Faxi - 01.03.1975, Qupperneq 4

¥AXl
Útgefandi: Málfundafélagið Faxi, Keflavík
Iiitstjóri: Magnús Gíslason
ISlaðstjóm: Jón Tómasson, Kristján Guð-
laugsson, Ragnar Guðleifsson
Auglýsingastjóri: Ágúst Matthíasson
Setning, umbrot og offsetprentun:
Setjarinn hf. og Fjarðarprent
Togaraflotinn ögrar
bátaútgerðinni
Ein setning af vörum aflakóngsins á skuttogaranum Ögra í Morgunblaðinu 1.
mars s.l. sagði meiri sögu en hann mun hafa ætlast til. Orð rétt er þar haft eftir
honum: „Það er um að gera að ná honum (þeim gula) áður en hann fer inn á
grunnið til bátanna."
Brynjólfur Halldórsson skipstjóri er sjálfsagt ekki einn um þessa skoðun.
Sennilega eru þau stjórnvöld, sem farið hafa með sjávarútvegsmál síðustu árin,
sömu skoðunar. Það má vera að ekki skipti máli hvaða skip koma með aflann
að landi — og hæf fiskiskip eru skuttogarar. En ekkj virðist leikmanni allt
með felldu í þessum efnum.
Stjórnvöld eru herská á heimavelli og erlendri grund — bíta í skjaldarrendur
og heimta.200 mílna landhelgi umhverfis landið. Höfuð röksemdin er að vernda
fiskistofnana, serri hafa átt meginþátt í því að hér hefur fólk getað lifað í 11
aldir. Já — burt með erlenda togara,sem „ryksuga" allt kvikt, stórt og smátt,
á gömlum og nýjum fiskimiðum okkar íslendinga. Er þá ekki HLÁLEGT að
dengja inn í landið fleiri tugum af ennþá afkastameiri togskipum, sem gerð
erU’ út með því meginmarkmiði að fyrirbyggja að sá guli komist inn á grunnið?
Hann á nefnilega mikilvægt erindi þangað — þar eru hans HRYGNINGAR-
STÖÐVAR. Þó að bátafiskimenn leggi þar fyrir hann gildrur — línu og net —
tekst honum, sem betur fer, oftast að Ijúka ætlunarverki sínu, a.m.k. að hluta.
En fleiri skuggahliðar reyndust vera á þessari togaraútgerð. Togaraútgerðin
gat ekki borið sig — ekki einu sinni aflaskipið ögri — því að í tilvitnaðri grein
skipstjóraris, segir hann að aðrir atvinnuþættir standi undir útgerð Ögra. Enda
hefur reynslan orðið sú að stór halIj hefur verið á öllum þessum skipum — talinn
vera 1—3 milljónir á skip á mánuði. Það er kannski ekki furða, þar sem sérhver
óbreyttur háseti hefur þingmannalaun, eina og hálfa milljón á ári, svo að
ennþá sé vitnað í Ögra-greinina. Það leiðir svo af sér manneklu á bátaflotanum,
sem hefur bó hingað til verið drýgstur við að flytja afla á land og veita lands-
fólki einnig drjúgar tekjur við margþætta vinnu. Fjöldi báta er bundinn við
bryggjur víða um land — þó mun ástandið vera einna verst hér á Suðurnesjum,
það sanna auglýsingar daglega í blöðum og útvarpi. Byggðasjóður kemur hér
líka við sögu, en honum hafa verið gerð skil hér áður.
Botnvörpuskipaútgerð og vélbátaútgerð hafa verið stundaðar hér á landi frá
fyrstu árum aldarinnar jöfnum höndum. Bátaflotinn hefur þó heldur sótt á
fram t-il þessa. Enda eru það fjölhæf veiðiskip, einkum í seinnj tíð. Mjög glæsi-
legur og vaxandi bátafloti var undirstaða velmegunar síðasta áratugs, en nú
stendur sú útgerð á háskalegum tímamótum
Eðlileg endurnýjun togaraflotans var réttmæt, ef hún gekk ekki í bága við
sjónarmið okkar um verndun fiskistofna og ef rekstrargrundvöllur var fyrir
hendi. Hvorugt var til staðar. Örfáir skuttogarar eða önnur hentug fiskiksip,
sem atvinnubótatæki fyrir atvinnusnauð sveitarfélög voru því afsakanleg, en
ekki fjöldi skipa, sem verja hrygningarstöðvarnar svo að hrygningin er stór-
hömluð. — Leikmaður
20 — F A X I
KYNNING Á
SVEITARSTJÓRNARMÖNNUM
Á SUÐURNESJUM
ALBERT K. SANDERS, sveitar-
stjóri í Njarðvíkurhreppi, er fædd-
ur 29. marz 1929 á ísafirði. Foreldr-
ar: Jónína Albertsdóttii og Karl
Sanders.
Lauk prófi frá Gagnfræðaskólan-
um á ísafirði og síðan námi í raf-
virkjun árið 1951. Starfaði sem
gjaldkeri hjá Togarafélaginu 'ís-
firðingur, en fluttist til Suðurnesja
árið 1962, varð framkvæmdastjóri
fyrir frystihús og útgerðarfyrirtæki,
en hefur seinasta áratug starfað hjá
varnarliðinu á Keflavíkurílugvelli.
Albert var formaður í Eélagi
ungra sjálfstæðismanna á ísafirði
og í Sjálfstæðismannafélaginu í
bænum, varabæjarfulltrúi þar í tvö
kjörtímabil og framá í íþróttasam-
tökunum. Síðar formaður í Sjálf-
stæðismannafélagi Suðurnesja.
Albert er kvæntur Sigríði Frið-
bertsdóttur frá Suðureyri við Súg-
andafjörð og eiga þau sex börn.
i