Faxi - 01.02.1969, Side 2

Ingólfur á
Sá heiðurs karl, Ingólfur E. Sigurjóns-
son á Reynistað í Leiru, tók upp á því
þann 27. júní s. 1. sumar, að eiga sjötugs-
afmæli. Þar sem ég hafði sannfrétt að mað-
urinn væri fróður vel um margt er snýr
að gamla tímanum, t. d. um byggðasögu
Leirunnar, freistaðist ég til að ná tali af
honum og vita, hvers ég yrði vísari, enda
þótt nokkuð væri liðið frá afmælinu.
Ingólfur missti konu sína á s. 1. sumri.
eftir langa sjúkdómslegu, og býr hann nú
einn á Reynistað, þar sem börn þeirra
hjóna eru löngu að heiman farin. Er mig
bar þar að garði, var hann nýkominn frá
vinnu sinni og tók kvabbi mínu af hinni
mestu vinsemd. Honum sagðist svo frá:
— Eg fluttist með foreldrum mínum
til Keflavíkur 1901, þegar ég var þriggja
ára. Foreldrar mínir bjuggu í Keflavík til
ársins 1921, en tóku þá á leigu jörðina
Litla-Hólm í Leiru og fluttust þangað með
börnum sínum, að mér undanskildum,
en ég ólst upp hjá afa mínum, Einari Ein-
arssyni koparsmið, sem bjó á Klapparstíg
6 í Keflavík. Ég var elztur minna syst-
kina, en þau sem ólust upp í foreldrahús-
um voru: Teitur, Olafur, Þorbergur, Aðal-
steinn og Margrét.
Jörðina Litla-Hólm keyptu foreldrar
mínir 1923 og bjuggu þar æ síðan.
— Hvað er þér minnisstætt frá æskuár-
um þínum, Ingólfur?
— Líklega rrian ég fyrst eftir mér, þegar
ég var 8 ára, en þá gerði ofsaveður af suð-
vestri, sem olli miklu tjóni víða um land.
I því veðri fórst þilskipið Ingvar. Þessa
aftaka veðurs mun ekki hafa gætt eins í
Keflavík, sem var því að þakka að heiðin
dró úr vindhraðanum, enda urðu þar eng-
ir teljandi skaðar af völdum þess.
— Manstu hvernig Keflavík leit út í þá
daga ?
— Hún var þá lítið sjávarþorp, aðeins
40 íbúðarhús, að mig minnir, með um
250-270 íbúa.
— Þú hefir gengið í barnaskóla í Kefla-
vík ?
— Jú, og minn fyrsti kennari var Sól-
mundur Einarsson, sem var hinn prýðileg-
asti maður. Næst honum kenndi mér Jóna
Sigurjónsdóttir, þá Gunnlaugur Krist-
mundsson, sem var skólastjóri. Kennslan
fór fram í hinu nýja og veglega skólahúsi,
sem var byggt 1911 og er enn í fullu gildi,
eins og þér er manna kunnugast.
Eg minnist þess, að þá giltu þær reglur,
Reynistað
að til þess að opinber styrkur fengist út á
skólahald fyrir unglinga, þurftu nemend-
ur að vera minnst 12 talsins. Svo skemmti-
lega vildi til, að þegar ég innritaðist var ég
einmitt 12. nemandinn og bjargaði þannig
skólahaldinu í það skiptið.
Ingálfur og Guðrún fóstra hans.
Við unglingadeildina kenndi þá Ásgeir
Magnússon, er síðar starfrækti unglinga-
skóla á Hvammstanga, en gerðist svo
starfsmaður hjá Ríkisútvarpinu, þegar það
var sett á laggirnar. Hann var hinn mæt-
asti maður og mikilhæfur kennari. Tómas
Snorrason, síðar skólastjóri bæði í Kefla-
vík og Grindavík, kenndi þá ensku við
skólann. Prófdómari var hinn kunni skóla-
maður, Ögmundur Sigurðsson, síðar skóla-
stjóri Flensborgarskólans í Hafnarfirði. í
unglingaskólanum var ég í 3 ár og út-
skrifaðist þaðan með gagnfræðaprófi.
— Hvað hafðir þú nú helzt fyrir stafni
sem unglingur í Keflavík?
— Sem barn var maður notaður til snún-
inga, en strax og ég varð til nokkurs
gagns, tók faðir minn mig með sér í vega-
vinnu á sumrum, en um þær mundir var
hann flokksstjóri undir yfirstjórn Sigur-
geirs Gíslasonar, sem þá var aðal vega-
verkstjóri fyrir sunnan Hafnarfjörð og
lagði m. a. hinn gamla og fræga Suður-
nesjaveg, sem nú hnefir að mestu lokið
hlutverki sínu. Síðar tók svo faðir minn
við vegaverkstjórn hér um Leiru, Garð
og Sandgerði og víðar. Að þessu frátöldu
vann eg svo alla algenga vinnu, eftir því
hvað til féll hverju sinni.
Árið 1917—18 vann ég í Stálfjallskola-
námunnni svokölluðu, bæði sem vélstióri
og járnsmiður, en þá iðn lærði ég hjá afa
mínum { Keflavík.
— Hvar var þessi náma og hverjir starf-
ræktu hana?
— Náman var innanvert við Skor á
Breiðafirði og var starfrækt af dansk-
íslenzku fyrirtæki.
— Hve lengi vannstu þar?
— Alls 9 mánuði. Mér féll vistin þar
afar vel og þessi starfstími minn þarna
við námuna, var mér dýrmætur skóli, sá
bezti, sem ég um dagana hefi notið. Yfir-
verkfræðingurinn var Theodor Rosgaard.
vel látinn og kunnur hér á landi, vegna
verka sinna, byggði t. d. verksmiðjuna
Völund í Reykjavík og fleiri íslenzk mann-
virki.
— Hvernig féll þér að vinna undir hans
stjórn ?
FAXI — 18