Faxi - 01.09.1964, Blaðsíða 3

og fyrirhyggju, en aflabrögð nýtt vel, svo
ekkert fór í súginn. Snyrtimennska í allri
umgengni, bæði utan húss og innan, bafði
verið meiri og bctri en almennt gerðist, en
sá ágæli siður lá þar í landi alla tíð meðan
búið var í Ytri-Njarðvík.
Jón Snorrason andaðist í Ytri-Njarðvík
20. apríl 1837 „af elliburðum, lá í kör und-
ir 2 ár, 6 barna faðir, af hverjum 4 dætur
lifa. í mörgu uppbyggilegur merkismaður
og einhverr ráðvandasti, lifði í hjónabandi
46 ár.“
Katrín Einarsdóttir, kona hans, andaðist
í Ytri-Njarðvík 14. júní 1845, 86 ára. „Ein-
bver mesta merkiskona.“
Sigurður Arnason varð bóndi í Ytri-
Njarðvík 1796. Hann var Skagfirðingur
að ætterni, fæddur 1762, skírður 6. júlí,
sonur Árna bónda á Mælifellsá og víðar
Asgrímssonar og konu hans Þuríðar Jóns-
dóttur. (P. /.: Ættir Skagfirðinga nr. 272,
3. liður). Kona bans var Sólveig Snorra-
dóttir, alsystir Jóns Snorrasonar, sem bjó í
Ytri-Njarðvík samtímis þeim. Systir þeirra
var einnig Oddbjörg, kona Jóns Sigbvats-
sonar í Höskuldarkoti, svo að þau voru
þarna búsett á Njarðvíkurtorfunni þrjú
systkinin, börn Snorra Gissurarsonar og
konu hans Margrétar Jónsdóttur.
Þau Sigurður og Sólveig höfðu átt beima
í Keflavík frá giftingu, 17. okt. 1788 til
1796. Vann Sigurður við Keflavíkurverzl-
un (bina elztu) þessi ár. Þau Sigurður og
Sólveig bjuggu í Ytri-Njarðvík fram yfir
1803 og ef til vill lengur, en árið 1816 er
Sólveig orðin ekkja og kornin bústýra að
Bakka á Kjalarnesi og þar eru einnig tvö
börn bcnnar, Magnús og Sólveig.
Þeim Sigurði og Sólveigu varð 12 barna
auðið. Af þeim lifðu, við arídlát Sólveigar,
1837, sex synir og ein dóttir, sem var
heyrnar- og mállaus.
Frambald í næsta blaði.
Hjarta- og æðavcnulai-rélag Keflavíkur
og nágrennis stofnað.
Fyrir nokkru var stofnað í Keflavík félagið
Hjarta- og æðaverndarfélag Keflavíkur og
nágrennis. Á stofnfundinum, sem haldinn var
1 Aðalveri, mættu milli 50 og G0 manns.
Á stofnfundinum flutti Snorri P. Snorrason
læknir mjög fróðlegt erindi um myndun
hjarta- og æðasjúkdóma, einnig skýrði hann
bað helzta, sem hægt væri að gera til varnar
sjukdómsmyndun. Að lokum svaraði læknir-
ínn fyrirspurnum.
Stjórn sú, sem kosin var á stofnfundinum,
hefur skipt með sér verkum og er þannig
skipuð: Formaður Kjartan Olafsson, héraðs-
læknir, gjaldkeri Páll Jónsson, ritari Sólveig
Hannesdóttir, meðstjórnendur Guðjón Kle-
menzson og Jón Tómasson.
Til athugunar fyrir þá, sem hug hafa á að
ganga í félagið og teljast vilja stofnendur, þá
skal á það bent, að listar liggja nú frammi
á fjölmörgum stöðum í Keflavik, Grindavík,
Sandgerði og Garði, ennfremur hjá stjórnar-
meðlimum.
Forsetafrú íslands látin
Forsetafrú, Dóra Þórhallsdóttir, andað-
ist hinn 10. þessa mánaÖar eftir stutta
legu. Hún var jarSsungin frá Dómkirkj-
unni í Reykjavík þrið/udaginn 15. sept.
Þann dag blöstu fánar í hálfa stöng um
gjörvallt Island, enda syrgSi þjóSin öll heils
hugar sína látnu forsetafrú, sem um tólf
ára skeiS hafSi meS mikilli sæmd og glæsi-
brag skipaS landsins tignasta húsfreyju-
sæti.
Frú Dóra var glæsileg og göfug kona.
Hún var í senn tigin og fyrirmannleg, en
þó aSlaSandi og látlaus í framgöngu. Hún
var sönn dóttir þjóSar sinnar, enda dáS og
virt af öllum, er til hennar þekktu. ÞjóSin
mun varSveita minningu hennar.
FAXI — 111