Faxi - 01.12.1956, Side 6

118
F A X I
Nýjung í atvinnulífinu
ViStal við Huxley Ólafsson forstjóra.
Eins og getið var um í síðasta blaði Faxa
er að rísa af grunni inn við Fiskiðju stór-
hýsi mikið, en það er flökunarstöð hrað-
frystihúsanna í Keflavík.
Bygging þessarar stöðvar mun hafa
mjög mikil áhrif á allt atvinnulíf Kefla-
víkur í framtíðinni. Því þykir Faxa hlýða
að lofa lesendum sínum að fylgjast með
framkvæmdunum. Blaðið sneri sér því til
Huxleys Olafssonar, framkvæmdastjóra, og
barði dyra hjá honum og spurði frétta:
— Hver voru tildrög að þessari fram-
kvæmd ?
„A ferðalagi í Þýzkalandi í fyrra kynnti
ég mér nokkuð flökunarvélar, en þær hafa
tekið geysimiklum framförum nú á allra
síðustu árum. Hér hafa verið í notkun frá
sama fyrirtæki roðflettningarvélar og ýms-
ar aðrar fiskiðnaðarvélar, en eru nú fyrst
orðnar þetta fullkomnar. Til álita kom
því eftir að útséð varð um gagnsemi þeirra,
hvort hvert frystihús út af fyrir sig ætti að
kaupa þær eða öll húsin að slá sér saman
um vélasamstæður. Varð ofaná að heppi-
legra mundi vera að hafa um þetta sam-
vinnu“.
— Hvað eru vélarnar margar ? Hvað af-
kasta þær miklu og hvað er að segja um
nýtingu og vinnusparnað?
„Vélasamstæður í flökunarstöðinni
verða þrjár, tvær af stærstu gerð, svokall-
aðar Bader 99, og ein fyrir minni fisk,
Bader 338. Stærri gerðin flakar fisk frá
50 cm að stærð til 1,20 cm og haussker,
flakar og roðflettir 24 fiska á mínútu.
Minni gerðin flakar fisk frá 40 cm að
stærð upp ! 70 cm og klárar 40 fiska á
mínútu. Afköst miðað við 8 tíma vinnu
verða því sem næst 40 tonn í stærri vél-
unum af slægðum fiski með haus og í
minni vélinni svipað magn, því að þær
flaka fleiri fiska á mínútu. Hcildar afköst
yrðu því 120 tonn miðað við 8 tíma eða
240 tonn miðað við tvær vaktir.
Við hverja af stærri vélunum vinna
fimm menn, en við þær minni þrír menn.
Sparnaður í mannahaldi verður því að lík-
indum 12 til 15 menn á hverja vél.
Nýting fiskjarins er áætluð þó nokkuð
betri en með handflökun, því að vélarnar
Huxley Ólafsson.
ganga nær fisknum og flaka betur. Full
reynsla er þó ekki komin á þetta atriði, svo
ekki er hægt að segja um það með vissu“.
— Hvernig er hugsað fyrirkomulag um
vinnslu aflans?
„Reiknað er með að frystihúsin komi
með aflann óslægðan í flökunarstöðina, og
þar verði hann slægður um leið og hann
fer í flökunarvélarnar, en þær hausa, flaka
og roðfletta. Um leið verða aðskilin slóg,
lifur og hrogn. Hvert hús fengi þá sinn
hluta af þv! í hlutfalli við innlegg eins og
af flökunum. Flökin verða síðan keyrð í
bílum í hvert hús, og pökkuð og fryst þar.
Fiskinum óslægðum yrði því ekki haldið
neitt út af fyrir sig, hvorki fyrir hvert hús
eða hvern bát. Netafiskur yrði samt allt af
tekinn sér, og yrði í sérflokki“.
— Hvað er flökurnarhúsið stórt og hvað
um fasta starfsmenn?
„Flökunarhúsið er 1550 ferm. að stærð og
á einni hæð. Um byggingu þess hefur séð
Skúli H. Skúlason byggingameistari. Veð-
urfar hefur verið slæmt á þessu hausti eins
og menn þekkja og hefur það tafið fyrir
framkvæmdum. Við væntum samt fast-
lega að hægt verði að hefja starfrækslu
strax upp úr áramótum.
Það var gert að skilyrði fyrir sölu vél-
anna frá verksmiðjanna hálfu, að sendir
yrðu menn til Þýzkalands til að læra mcð-
ferð þeirra. Fór héðan frá Fiskiðjunni
Guðjón Jónsson til þessa náms, og verður
hann starfsmaður. Amundi Huxleysson
hefur einnig lært á vélarnar héðan, og var
hann starfsmaður verksmiðjanna úti sem
túlkur á þessum námskeiðum, er verk-
smiðjurnar héldu fyrir Islendingana. Verk-
stjóri í flökunarstöðinni hefur verið ráðinn
í vetur Olafur Björnsson. Færibönd og
annað er til þarf hefur verið smíðað mest
á staðnum af Vélsmiðju Innri-Njarðvík-
U
ur .
— Hverjir eru eigendur.
„Eigendur flökunarstöðvarinnar eru 6
hraðfrystihús: Jökull h.f., Keflavík h.f.,
Hraðfrystihús Keflavíkur h.f., Hraðfrysti-
hús Ytri Njarðvíkur, Njarðvík, Miðnes
h.f., Sandgerði og Hraðfrystistöð Kefla-
víkur, og eru það sömu aðilar og eiga
Fiskiðjuna s.f.“
— Þið virðist ekki alveg auralausir. Ef
til vill hefur þú fundið gullnámu, sem þú
gætir bent okkur lesendum Faxa á. Flestir
held ég gætu þegið nokkurn hlut af þeim
„gulu“ svona fyrir jólin?
„Ekki er það nú svo gott, að ég hafi
fundið neina námu, hún var löngu fundin
á undan mér, sem sé sú náma, sem við allir
bvggjum allt okkar á og öll okkar hús eru
byggð af, þar á ég við fiskimiðin í flóan-
um og dugnað og atorku þeirra manna,
sem hjálpast að við að nýta þau mið.
Annars lánaði Framkvæmdabankinn
1 millj. til að byggja húsið og sá banki
lánar einnig til kaupa flökunarvélanna,
sem munu kosta mill 2 og 3 millj. Það lán
er til 5 ára. Ýmsir aðrir hafa svo orðið að
hlaupa undir bagga“.
— Þú hefur eflaust fylgst með því, að
búið er að segja upp sjómannasamningum,
og þá aðallega vegna þessara breytinga,
sem verða vegna flökunarstöðvarinnar.
Hvað segir þú um þau mál?
„Oll vélánotkun hefur haft í för með
sér framfarir og meiri afköst. Við höfum
verið á undanförnum árum að taka vél-
arnar meira og meira í okkar þjónustu og
í fiskiðnaðinum er ekki seinna vænna að
gera eins. Meiri hagnýting vélaaflsins hlýt-
ur að létta stritið og gera starfið léttara og
arðbærara fyrir alla aðila. Það er það sem
við stefnum allir að. Meiri afköst er undir-
staða vaxandi velmegunar.
Ef sjómenn þurfa ekki að slægja fisk-
inn, er ekkert því til fyrirstöðu að mínu
áliti, að aðeins 6 menn séu í landi. Við vild-
um allra sízt verða til að vekja úlfúð milli
sjómanna og útvegsmanna. Heldur það
gagnstæða, og ég vona einlæglega, að þessi