Faxi - 01.02.1957, Blaðsíða 11

F A X I
23
Hclgidagavaktir læknanna í marz—apríl ’57:
2.—3. marz Guðjón Klemensson.
9.—10. marz Bjarni Sigurðsson.
16.—17. marz Björn Sigurðsson.
23.—24. marz Einar Astráðsson.
30.—31. marz Guðjón Klemensson.
6.—7. apríl Bjarni Sigurðsson.
13.—14. apríl Björn Sigurðsson.
20.—21. apríl Einar Astráðsson.
27.—28. apríl Guðjón Klemensson.
Næturvaktir (mánudag til föstudags):
4.—8. marz Björn Sigurðsson.
11.—15. marz Einar Astráðsson.
18.—22. marz Guðjón Klemensson.
25.—29. marz Bjarni Sigurðsson.
1.—5. apríl Björn Sigurðsson.
8.—12. apríl Einar Ástráðsson.
15.—19. apríl Guðjón Klemensson.
22.—26. apríl Bjarni Sigurðsson.
29. apríl til 3. maí Björn Sigurðsson.
TJtsölustaðir Faxa utan Kcflavíkur:
Reykjavík: Söluturninn við Arnarhól.
Hafnarfjörður: Verkamannaskýlið.
Grindavík: Útibú Kaupfélags Suðurnesja.
Sandgerði: Kaupfélagið Ingólfur.
A Vatnsleysuströnd annast Viktoría Guð-
Mundsdóttir fyrrverandi skólastjóri útsöluna,
en í Garði og Leiru Sigurður Magnússon í
Valbraut.
I Keflavík fæst Faxi á eftirtölduni stiiðuni:
Bókabúð Keflavíkur, Verzlun Danivals
Danivalssonar, Verzlun Þórðar Einarssonar, í
bryggjuviktarskúrnum og í Matstofunni Vík.
Steingrímur Árnason
hefir tekið á leigu hraðfrystihús Ytri-
Njarðvíkur af Karvel Ögmundssyni til þriggja
ára og hafið starfrækslu þess.
Hlutafélagið Miðnes
hefir fengið fiskflökunarvél, Bader 99 og
komið henni fyrir í hinu nýja fiskverkunar-
°g aðgerðarhúsi sínu, sem er 1600 ferm. að
Ratarmáli. Væri æskilegt að geta sagt nánar
af þessum framkvæmdum síðar hér i blaðinu.
Skólpveita.
A s. 1. sumri var unnið að lagningu á
skólpveitu í Innri-Njarðvík. Er nú að mestu
lokið við verkið, það er að leggja til húsanna
1 þorpinu, en þá er eftir að leggja aðal frá-
rennslisæðina niður í sjó. Skólpveita hefur
ekki áður verið í Innri-Njarðvík.
Hjiirn Finnbogason í Gerðum
hefir hætt að verzla, en leigir verzluninni
Nonni og Bubbi húsnæði undir verzlun í
nýju húsi, sem hann hefir byggt upp við
aðalveginn í Garðinum.
Góð aðstoð.
Flestum mun í fersku minni hinn mikli
snjór sem féll í janúarmánuði í óveðurskafl-
anum, sem þá gekk yfir hér sunnanlands og
olli víða miklum umferðatrufiunum. Seint í
mánuðinum bar svo við, að þyrilvængja, sem
var á leiðinni milli Reykjavíkur og Kefla-
víkur hlekktist á, er hún var yfir Vogunum
og varð að nauðlenda þar. Tveir menn, er
voru í vængjunni komust með bíl, sem var
á leið til Keflavíkurflugvallar, en þaðan héldu
þeir svo aftur eftir skamma dvöl á tveim
skriðdrekum og með allt innanborðs, er talið
var þurfa til þess að koma vængjunni á loft, ef
veðurskilyrði ekki bönnuðu. Tókst viðgerð
og flugtak vel og flugu mennirnir vélinni til
flugvallarins um kvöldið. Skriðdrekarnir
höfðu verið útbúnir matvælum og ýmsum
góðum hjálpartækjum í þessa för, ef þörf
kynni að vera fyrir þá til aðstoðar vegfar-
endum í hinni þungu færð. Reyndist það svo,
og kom aðstoð þeirra að góðum notum, enda
hjálpuðu þeir mörgum bílum, er sátu fastir
í fönninni og komust ekki leiðar sinnar.
Flogið mcð sjúkan mann.
Til afreksverka var það talið, að einhverja
mestu snjóanóttina hér, þegar vegurinn til
Reykjavíkur var með öllu lokaður, flugu 2
bandarískir flugmenn Dakota flugvél frá
varnarliðinu með fárveikan félaga sinn til
Reykjavíkur til uppskurðar á Landsspítalan-
um. Er talið, að þetta flug hafi verið nauð-
synlegt, þar sem ekki var hægt að fram-
kvæma skurðaðgerðina á sjúkrahúsi flug-
vallarins, en líf mannsins í bráðum voða, ef
beðið hefði. FLugmennirnir lögðu þarna líf
sitt í hættu við að bjarga félaga sínum og
gekk ferðin þeim vel og fékk maðurinn full-
an bata. Skurðaðgerðina framkvæmdi Snorri
Hallgrímsson yfirlæknir á Landsspítalanum
með aðstoð dr. E. A. Kantor, sem er læknir í
varnarliðinu á Keflavíkurflugvelli.
Leiðrétting.
í erindi um hafið eftir Sigurð Magnússon í
síðasta blaði slæddist villa í 4. línuna, þar
stóð: . . . til heljar síðan leitt. Átti að vera:
. . . til heljar tíðum leitt. Þetta leiðréttist hér
með. Um hina stirðu veðráttu, sem verið hefir
að undanförnu segir Sigurður:
Vindar æstir auka mátt,
allt er á reiðiskjálfi.
Hryggir þvílíkt hugann þrátt.
Hræðist sérhver bjálfi.
Keflavíkurbær
hefir fest kaup á fjórum íbúðum í hinni stóru
byggingu við Faxabraut og notið til þess að-
stoðar Hins almenna veðlánakerfis, samkv.
lögum um útrýmingu heilsuspillandi húsnæð-
is. Þá munu einnig flestar aðrar íbúðir húss-
ins vera seldar og eru fyrstu kaupendurnir
þegar fluttir í húsið.
Bærinn hefir nú tekið í notkun áhaldaliús
sitt við Vesturbraut og fara þar fram véla-
viðgerðir og framleiðsla á skólprörum fyrir
Vatnsveitu og holræsagerð Keflavíkur.
Skeinmtikvöld Samvinnnfólks.
Hið árlega, sameiginlega mót starfsmanna
og stjórna kaupfélaganna í Hafnarfirði og
Keflavík, sem haldin eru til skiptis, sitt árið
í hvorum bæ, var að þessu sinni haldið í
Hafnarfirði laugardaginn 23. febrúar.
Guðmundur Halldórsson
hefir nú flutt húsgagnabólstrun sína í ný
og rúmgóð húsakynni á Faxabraut 32 og
mun því hér eftir geta tekið að sér meiri
vinnu er verið hefir fram að þessu. Lesið
auglýsingu frá Guðmundi á öðrum stað hér í
blaðinu.
Ungmennafélag Keflavíkur
hélt árshátíð sína laugardaginn 23. febrúar
í Ungmennafélagshúsinu.

Mjög miklar um-
ferðatruflanir hafa
verið hér undanfarið
sökum fannkomu. —
Þannig var útlitið,
einn morguninn, í
einni götu í Keflavík,
þegar risið var úr
rekkju.