum stjórnvöldum er ekki hægt
að gera aðrar kröfur til útgefenda
fjölmiðla en að gæta að jafnræði
gagnvart auglýsendum og bera
virðingu fyrir rétti þeirra til að
auglýsa.
Fréttablaðið hefur því ekki talið
sig geta hafnað birtingu auglýs-
inga nema fyrir liggi skýrar regl-
ur um hvernig slíkt mat geti farið
málefnalega fram. Útgáfufélagið
mun hins vegar verða fyrst til að
fagna því að slíkar vísireglur verði
settar af til þess bærum stjórn-
völdum. Fréttablaðið hefur því
þegar haft frumkvæði að því að
settar verði skýrari línur varðandi
regluramma slíkra auglýsinga-
birtinga. Leitað hefur verið eftir
samstarfi bæði við lögregluna á
höfuðborgarsvæðinu og Stígamót
og mun kynferðisbrotadeild lög-
reglunnar kalla saman fund þess-
ara aðila. Æskilegast væri að fjöl-
miðlanefnd kæmi einnig að þeirri
vinnu.
Er vændi auglýst í
Fréttablaðinu?
Fréttablaðið hefur því þegar haft frum-
kvæði að því að settar verði skýrari línur
varðandi regluramma slíkra auglýsinga-
birtinga.
Sjávarútvegs- og landbúnaðar-nefnd Alþingis hefur verið með
í umsagnarferli frumvarp til laga
um stjórn fiskveiða sem sjávar-
útvegs- og landbúnaðarráðherra
mælti fyrir á Alþingi sl. vor.
Af umsögnum að dæma eru afar
skiptar skoðanir um framtíðar-
skipan fiskveiðistjórnunar, fjöl-
margir umsagnaraðilar lýsa sig
sammála þeim markmiðum sem
sett eru fram í frumvarpinu en
jafnframt kemur fram mikil and-
staða við þær grundvallarbreyt-
ingar sem lagðar eru til á kerfinu
og framsetningu frumvarpsins í
heild.
Það er því mat formanns og
varaformanns sjávarútvegs- og
landbúnaðarnefndar Alþingis að
taka verði frumvarpið til gagn-
gerrar endurskoðunar áður en
það verður lagt fram að nýju á
140. löggjafarþingi sem hefst 1.
október nk.
Nýtingarsamningar
Við endurgerð frumvarpsins þarf
að búa svo um hnúta að gætt verði
jafnræðis við gerð og úthlutun nýt-
ingarsamninga og aflaheimilda,
ekki síst með skilyrtum, opnum til-
boðum. Jafnframt því sé atvinnu-
réttur sjávarbyggðanna til nýting-
ar sjávarauðlindarinnar tryggður.
Nauðsynlegt er að opna enn
frekar á milli nýtingasamninga
og leiguhluta ríkisins þannig að
kvótalitlar útgerðir geti sótt um
nýtingasamninga og handhafar
nýtingasamninga geti leigt tíma-
bundnar aflaheimildir úr leigu-
potti. Tryggja þarf ríkinu rétt til
að endurúthluta nýtingarsamning-
um eða leigja að nýju aflaheimild-
ir gjaldþrota útgerðar fyrirtækja
eða fyrirtækja sem hætta af
öðrum orsökum. Þak verði sett á
hlutdeildarkerfið og það brotið upp
að einhverju marki.
Nýliðun, atvinnusköpun, jafn-
ræði
Til að tryggja réttláta skiptingu
fiskveiðiauðlindarinnar og nægj-
anlega nýliðun teljum við heppi-
legast að farin verði blönduð leið,
þ.e. að hægt sé að bjóða í nýtinga-
samninga ásamt því að nægjan-
legt framboð aflaheimilda sé í
leigupotti ríkisins. Almenni leigu-
hlutinn þarf að aukast verulega
og verða raunverulegur valkostur
þar sem eðlileg verðmyndun afla-
heimilda er tryggð. Jafnhliða þarf
að stórefla strandveiðar. Þetta
samanlagt teljum við að geti byggt
upp möguleika nýliða til áfram-
haldandi fjárfestinga og atvinnu-
þátttöku í greininni auk þess sem
það stuðlar að dreifðri eignar aðild.
Í dag fá t.d. 50 stærstu sjávar-
útvegsfyrirtækin úthlutað 84% af
aflamarki þessa árs.
Byggðaráðstafanir
Við leggjum til að horfið verði frá
hugmyndum um byggðapotta og
þar með miðstýringarvaldi ráð-
herra hverju sinni við úthlutun
byggðakvóta. Þess í stað verði
leigupottur stækkaður nægilega
til þess að verða raunhæfur val-
kostur á móti nýtingarsamning-
um. Aflaheimildir úr leigupotti
teljum við rétt að svæðistengja
og skilyrða við ákveðið lágmark
aflaheimilda. Hafa verður hugfast
að þó að horfið verði frá beinum
byggðakvóta verður ríkið að geta
brugðist við áföllum í atvinnumál-
um sjávarbyggða með samning-
um um ráðstöfun aflaheimilda til
sveitar félaga/fyrirtækja sem skil-
yrt væru til ákveðins tíma.
Frjálsar strandveiðar í skilgreindri
strandveiðihelgi
Hugmynd okkar um stórefldar
strandveiðar er sú að þær verði
gefnar frjálsar innan skil-
greindrar strandveiðihelgi með
ströngum skilyrðum.
• Veiðitímabilið verði sex mánuði
ársins.
• Bátar minni en 15 brúttótonn.
• Tvær handfærarúllur um borð.
• Skráður eigandi sigli bátnum
og geri ekki út aðra báta jafn-
hliða.
• Veitt verði 5 daga vikunnar.
Aðrar takmarkanir teljum
við óþarfar af hálfu löggjafans,
því veður, vélarafl og náttúra
munu sjá um að skilyrða veið-
arnar innan þeirra marka sem
löggjafinn reiknar með að falli
undir þessar veiðar í aflaheim-
ildum (þ.e. samanlagður byggða-
og strandveiðikvóti). Þessar
umhverfisvænu sjálfbæru veið-
ar myndu skila mörg hundruð
störfum og stórauknum gjald-
eyristekjum í þjóðarbúið.
Fiskvinnsla
Við leggjum til að lögskyldað
verði að bjóða allan óunninn
fisk á innlendan markað og skil-
ið verði milli veiða og vinnslu.
Að þessu verði stefnt í áföngum
þannig að vaxandi hluti fari á
innanlandsmarkað uns t.d. 80%
er náð. Þessi breyting gæti skap-
að um eitt þúsund störf. Tryggja
verður að fiskvinnsla í landi og á
sjó sitji við sama borð og búi við
sambærilegt rekstrarumhverfi,
og að allur afli skili sér að landi
og sé nýttur í vinnslu.
Brýnt er að áframhaldandi
vinna við gerð nýs frumvarps
um stjórn fiskveiða miði að þjóð-
félagslega arðbærri og sann-
gjarnri nýtingu fiskveiðiauðlind-
arinnar. Til grundvallar höfum
við stjórnarsáttmála ríkisstjórn-
arinnar, jafnræðis- og atvinnu-
frelsisákvæði stjórnarskrárinn-
ar, álit mannréttindanefndar SÞ,
að ógleymdri tillögu stjórnlaga-
ráðs um nýtt auðlindarákvæði
í stjórnarskrá. Það er traustur
grunnur að byggja á.
Betra fiskveiðistjórnunarkerfi
til framtíðar
Sjávarútvegsmál
Lilja Rafney
Magnúsdóttir
Formaður og
varaformaður
Ólína
Þorvarðardóttir
sjávarútvegs- og
landbúnaðarnefndar
Vændi
Hildur
Sverrisdóttir
lögfræðingur
365 miðla
AF NETINU
Tölvuleikir og lestur
Það eru nöturlegar staðreyndir sem sjá má úr skýrslunni
sem segir að fjórðungur 15 ára drengja virðist ekki geta
lesið sér til gagns eða aflað sér upplýsinga í gegnum
lestur.
Það má sjálfsagt finna ýmsar skýringar á þessu í
skólakerfinu og heimilunum.
En ein breyta er sjaldnast nefnd og það eru tölvuleikir.
Drengir stunda tölvuleiki miklu meira en stúlkur – og
maður getur varla hugsað sér iðju sem er jafn andstæð
lestri og æsingurinn í tölvuleikjum.
eyjan.is/silfuregils
Egill Helgason
Í kyrrþey að ósk hins setta
Þing var sett í kyrrþey að ósk hins setta. Veraldarvinir,
ungt fólk í ævintýraleit, stóð heiðursvörð ásamt Hring-
skonum sem seldu bakkelsi til að fjármagna ræktun
sauðnauta í Hljómskálagarðinum.
Svo skemmtilega vill einmitt til að sauðnautin eru það
eina sem kom út úr 300 klst. löngum umræðum um
Stjórnarráð Íslands á 139. löggjafarþingi okkar Íslend-
inga…
blog.eyjan.is/grimuratlason
Grímur Atlason
FRÉTTIR VIÐSKIPTI ÍÞRÓTTIR LÍFIÐ UMRÆÐAN
FÁÐU BEITTUSTU
BRANDARANA Í SÍMANN
m.visir.is
Fáðu Vísi í símann!
Meiri Vísir.
Meira sjónvarp, meira útvarp, meiri fréttir, meiri upplýsingar,
meiri umræða, meira líf, meiri íþróttir, meiri virkni, meira úrval.
Þú færð meira af öllu á Vísi.
Skopmyndir Halldórs Baldurssonar eru á Vísi