Faxi - 01.09.1964, Blaðsíða 5

Hann kynnti AMORELLU erlendis og heima
Nú á dögunum átd Faxi stutt símaviðtal
við hinn þjóðkunna og margumtalaða dæg-
urlaga söngvara, Hauk Morthens í tilefni
af nýju lagi og nýju ljóði eftir Kristinn
Reyr, en Haukur hefur sungið lagið inn
á hljómplötu, sem oft hefur heyrzt í ríkis-
útvarpinu að undanförnu.
— Þú hefur einnig sungið lagið erlend-
is, Haukur?
— Já, ég hafði það meðferðis í söngför
til Norðurlanda nú í sumar. Söng það til
dæmis á fjölsóttum skemmtistað í Höfn.
— Og hvernig líkaði svo Dönum lagið?
— Alveg ljómandi vel. Við þetta sam-
komuhús söng ég um tveggja mánaða
skeið. Er ég hafði kynnt lag Kristins nokk-
ur kvöld, naut það fljótlega slíkra vin-
sælda, að segja má að það yrði óskalag
samkomuhússins, enda söng ég það a. m.
k. tvisvar á kvöldi allt tímabilið, sem ég
dvaldi þar.
— Hvað er sérstaklega til marks um
vinsældir lagsins?
— Ja, — til dæmis — hve oft ég var
keðinn að syngja það — og einnig sú stað-
reynd, hve gestirnir voru fljótir að til-
einka sér lagið, og létu sig þá ekki muna
að læra hinn íslenzka texta, sem þeim var
þó síður en svo munntamur.
Já, vissulega var lagi Kristins ákaflega
v<d tekið í Danmörku og sama var uppi
a teningnum í Noregi, enda hefur norskt
Myndin sýnir
Hauk Morthens á um-
slagi hljómplötunnar
Amorella og Hafið
bláa.
+u—<■—«—«—«—«—«—<■—«—«—«—«—<<—«—«—«—«—«—«—«—<«4>
AMORELLA
Ljóð og lag: Kristinn Reyr.
Sungið á hljómplötu af Hauk Morthens.
Ungmeyja þar á torgum
í erlendum hafnarborgum
og skál jafnt í gleði og sorgum
var skuggi míns draums um þig.
í laufskála okkar kynna
við logaspil handa minna
og fyrirheit augna þinna
eg faðma og kyssi þig.
Ljúfasta Amorella,
ástvina mín la bella
ó, lífið er tarantella,
! eg tilbið og elska þig.
útgáfufyrirtæki nú óskað að fá keyplan
einkarétt á laginu fyrir öll Norðurlöndin.
— Er það leyfi veitt?
— Já, það held ég mér sé óhætt að full-
yrða, og nú hefur fyrirtæki þessu verið
send „platan“ og nóturnar, og ætti þá
skriður að komast á málið.
— Hvað um undirtektir við lag Kristins
hér heima?
— Þær hafa verið alveg frábærar. Eg
hef sungið lagið víðsvegar um landið og
alls staðar hefur það vakið hrifningu og
verið á toppnum, sem kallað er, og sama
er að segja um viðtökurnar, sem upptaka
lagsins fékk, er sannast bezt á því, að plöt-
urnar eru löngu uppseldar hjá forlaginu.
— 'Hvað að lokum, Hauktir?
— Aðeins að óska Kristni til hamingju
með þetta litla og hugljúfa tónverk hans,
sem ég hef haft mikla ánægju af að kynna.
Þetta mun vera fyrsta lag Kristins þessarar
tegundar, og má það kalla snoturlega af
stað farið.
Eg þakka Hauk Morthens viðtalið og
ánægjuleg ummæli um „Faxa-manninn“
og skáldið Kristin Reyr. — Hér sannast
sem oft áður, að verkið lofar meistarann.
H. Th. B.
Sig. Magnússon kveður uni sjálfan sig:
Alltaf hér minn aldur vex,
orðin löng er biðin.
Attatíu ár og sex
ævibrautar liðin.
Þrek og kraftur þrotið senn,
þannig ævi lýkur.
Hugsun skýr þó hjá mér enn,
í henni er Bragi ríkur.
Guð hefur ljúfur leitt mig vel,
lífsins götu alla
í hans forsjón æ ég fel
ævi mína og galla.
FAXI — 113