Faxi - 01.06.1960, Blaðsíða 2
82
F A X I
Marta Valgerður Jónsdóttir:
Minmngar frá Keflavík
Hjónin Björg
Arinbjarnardóttir
og Þorsteinn
Þorvarðsson og
synir þeirra Friðrik
og Ari.
Þann yngsta,
Ólaf,
vantar á myndina.
Þorvarðarhús stóð á sléttri flöt smáspöl
fyrir ofan Bjarnahús, en vestan við Norð-
fjörðstún, rétt við túnfótinn. Þetta hús
hafði Þorvarður beykir látið byggja eftir
að hann kom til Keflavíkur, en hann flutt-
ist þangað 1870 ásamt konu sinni Ragn-
liildi Guðmundsdóttur, ungri og fríðri
myndarkonu, og tveimur sonum þeirra,
Helga fimm ára og Stefáni á fyrsta ári.
Höfðu þau hjón komið frá Reykjavík,
en þar höfðu þau byrjað búskap 1863, en
þau voru gefin saman í Reykjavíkurdóm-
kirkju 9. júní það ár. Þorvarður lærði
beykisiðn utanlands. Hygg ég, að um hann
hafi leikið ævintýraljómi hins fjarlæga,
eins og um siglda menn í þá daga og
reyndar um þau hjón bæði, komin frá
sjálfri Reykjavfk og fín eins og embættis-
mannafólk. Þarna settust þau að í litla
kauptúninu og kunnu þar svo vel við sig,
að þau fóru ekki aftur. Þetta var þeim
munað, og það var ævinlega virðulegur
blær í röddinni, er gömlu konurnar röktu
minningar fyrri daga um þetta góða fólk,
einkum Ragnbildi.
Þorvarður var fæddur í Viðey 31. maí
1836. Hann andaðist í Keflavík 14. des.
1894. Foreldrar hans voru Helgi prentari
í Viðey, svo í Reykjavík, við Landsprcnt-
smiðjuna og síðast á Akureyri, f. 10. nov.
1807, d. 4. júní 1862, Helgason bónda á
Efra-Reyni við Akranes, f. 1741, d. 5. ág.
1807, Guðmundssonar bónda á Kirkjuboli
Brandssonar. Kona Helga á Reyni og
móðir Helga prentara var Guðrún, f. 1777,
d. 26. ág. 1839, Sæmundsdóttir bónda á
Geitabergi Guðmundssonar.
Kona Helga prentara og móðir Þorvarð-
ar var Guðrún, f. 25. apríl 1802, d. 22. okt.
1877, Finnbogadóttir verzlunarmanns í
Reykjavík, f. 1761, d. 25. jan. 1838, Björns-
sonar bónda á Þursstöðum í Borgarfirði
Runólfssonar. Kona Finnboga og móðir
Guðrúnar var Arndís, f. 1775, d. 1850,
Teitsdóttir vefara í Reykjavík Sveinssonar
og konu hans Guðríðar Gunnadóttir. Er
þetta gömul Reykjavíkurætt og fjölmenn
mjög.
Til gamans má geta þess, að prestsfrúin
á Utskálum, frú Steinvör Kristofersdóttir,
er fjórði maður frá Finnboga verzlunar-
manni Björnssyni.
Ragnhildur, kona Þorvarðar beykis, var
fædd 14. júní 1837 á Brekku í Biskups-
tungum. Voru forcldrar hennar Guðmund-
ur bóndi á Brekku, f. 1805, Guðmundsson
bónda í Austurldíð í Biskupstungum, f.
1737, Magnússonar og konu hans Onnu,
f. 1770, Snorradóttur. Kona Guðmundar
og móðir Ragnhildar var Helga, f. 1808,
Jónsdóttir Bachmann prests, síðast í Klaust-
urhólum, f. 29. ág. 1775, d. 11. júní 1845,
Hallgrímssonar læknis í Bjarnarhöfn, f. 22.
marz 1739 eða 1741, d. 20. marz 1811 Jóns-
sonar. Kona Hallgríms læknis Bachmanns
var Halldóra, f. 1750, d. 1821, Skúladóttir
landfógeta Magnússonar. Kona séra Jóns
Bachmanns og móðir Helgu var Ragn-
hildur, f. 26. febr. 1774, d. 14. maí 1856,
Björnsdóttir prests á Setbergi Þorgríms-
sonar.
Eins og sjá má af þessari upptalningu,
eru þetta allt kunnar ættir, sem auðvelt er
að rekja langt í aldir fram.
Ragnhildur var lítil vexti og fínleg, kvik
í spori og létt í hreyfingum. Hún bar svip-
mót hefðarkonunnar og var í senn alþýð-
leg og hlý í viðmóti við hvern mann. Hún
stjórnaði húsi sínu með miklum myndar-
brag, var allt hreint og firnum fágað á
heimili hennar. Þeim Ragnhildi og Þor-
varði varð ellefu barna auðið. Komust
fjögur til fullorðinsára, og elzti sonur