Faxi - 01.07.1945, Side 4

4
F A X I
SEXTUG:
Vikforía Guðmundsdóttir
Viktoría Guðmundsdóttir er Árnes-
ingur að uppruna, fædd í Þjórsárholti í
Gnúpverjahreppi 3. júlí 1885. Voru for-
eldrar hennar Helga Gísladóttir og Guð-
raundur bóndi Guðmundsson.
Haustið 1934 varð ég kennari á
Vatnsleysuströnd. Þá sá ég Viktoríu
Guðmundsdóttur fyrst. Eg tel það mikið
lán fyrir mig' að hafa kynnst henni,
sökum mannkosta hennar og vitsmuna.
Engri konu hefi ég kynnst, sannmennt-
aðri, skylduræknari, minnugri, fróðari
og skjótari í svörum. Hún er skarpgá'f-
uð kona, vinsæl og mikils virt. Hvar-
vetna hefur hún komið fram sem sann-
ur leiðtogi æskunnar, og það hygg ég,
að allir er hlut eiga að máli, telji skóla-
stjórasætið á Vatnsleysuströnd vel skip-
að, meðan hún situr í því. Ræður, sem
hún 'hefur flutt við skólasetningu og
mörg önnur tækifæri, bera merki
snilldar í máli og hugsun. Enda þótti
hún, meðan hún stundaði nám í Flens-
borg og Kennaraskólanum, skara fram
úr öðrum á því sviði, sérstaklega í með-
ferð móðurmálsins, en þar á hún yfir
að ráða snilligáfu, sem fáum er gefin.
Var hún um eitt skeið ritstjóri „Unga
íslands“. — Skólastjóri á Vatnsleysu-
strönd er hún búin að vera í tuttugu og
fjögur ár. Auk kennarastarfsins hefur
hún starfað mikið að bindindismálum
meðal æskunnar, þó kennslustarfið hafi
verið hennar aðal starf, frá því hún var
innan við tvítugs aldur. —
Oftar en einu sinni hefur Viktoría
siglt til Svíþjóðar og kynnt sér uppeld-
is- og skólamál hinnar gagnmenntuðu
sænsku þjóðar. Hafa þær ferðir efa-
laust stóraukið þekkingu hennar á
margan hátt og orðið þeim skóla, sem
hún starfar við, að ómetanlegu gagni.
Viktoría Guðmundsdóttir er trúuð
kona. Mun hún alltaf hafa lagt mikla
áherzlu á það, að innræta nemendum
sínum göfugan og heilbrigðan hugsun-
arhátt og allt, sem þeim mætti til bless-
unar verða í lífinu.
Þess má geta hér, að sá afbragðs
maður, séra Magnús heitinn Helgason,
fyrrverandi skólastjóri við Kennara-
skólann, bjó Viktoríu undir fermingu,
og telur hún þann tíma, sem hún lærði
hjá honum, einn hinn bezta hluta æsku
sinnar.
Viktoría er enn jafn hvatleg í fram-
Viktoría Guðmundsdóttir.
komu og ung í anda og þegar ég sá hana
fyrst fyrir 11 árum — minnið jafn frá-
bært, samfara skörpum skilningi og
svarað getur hún fyrir sig fljótt og vel.
Eg veit, að margir munu senda henni
hugheilar árnaðaróskir á sextugsafmæl-
inu 3. júlí og óska þess, að hún megi lifa
og' starfa sem lengst, landi og lýð til
heilla. Eg óska þess einnig, að íslenzka
þjóðin megi eignast margar dætur, sem
Viktoríu, því sú þjóð glatast ekki, sem
á góðar konur.
Vatnsleysuströnd, 27. júní 1945.
Stefán Hallssson.
17. JLJNÍ 1945
Fyrsti afmælisdagur hins endurreista
íslenzka lýðveldis rann upp.
Um nóttina hafði ringt talsvert, svo
jörðin var vot, og ennþá var þungt í
lofti. En um kl. 8 mátti heita að stytt
væri upp og úr því fór að smá létta til,
þar til sól skein í heiði og hélzt bjart
og stillt veður til kvölds.
Um kl. 8 að morgni sáust fyrstu fán-
arnir dregnir að hún hér í kauptúninu,
smátt og smátt bættust fleiri við og um
kl. 10 mátti svo heita, að fáninn blakti
við 'hún á hverri stöng í kauptúninu.
Hátíð dagsins hófst með guðsþjón-
ustu í kirkjunni kl. 11 f. h. Séra Eiríkur
Brynjólfsson prédikaði.
Laust eftir kl. 1 tók fólk að safnast
saman á svæði því, er ætlað er fyrir-
huguðum skrúðgarði. Hafði svæðið
verið afmarkað með fánastöngum og
prýtt með merkjaflöggum. Blakti ís-
lenzki fáninn á hverri stöng.
Útihátíðahöldin hófust moð því að
lögreglustjórinn, Alfreð Gíslason, setti
hátíðina með snjallri ræðu, en á eftir
söng kirkjukórinn, „Island ögrum skor-
ið“:
Kl. 2 var íslenzki fáninn dreginn að
hún á „17. júní stönginni“, en það er
fánastöng, sem reist hafði verið á
skemmtisvæðinu í tilefni dagsins. Er
hún gerð úr járnbentri steinsteypu og
er um 13 metrar á hæð frá jörðu.
Er fáninn hafði verið dreginn að hún,
söng kirkjukórinn Þjóðsönginn. Séra
Eiríkur Brynjólfsson vígði fánann með
ræðu.
Sungu nú kirkjukórinn og karlakór-
inn Víkingur úr Garði, nokkur lög.
Þá fór fram boðhlaup milli drengja
úr austurbæ og vesturbæ, og unnu vest-
urbæingar.
Knattspyrna fór fram milli Keflvík-
inga og 1. flokks úr Fram í Reykjavík
og varð jafntefli, 1:1.
I sundlauginni fór fram sundsýning.
Kvenfélag Keflavíkur sá um veiting-
ar dagsins. Seldi það veitingar í Al-
þýðuhúsinu. Lék þar hljómsveit og Vík-
ingar skemmtu með söng.
í Alþýðuhúsinu var barnaskemmtun
kl. 7,30, enkl. 9 voru skemmtanir í báð-
um húsunum. I Ungmennafélagshús-
inu fór fram hátíðasýning tileinkuð 17.
júní, en í Alþýðuhúsinu var kvik-
myndasýning.
Dansað var í báðum húsunum til
kl. 2.
Fór hátíðin öll hið bezta fram.
Allur ágóðinn af hátíðahöldunum
rann til sjúkrahússbyggingarinnar, en
hann nam um 11 þúsundum króna.