Faxi - 01.01.1960, Blaðsíða 7
F A X I
7
Þar með urðu kapitulaskipti í símaþjón-
ustu hér í Keflavík. — Nýi tíminn var
genginn í garð með nýju ári. Fyrir hönd
heimamanna tóku til máls þeir Eggert
Jónsson bæjarstjóri og Guðmundur Guð-
mundsson, varaforseti bæjarstjórnar.
Að lokinni þessari athöfn var gestum
sýnd stöðin og þágu þeir síðan góðgerðir,
sem póst- og símamálastjórnin veitti.
Almenn hrifning ríkti meðal viðstaddra,
enda er hér um að ræða stórstígar fram-
farir í símamálum Keflavíkur og ná-
grennis. Gamla símstöðin, sem verið var
að kveðja, hefir gegnt hér merku hlut-
verki um hálfrar aldar skeið. Við hana
hefir gott fólk unnið frá fyrstu tíð. Um
mánaðarmótin sept.—okt. 1908 var fyrst
talsamband opnað milli Keflavíkur og
Reykjavíkur og þá opnuð hér landssíma-
stöð. Fyrsti stöðvarstjóri var Marta Val-
gerður Jónsdóttir, sem er öllum Faxales-
endum að góðu kunn, og var hún skráður
stöðvarstjóri til 1913, en þá tók við embætt-
inu mágkona hennar, Anna Þorgríms-
dóttir, og er hún skráður stöðvarstjóri í
eitt ár. Árið 1914 tekur Karl Vilhjálmsson
við stöðvarstjórn og gegndi starfinu í eitt
ár. Karl er ennþá starfsmaður Landssím-
ans og vinnur á radióverkstæðinu. 1915
tekur svo C. A. Möller við stöðinni og er
stöðvarstjóri til ársins 1929, en þá tekur
Sverrir Júlíusson við starfinu og gegnir
því fram til ársins 1940, er núverandi
símstjóri, Jón Tómasson, tekur við því.
Við breytinguna hafa allmargar síma-
stúlkur hætt störfum og mun þeim enn
fækka all verulega, þegar landssímaaf-
greiðslan verður líka sjálfvirk, en það mun
verða að verulegu leyti seinnipartinn á
Frá vinstri:
Ragnar Benediktsson,
B. Hernike verkfr.,
Þorvarður Jónsson
verkfr.,
Vignir Erlendsson,
Gauti Indriðason,
T. Kedeskog,
O. Olafson,
Ólafur K. Ólafsson,
S. Hermanson,
Leó Ingólfsson verkstj.,
Svavar Hauksson.
þessu ári. Ymsir munu sakna símastúlkn-
anna og þurfa nokkurn tíma til þess að
venjast hinni nýju tækni. Það er nefni-
lega svoleiðis með okkur mennina, að við
þurfum að hafa nöldrið okkar við hend-
ina. T. d. var ég fyrir nokkru staddur
í húsi, en meðan ég stóð þar við, hringdi
þangað maður, sem hafði ætlað að hringja
í annað númer. Er hann varð mistaka
sinna var, sagði hann: „Æ, hafa þær nú
gefið mér skakkt númer?“ Annar hringdi
á upplýsingaþjónustu nýja kerfisins og
sagði: „Hvernig er það, stendur hann
Margeir alltaf í sambandi hjá ykkur, ég
hefi verið að hringja á hann í hálftíma
og hann er alltaf á tali“. Þannig hafa sjálf-
sagt margir brandarar orðið til um það
leyti sem nýja stöðin tók til starfa.
Frá vinstri:
Gunnlaugur Briem
póst- og símamála-
stjóri velur fyrsta
númerið, Þorvarður
Jónsson verkfræð-
ingur, er sá um
uppsetning vélanna,
Jón Tómasson
símstöðvarstjóri og
Jón A. Skúlason
yfirverkfræðingur,
sem hafði yfir-
umsjón með bygg-
ingarframkvæmd-
um og uppsetningu
sjálfvirku sím-
stöðvarinnar í
Keflavík.
Já, nú höfum við sem sagt fengið nýja
og glæsilega sjálfvirka símstöð, sem veitir
betri og fullkomnari þjónustu en þekkist
hér á landi og sem þó á eftir að fullkomn-
ast til muna, þegar aðrar stöðvar á land-
inu hafa verið gerðar samvirkar henni.
Við megum því vel við una, hvað þetta
snertir, og horfa björtum augum á fram-
tíðina.
Ég býst við að allir, sem að þessu máli
hafa staðið, hafi unnið því vel, allt frá
ráðherrum og fyrirmönnum landssímans
til iðnaðar- og verkamanna. Og ber okkur
Keflvíkingum vissulega að þakka það. En
í þessu sambandi minnist ég þess, að í
viðtali við stöðvarstjórann, Jón Tómasson,
vildi hann þakka sérstakléga góðar undir-
tektir fyrrverandi póst- og símamálastjóra,
Guðmundi Hlíðdal svo og núverandi póst-
og símamálastjóra, Gunnlaugi Briem, en
báðir þessir menn hafa staðið að því með
einlægum áhuga, að láta draum okkar
hér um sjálfvirka símstöð rætast. Þá má
heldur ekki gleyma því, að yfirverkfræð-
ingur landssímans, Jón A. Skúlason, sem
hefir stjórnað þessum framkvæmdum, er
borinn og barnfæddur Keflvíkingur og
hefir því sjálfsagt verið hans metnaðar-
mál, að gera hlut Keflavíkur sem beztan.
Ég vil svo að lokum geta þess, að fyrir
um það bil 10 árum mun núverandi stöðv-
arstjóri hafa vakið máls á sjálfvirkri sím-
stöð hér, bæði í Faxa og síðar í bæjarstjórn
Keflavíkur, sem hann þá átti sæti í. Þetta
leiddi svo til nefndakosninga og til ferða
á fundi mdð póst- og símamálastjórn.