Faxi - 01.06.1960, Blaðsíða 6

F A X I
86
Skúli Oddfeifsson
umsjónarmaður barnaskólans í Keflavík, sextugur
Hann er fæddur 10. júní árið 1900 í
Langholtskoti í Hrunamannahreppi. For-
eldrar hans voru hjónin Helga Skúladóttir
frá Berghyl og Oddleifur Jónsson frá Hell-
isholtum.
Skúli er greindur vel, vörpulegur á velli
og þrekmaður, víkingur til vinnu, enda
lagt á margt gjörva hönd. Hafa þeir sagt
mér, sem þekktu hann á sínum yngri ár-
um, að því hafi verið við brugðið, hve
röskur sláttumaður hann var.
Hingað til Keflavíkur fluttist Skúli árið
1930 og vann hér fyrstu árin m. a. sem
landmaður við báta og síðar í mörg ár í
Dráttarbraut Keflavíkur.
Þegar kennsla hófst í skólahúsi því, sem
nú er notað, árið 1952, var hann ráðinn
umsjónarmaður skólans og hefur gegnt
því starfi síðan. Hefur hann leyst það af
hendi með prýði og sérstakri samvizku-
semi, svo að ekki verður á betra kosið.
Skúli hefur tekið virkan þátt í félags-
málum hér í bæ. M. a. verið í deildarstjórn
kaupfélagsins og í stjórn Arnesingafélags-
ins frá stofnun þess. Mun það vera fyrsta
átthagafélagið, sem hér er stofnað.
Skúli er kvæntur Sigríði Ágústsdóttur
frá Birtingaholti, hinni ágætustu konu,
sem hefur búið manni sínum gott heimili.
Eiga þau hjónin fjögur mannvænleg börn,
sem hafa getið sér hið bezta orð. Elzt
þeirra er séra Ólafur, æskulýðsfulltrúi
Þjóðkirkjunnar, Helgi, starfandi leikari
hjá Þjóðleikhúsinu, Móeiður og Ragnheið-
ur eru enn í foreldrahúsum.
Á þessum tímamótum í lífi húsbóndans
árna ég þeim hjónum og börnum þeirra
allra heilla og þakka þeim fyrir góð og
ánægjuleg kynni.
Hermann Eiríksson.
Skúli Oddleifsson, umsjónarm. barna-
skóla Keflavíkur varð sextugur 10. þ. m.
Árin ber hann ekki utan á sér, svo léttur
er hann í spori og öllum hreyfingum, að
vel gæti hann þess vegna verið 10 árum
yngri.
Fyrir 30—40 árum bar leiðum okkar
Skúla fyrst saman. Við vorum þá skipsfé-
lagar, unnum saman í landi við mótorbát.
Skúli Oddleifsson.
Vinnuaðbúðin var frumstæð og laus við
öll þægindi, miðað við daginn í dag. Að
fiskinum var gert úti undir beru lofti,
hvernig sem viðraði, í éljagangi og frosti,
í ágjöf og úrhellisrigningu.
Skúli stóð þá við flatningsborðið og
flatti þann gula. Því var þá oft veitt at-
hygli hver afbragðs verkmaður hér var að
starfi. Aldrei virtist hann flýta sér, en
hreyfingar hans voru öruggar og ekkert
handbragð var um of, og svo leikinn var
hann og afkastamikill við flatninguna, að
fáum þýddi þar við hann að keppa. En
það var ekki aðeins við flatninguna, sem
Skúli sýndi viss og örugg handbrögð, hinni
sömu leikni hafði hann náð við beitning-
una, þar var hann alltaf fyrstur, þó oft
væri um það keppt. Eg þekkti Skúla ekki
sem sláttumann, en þar gæti ég trúað að
hann hefði sýnt yfirburði sem annars stað-
ar, því Skúli var á sínum yngri árum vel
að manni og fylginn sér.
Þótt það hafi orðið hlutskipti Skúla,
sem margra annarra á hans aldri, að þurfa
alla tíð að strita fyrir brauði, þá hefur hann
ekki látið allan bóklegan fróðleik framhjá
sér fara. Hann er bókhneigður mjög og
þá einkum ljóðelskur og kann að meta vel
gerða stöku og ljóð, í þvi formi, sem mót-
aðist og stóð í blóma fyrir „atómöld“.
Eg lýsi hér engum öðrum störfum né
æviatriðum Skúla, þau eru stuttlega rakin
hér að framan. En þessar línur eru að-
eins svipmyndir úr minningu liðins tíma,
sem koma fram í huga minn við þessi
aldurstímamót hans, og þeim á að fylgja
mín afmæliskveðja með árnaðaróskum um
langa framtíð.
Ragnar Guðleifsson.
Tuttugu og fimm ára.
Iðnaðarmannafélag Keflavíkur hélt fyrir
nokkru upp á aldarfjórðungsafmæli sitt með
veglegu hófi í Ungmennafélagshúsinu í Kefla-
vik. Félagið var stofnað 4. nóv. 1934. Voru
stofnendur 21 í 8 iðngreinum, 10 trésmiðir,
4 múrarar, 2 málarar, 2 járnsmiðir, 1 raf-
virki, 1 rakari og 1 klæðskeri. Nú eru í fé-
laginu yfir 70 menn og fleiri iðngreinar hafa
bætzt við á þessu tímabili.
Þórarinn Ólafsson trésmíðameistari var
fyrsti formaður félagsins, enda einn aðal
hvatamaður að stofnun þess. Fyrstu áhuga-
mál félagsins voru launakjör og réttindamál
félagsmanna. Þá lét félagið snemma til sin
taka fræðslumál iðnaðarmanna og árið 1935
kom það á stofn iðnskóla í Keflavík, sem það
hélt uppi á sinn kostnað óslitið til ársins
1955, er hin nýju fræðslulög tóku gildi. Eftir
það féllu iðnskólar inn í fræðslukerfi lands-
ins og eru nú starfræktir sem fagskólar. Nú
á síðasta ári luku 37 prófi frá iðnskólanum
í Keflavík í 11 iðngreinum, sem má teljast
mjög gott miðað við iðnskóla í sambærileg-
um bæjum. Mörgum þörfum málum hefir
félagið veitt brautargengi, t. d. hafði það
forustu um, að skipuð var í Keflavík bygg-
ingarnefnd, er annaðist um skipulagsmál hins
ört vaxandi bæjarfélags. A liðnum aldar-
fjórðungi hefir félagið haldið yfir 100 fundi,
þar sem hin ýmsu málefni hafa verið rædd.
A starfstima félagsins hafa 9 menn skipað
formannssætið, en Guðni Magnússon málara-
meistari mun hafa skipað það lengst allra,
því hann var formaður félagsins í 9 ár sam-
fleytt. Núverandi formaður er Þorbergur
Friðriksson málarameistari, sem hefir gegnt
formannsstörfum s.l. 5 ár.
Faxi óskar Iðnaðarmannafélagi Keflavíkur
til hamingju með þenna merka áfanga á
starfsferli félagsins. Vissulega hefir það komið
mörgu þörfu til leiðar, bæði fyrir sína eigin
félagsmenn og einnig fyrir Keflavíkurbæ. Á
ýmsan hátt hefir það verið lyftistöng menn-
ingarlegra framfara og því fylgja félaginu
heillaóskir allra þeirra, sem kunna að meta
það sem vel er gert.